استانا. 26 تامىز. باس پروكۋرور اسحات داۋىلباەۆ الداعى كۇندەرى وتەتىن شانحاي ىنتىماقتاستىق ۇيىمىنا مۇشە مەملەكەتتەردىڭ باس پروكۋرورلارىنىڭ 13-ءشى جينالىسى جانە تاۋەلسىز مەملەكەتتەر دوستاستىعى ەلدەرىنىڭ باس پروكۋرورلارى ۇيلەستىرۋ كەڭەسىنىڭ (تمد بپۇك) 25-ءشى جينالىسى اياسىندا بىرقاتار جۇمىس كەزدەسۋلەرىن وتكىزدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
اتاپ ايتقاندا, ەلىمىزدىڭ باستى قاداعالاۋ ۆەدومستۆوسىنىڭ باسشىسى موڭعوليا باس پروكۋرورى ەنح-امگالان ماگۆاننوروۆپەن, ءۇندىستان باس پروكۋرورى مۋكۋل روحاتگيمەن, اۋعانستان يسلام رەسپۋبليكاسىنىڭ باس پروكۋرورى نۋر دجالالمەن, بەلارۋس رەسپۋبليكاسىنىڭ باس پروكۋرورى الەكساندر كونيۋكپەن, وزبەكستان رەسپۋبليكاسىنىڭ باس پروكۋرورى يحتيور ابدۋللاەۆپەن جانە قىتاي حالىق رەسپۋبليكاسىنىڭ باس پروكۋرورى تساو تسزيانمينمەن كەزدەستى.
وتكىزىلگەن كەزدەسۋلەردىڭ باستى تاقىرىبى شىۇ جانە تمد بپۇك اياسىنداعى ىنتىماقتاستىق ماسەلەلەرى بولدى. تاراپتار ءوزارا قۇقىقتىق كومەك, پروكۋرورلىق قىزمەتتىڭ باعىتتارى بويىنشا تاجىريبە الماسۋدى جالعاستىرۋ, قاۋىپسىزدىكتىڭ ءارتۇرلى ترانسۇلتتىق قاتەرلەرىنە توسقاۋىل قويۋ سالاسىنداعى زاڭنامانىڭ ورىندالۋىن قامتاماسىز ەتۋ جونىندەگى ۇتىمدى شارالاردى قابىلداۋ ماسەلەلەرى بويىنشا حالىقارالىق ىنتىماقتاستىقتىڭ تيىمدىلىگىن ارتتىرۋعا ەرەكشە نازار اۋداردى.
سونىمەن قاتار, تەرروريزممەن جانە ەكسترەميزممەن, ەسىرتكىنىڭ جانە قارۋدىڭ زاڭسىز اينالىمىمەن, ترانسشەكارالىق قىلمىستىلىقتىڭ وزگە دە تۇرلەرىمەن, سونداي-اق زاڭسىز كوشى-قونمەن كۇرەس پروبلەمالارىن قوزعايتىن الداعى كۇندەرى وتەتىن مەملەكەتارالىق ورگانداردىڭ فورۋمدارىنىڭ كۇن تارتىبىندەگى ماسەلەلەر قوزعالدى.
تاراپتار سونداي-اق شانحاي ىنتىماقتاستىق ۇيىمىنا مۇشە مەملەكەتتەردەگى ءداستۇرلى جانە جاڭا قاۋىپ-قاتەرلەر مەن قاۋىپسىزدىككە تونەتىن قاتەرلەرگە توسقاۋىل قويۋدى قۇقىقتىق رەتتەۋدى بىركەلكى ەتۋ جانە ۇلتتىق زاڭنامانى جەتىلدىرۋ ماسەلەلەرىن تالقىلادى.
شانحاي ىنتىماقتاستىق ۇيىمى تۇراقتى ارەكەت ەتۋشى ۇكىمەتارالىق ۇيىم. ول 2001 جىلعى 15 ماۋسىمدا قازاقستان رەسپۋبليكاسى, قىتاي حالىق رەسپۋبليكاسى, قىرعىز رەسپۋبليكاسى, رەسەي فەدەراتسياسى, تاجىكستان رەسپۋبليكاسى جانە وزبەكستان رەسپۋبليكاسىنىڭ قاتىسۋمەن قۇرىلعان.
قازىرگى ۋاقىتتا اۋعانستان, بەلارۋس, ءۇندىستان, يران, موڭعوليا جانە پاكستان شىۇ باقىلاۋشىلارى, تۇركيا مەن شري-لانكا – سۇحباتتاسۋ بويىنشا سەرىكتەس مارتەبەسىنە يە. 2015 جىلعى 10 شىلدەدە ءۇندىستان مەن پاكستانعا مۇشە-مەملەكەت رەتىندە شىۇ-عا قوسىلۋ تۋرالى, ال ازەربايجان رەسپۋبليكاسى, ارمەنيا رەسپۋبليكاسى, كامبودجا كورولدىگى جانە نەپال فەدەراتيۆتىك دەموكراتيالىق رەسپۋبليكاسىنا سۇحباتتاسۋ بويىنشا سەرىكتەس مارتەبەسىن بەرۋ تۋرالى شەشىم قابىلداندى.
ايدار ورىسباەۆ.
دەرەك, سۋرەت: باس پروكۋراتۋرانىڭ ءباسپاسوز قىزمەتى.
