«اتامەكەن» كەشەنىندە قىزىلوردا وبلىسى ماكەتتەرىنىڭ تۇساۋكەسەرى وتەدى

استانا. 2 شىلدە. «اتامەكەن» قازاقستان كارتاسى» ەتنو-مەموريالدىق كەشەنىندە قىزىلوردا وبلىسىنىڭ اكىمى قىرىمبەك كوشەرباەۆتىڭ قاتىسۋىمەن جاڭادان بوي تۇزەگەن قىزىلوردا وبلىسى ماكەتتەرىنىڭ تۇساۋكەسەرى وتەدى. شارا بارىسىندا مەرەكەلىك كونتسەرت قويىلادى. بۇل تۋرالى ەتنو-مەموريالدىق كەشەننىڭ ءباسپاسوز قىزمەتى حابارلادى. بيىل قىزىلوردا وبلىسى باسشىلىعىنىڭ قولداۋىمەن «اتامەكەن» قازاقستان كارتاسى» ەتنو-مەموريالدىق كەشەنىنە 14 جاڭا ماكەت قويىلدى. ەندى «بايقوڭىر» عارىش ايلاعىن, كيەلى مەشىتتەر مەن ماۆزولەيلەردى, سونداي-اق سىر وڭىرىندە ورنالاسقان وزگە دە كوپتەگەن مادەني مۇرالارىمىزدى «اتامەكەن» ەتنو-مەموريالدىق كەشەنىنەن كورۋگە بولادى. ەستەرىڭىزگە سالا كەتەيىك, كەشەندە قازاقستان حالقى اسسامبلەياسىنىڭ 20 جىلدىعىنا وراي 20 ءتۇرلى حالىقتىڭ ۇلتتىق ۇيلەرى قويىلعان بولاتىن. ەتنو-مەموريالدىق كەشەندە ەلىمىزدىڭ جانە شەتەلدىڭ 500-دەن استام بەلگىلى مۇرالارىمەن تانىسۋعا بولادى. ايدار ورىسباەۆ. دەرەك: «اتامەكەن» قازاقستان كارتاسى» ەتنو-مەموريالدىق كەشەنىنىڭ ءباسپاسوز قىزمەتى. سۋرەت: astana.kz.