وشپەس داڭق ىزدەرى

«ءبىز – جەڭىستىڭ مۇراگەرىمىز!» اسكەري-پاتريوتتىق ەستافەتا قىزىلجار وڭىرىندە بىرنەشە كۇنگە جالعاسىپ, اعا ۇرپاقتىڭ وشپەس ەرلىگىن پاش ەتتى. اكتسيا دوستاستىق ەلدەرى پرە­زي­دەنتتەرىنىڭ جەڭىستىڭ 70 جىل­دىعىن مەرەكەلەۋ تۋرالى ءبىر­لەسكەن ءىس-شارالار شەڭبەرىندە اتقا­رىلىپ, جاس­تار اراسىندا پات­ري­وتتىق تاربيەنى نىعايتۋعا باعىت­تالعان. – ادامنىڭ اتامەكەنگە, تۋعان جەرگە دەگەن پەرزەنتتىك ماحابباتىن, سۇيىسپەنشىلىك سەزىمىن قالىپتاستىرۋدى كوزدەيتىن مۇنداي شارالاردىڭ ماڭىزى زور. سول سەبەپتى ۇلتتىق ۇلاننىڭ گارنيزوندارى مەن اسكەري بولىمدەرىندە كەڭىنەن اتاپ وتىلەدى,–دەيدى ۇيىم­داستىرۋشىلار. 1941 جىلى 15 جەلتوقساندا اقمولا /قا­زىر استانا/ قالاسىندا قۇرىلعان 72-ءشى گۆارديالىق اتقىش­­تار ديۆيزياسىنىڭ جاۋىن­گەرلىك تۋى ەستافەتانىڭ باس­تى اتريبۋتى رەتىندە الىنۋىنىڭ وزىندىك ءمانى بار. اسكەري قۇراما جورىق جولدارىن ماسكەۋدەن بەرلينگە دەيىن جالعاستىرىپ, جاۋعا قارسى جويقىن سوققىلار جاساعانى ءۇشىن گۆارديالىق» اتاق بەرىلگەن. قازاقستان رەسپۋبليكاسى ۇلت­تىق­­­ گۆار­­­ديا­­­سىنىڭ اسكەري ءبو­لىم­دەرىندە كەڭ­ كو­­لەم­دە اتالىپ جاتقان «ءبىز – جەڭىستىڭ مۇرا­گە­رىمىز!» ەستافەتاسىنىڭ كە­زەكتى شەرۋى وبلىس ورتالىعىنداعى جەڭىس ساياباعىندا جالعاستى. 72-ءشى گۆارديالىق ديۆيزياسى جاۋىنگەرلىك تۋىنىڭ كوشىرمەسىن تابىس ەتۋگە ارنالعان سالتانات­تى جيىنعا وبلىس اكىمىنىڭ ورىن­- باسارى ۆلاديمير بۋبەنكو, ۇلى وتان سوعىسى مەن ەڭبەك اردا­گەر­لەرى, پەتروپاۆل اسكەري ينستي­تۋتىنىڭ كۋرسانتتارى, 6637 اسكەري ءبولىمىنىڭ جاۋىنگەرلەرى, ىشكى ىستەر دەپارتامەنتى مەن جاستار وكىلدەرى قاتىستى. ۇلتتىق ۇلاننىڭ پەتروپاۆل اسكەري ينستيتۋتىنىڭ باسشىسى, پولكوۆنيك جۇمابەك احمەتوۆ سالتاناتتى راسىمدە سويلەگەن سوزىندە ءفاشيزمدى جەڭۋگە قازاقستاننىڭ تەڭدەسسىز ۇلەس قوسقانىن, ۇلى وتان سوعىسى جىلدارى ەلىمىزدە 25 اسكەري قۇراما, 50 جەكە پولك پەن باتالون قۇرىلعانىن, سو­لاردىڭ ءبىرى قازىرگى ەلوردادا جا­ساقتالعان 459-شى اتقىشتار دي­ۆيزياسى (كەيىن 29-شى) بولىپ تا­بىلاتىنىن, جاۋىنگەرلەردىڭ, سەر­جانتتار مەن وفيتسەرلەردىڭ جاپ­پاي كورسەتكەن ەرلىگىنە وراي 72-ءشى گۆارديالىق اتقىشتار ديۆيزياسى مارتەبەسىن يەلەنگەنىن اتاپ كورسەتتى. اسكەري قۇراما 721 ەلدى مە­­كەن­دى, 13 ءىرى قالانى ازات ەتۋگە قاتىسقان. داڭقتى ديۆيزيانىڭ 18 مىڭنان استام جاۋىنگەرى مەن وفيتسەرى وردەندەرمەن, مەدالدارمەن ماراپاتتالعان. 31 قاھارمان كەڭەس وداعىنىڭ باتىرى اتانعان. استانالىق ينتەرناتسيوناليست جاۋىنگەرلەر زاپاستاعى گەنەرال-مايور مارات ماردەنوۆتىڭ باسشىلىعىمەن ديۆيزيانىڭ ءجۇرىپ وتكەن جاۋىنگەرلىك جولدارىنا ەكسپەديتسيا ۇيىمداستىرعان. سونداي ساتتەردىڭ بىرىندە ۆولگو­گراد قالاسىنىڭ اكىمشىلىگى ديۆي­زيا­نىڭ جاۋىنگەرلىك تۋىنىڭ كوشىر­مەسىن قازاقستاندىقتارعا تار­تۋ ەتكەن. قازاقستان پرەزيدەنتى – قارۋلى كۇشتەردىڭ جوعارعى باس قولباسشىسى ن.نازارباەۆ سالتاناتتى جاعدايدا تابىس ەتكەن بۇل جادىگەر ۇلتتىق گۆارديانىڭ 5573 اسكەري بولىمىندە ماڭگى ساقتالاتىن بولادى. ءومىر ەسقالي, «ەگەمەن قازاقستان». سولتۇستىك قازاقستان وبلىسى.