دامۋ جولىندا جاسالعان باتىل تاۋەكەلدەر

مەملەكەت باسشىسى نۇر­سۇلتان نازارباەۆ ەلىمىزدىڭ دامۋى ءۇشىن جانە الەمدە العا وزعان وزگە دە الدىڭعى قاتارلى ەلدەرمەن تەڭ تەرەزەلى بولۋ ماقساتىندا كوپتەگەن سونى شەشىم, باتىل قادامدار جاساۋمەن كەلەدى. جۋىردا عانا جاريا ەتكەن مەملەكەتتىك دامۋدىڭ بەس ينستيتۋتتىق رەفورماسى قوعامدىق ورتادا, سونىڭ ىشىندە قارجى-ەكونوميكا سالاسىنىڭ ماماندارى مەن ساياساتكەرلەر جانە قوعام قايراتكەرلەرى اراسىندا قىزۋ تالقى مەن جان-جاقتى قولداۋعا يە بولعانى ءمالىم. مىنە, بۇگىن ەلباسى نۇرسۇلتان نازارباەۆ ءوزى ۇسىنعان سول جاڭا دا جاسامپاز باعىتتى جان-جاقتى تاراتا وتىرىپ, بارشامىزعا ناقتى تاپسىرمالار مەن مىندەتتەر جۇكتەپ وتىر. قارجىگەر رەتىندە مەنى اسا قىزىقتىرعانى – مەملەكەت باسشىسىنىڭ نۇسقاعان «ناقتى 100 قادامىندا» وتاندىق قارجى ينستيتۋتتارىنىڭ بۇكىلالەمدىك دەڭگەيدەگى مارتەبەسىن ارتتىرۋ مەن جاھاندىق جۇيەدە وزىندىك باستاماسىن قالىپتاستىرۋعا نەگىزدەلگەن مىندەتتەرىنىڭ زامان تالابىمەن قاتار ۇندەسكەندىگى بولىپ وتىر. «استانا-ەكسپو-2017» ينفراقۇرىلىمى اياسىن­دا ارناۋلى مارتەبەگە يە استانا حا­لىقارالىق قارجى ورتالىعىن قۇرۋ جانە ونى الىس-جاقىن مەملەكەتتەردىڭ ورتالىق قارجى حابىنا اينالدىرۋ, يسلامدىق قارجىلاندىرۋ ينستيتۋتتارىن جانداندىرىپ, جەتەكشى قارجى ورتالىقتارىمەن جۇيەلى ءارى جايلى اۋە قاتىناسى جۇيەسىن قۇرۋ سەكىلدى زاماناۋي دامۋ تالابىنا ساي تاپسىرمالاردىڭ كۇنى ەرتەڭ بەرەرى مول بولاتىنىنا سەنىمىمىز زور. الەمدەگى قار­جى جانە بيزنەس سالاسىن تىڭ­­عىلىقتى زەرتتەپ جۇرگەن ما­مان رەتىندە بۇل تاۋە­كەلدەردىڭ كەلەشەكتە ءۇل­كەن جەتىس­­تىكتەرگە جەتكىزەتىنىن باتىل بولجاي الا­مىن. دۇنيە جۇزىندەگى قارىشتاپ دامىپ كەتكەن ەلدەر ءبىر عانا ينۆەستيتسيانىڭ كۇشىمەن نەمەسە قازبا-كەن بايلىقتارىمەن بۇگىنگى جاعدايعا جەتكەن جوق. دامۋدىڭ نەگىزگى وزەگىندە سول مەملەكەتتىڭ ۇستانعان ىشكى-سىرتقى ساياسي باعىتى مەن وزگە دامىعان جانە دامۋشى ەلدەرمەن ءوزارا بايلانىسى, قارىم-قاتىناسى جاتىر. قازاق ەلىنىڭ جانە ەلباسىنىڭ قادام باسقان بولاشاعى بۇگىندە بارشا الەمگە بەلگىلى, سونداي-اق, حالىقارالىق قوعامداستىق تاراپىنان زور سەنىم مەن قولداۋعا يە بولىپ وتىر. بۇل مۇمكىندىكتى ءتيىمدى پايدالانۋ تەتىگى بىزدە ساتىمەن جاسالىپ وتىرعاندىعىن ورىندى ەسكەرۋىمىز كەرەك. سەرىك احانوۆ, قازاقستان قارجىگەرلەر اسسوتسياتسياسىنىڭ توراعاسى. الماتى.