رۋمىنيا قازاقستان باستامالارىن قولدايدى

قازاقستان رەسپۋبليكاسى پارلامەنتى سەناتى كونستي­تۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى سەرىك اقىلباي, سەناتتىڭ الەۋمەتتىك-مادەني دامۋ جانە عىلىم كومي­­­­تەتىنىڭ مۇشەسى سەرىك بەكتۇرعانوۆ جانە پارلامەنت ءماجىلىسى ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى تولەش كەنجين قۇرامىنا ەنگەن قازاقستاندىق پارلامەنتتىك دەلەگاتسيا بۋحارەستكە بارىپ قايتتى. پارلامەنت دەپۋتاتتارى ەكى مەملەكەتتىڭ پارلامەنتارالىق ىنتىماقتاستىعىن دامىتۋ اياسىندا ءبىزدىڭ ەلىمىزدىڭ كونستيتۋتسياسى مەن قازاقستان حالقى اسسام­بلەياسىنىڭ 20 جىلدىعىنا وراي قازاقستان ەلشىلىگى مەن رۋمىنيا پارلامەنتى جانە حالىقارا­لىق قاتىناستار جانە ەكونوميكا­لىق ىنتىماقتاستىق ينستيتۋتىمەن بىرلەسىپ ۇيىمداستىر­­عان «پارلامەنتتىڭ دەموكراتيا­دا­عى ءرولى. قازاقستان حالقى اسسام­بلەياسىنىڭ ۇلگىسى – بىرلىك پەن ۇلتارالىق تاتۋلاستىقتىڭ قۇ­رىلۋى» اتتى عىلىمي-تاجىريبەلىك كونفەرەنتسياعا قاتىستى. كونفەرەنتسيادا رۋمىنيا پارلامەنتى سەناتى توراعاسىنىڭ ورىنباسارى, ەنەرگەتيكا ماسە­لەلەرى جونىندەگى كوميتەت ءتور­اعاسى فلورين كونستانتينەسكۋ, سەناتتىڭ شەتەلدەگى رۋمىن دياسپوراسى ماسەلەلەرى جونىندەگى توراعاسى مارچەل-دۋميترۋ بۋجور, «رۋمىنيا-قازاقستان» بىرلەسكەن پارلامەنتتىك توبىنىڭ باسشىسى, دەپۋتاتتار پالاتاسىنىڭ مۇشەسى كوستەل الەكسە, سونداي-اق, ساياساتكەرلەر, مەملەكەتتىك ورگاندار, ديپلوماتيالىق كورپۋس, عالىمدار مەن ىسكەر توپتاردىڭ وكىلدەرى قاتىستى. قازاقستان پارلامەنتىنىڭ ءمۇ­شەلەرى رۋمىنيالىق ارىپتەستەرى مەن قالىڭ كوپشىلىكتى ەلىمىزدىڭ قۇقىق ينستيتۋتتارى قۇرىلۋى مەن اتا زاڭىمىزدىڭ تاريحى, قازاقستان حالقى اسسامبلەياسىنىڭ قىزمەتى, ۇلتارالىق جانە دىنارالىق ۇنقاتىسۋدى ورىستەتۋدەگى حالىق­ارالىق باستامالار, ونىڭ ىشىندە الەمدىك جانە ءداستۇرلى دىندەر كوشباسشىلارىنىڭ سەزى جايىندا حاباردار ەتتى. س.اقىلباي قۇقىقتىق جانە دەموكراتيالىق مەملە­كەت قۇرۋداعى ەلىمىز كونس­تي­تۋتسياسىنىڭ باستى ءرولى مەن ۇلت­ارالىق ىنتى­ماقتاستىق سالاسىنداعى قازاقستان حالقى اسسامبلەياسىنىڭ ەرەكشە ورنىن ايتا كەلىپ, «قازاقستان-2050» ستراتەگياسى مەن پرەزيدەنت ن.ءا.نازارباەۆتىڭ «نۇرلى جول» جولداۋىنىڭ نەگىزگى باعىتتارى مەن ەلىمىزدىڭ كەلەشەك دامۋ باسىمدىقتارىنا توقتالدى. ءوز كەزەگىندە رۋمىنيا پار­­­لامەنتىنىڭ مۇشەلەرى قازاق­ستان­داعى دەموكراتيالىق جانە قۇقىقتىق قوعام قالىپتاسۋىنا جوعارى باعا بەردى. د.بۋجور ۇلت­ارالىق كەلىسىمنىڭ قازاقستاندىق مودەلىن جانە قازاقستان حالقى اسسامبلەياسىنىڭ نەگىزگى ءرولىن اتاپ ءوتىپ, قازاقستانداعى رۋمىن قاۋىمىنىڭ وزىندىك ەرەكشەلىگىن ساقتاۋداعى مەملەكەت قولداۋىنا ريزاشىلىعىن ءبىلدىردى. ءسوز العان ف.كونستانتينەسكۋ از ۇلت­تار مەن ءتۇرلى كونفەسسيالار وكىل­دەرى بەيبىت قاتار ءومىر ءسۇ­رەتىن قازاقستاندا دانا جانە ۇيلەسىمدى ساياسات جۇرگىزىلىپ كەلە جاتقانىن اتاپ ءوتتى. رۋمىنيا قازاقستان پرەزيدەنتىنىڭ بارلىق حالىقارالىق باستامالارىن قولدايتىنى ايتىلدى. سونىمەن قاتار, قازاقستاندىق پارلامەنتشىلەر رۋمىنيا پار­لامەنتى سەناتىنىڭ باسشى­لى­عىمەن, «رۋمىنيا-قازاقستان» پارلامەنتتىك توبىنىڭ دەپۋتاتتارىمەن جانە كوميتەت باسشىلارىمەن ەكىجاقتى كەزدەسۋلەر وتكىزدى. سونداي-اق, رۋمىنيا دياسپوراسى ىستەرى جونىندەگى ءمينيسترى اندجەل تيلۆەرمەن جانە رۋمىنيا سىرتقى ىستەر مينيسترلىگىنىڭ مەملەكەتتىك حاتشىسى دانيەل يونيتسامەن كەزدەسۋلەر بولدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.