قوستاناي وبلىسىندا جولاۋشىلار اۆتوبۋسى اۋدارىلىپ قالدى

قوستاناي. 2 شىلدە. ارقالىق قالاسىنان جانگەلدين اۋدانىنىڭ تورعاي كەنتىنە شىققان اۆتوبۋس جول اپاتىنا ۇشىرادى. بۇل تۋرالى egemen.kz ءتىلشىسى حابارلادى. اۆتوبۋس امانگەلدى اۋدانىنىڭ قاراسۋ اۋىلىنان وتە بەرگەندە الدىنان ءبىر وتار قوي شىعا كەلدى. جۇرگىزۋشى وتاردىڭ الدىن الىپ كەتەمىن دەگەندە, رۋلگە يە بولا الماي, اۆتوبۋس اۋدارىلىپ كەتتى. اۆتوبۋستىڭ ىشىندە كەلە جاتقان 24 جولاۋشى ءتۇرلى جاراقات الدى. زارداپ شەككەندەرگە جاقىن جەردەگى ەمدەۋ ورنىندا كومەك كورسەتىلدى. ايتەۋىر ابىروي بولعاندا باس ءبۇتىن, باۋىر امان. 7 جانە 11 جاستاعى ەكى بالا «ساناۆياتسيامەن» قوستانايداعى  وبلىستىق بالالار اۋرۋحاناسىنا جەتكىزىلدى. ولار اۋرۋحانانىڭ تراۆموتولوگيا بولىمشەسىنە جاتقىزىلدى. دارىگەرلەردىڭ ايتۋىنشا, ولاردىڭ ومىرىنە قاۋىپ جوق, جاعدايى جامان ەمەس. جول پوليتسەيلەرى جول اپاتىنىڭ سىزباسىن جاساپ, 49 جاستاعى جۇرگىزۋشىگە سوت-مەديتسينالىق ساراپتاما جاسادى. جۇرگىزۋشىنىڭ ىشىمدىك ىشپەگەنى انىقتالدى. قازىر جول اپاتىنا بايلانىستى جولاۋشىلار اۆتوبۋسىنىڭ جۇرگىزۋشىسى ۇستىنەن قىلمىستىق ءىس قوزعالدى. سوتقا دەيىنگى تەرگەۋ جۇمىستارى ءجۇرىپ جاتىر. ءنازيرا جارىمبەتوۆا. دەرەك, سۋرەت: egemen.kz