استانا. 26 تامىز. ەلىمىزدە وسىدان التى جىل بۇرىن باستالىپ, قازىرگى كەزدە داستۇرگە اينالعان قازاقستان بوكس فەدەراتسياسىنىڭ كۋبوگى جالعاسىپ جاتىر. جاقىندا ا جانە س ديۆيزيونىنداعى شيرەك فينالدىق جەكپە-جەكتەر اياقتالدى. بۇل تۋرالى egemen.kz ءتىلشىسى حابارلادى.
ا توبىندا ءبىرىنشى ورىندى وڭتۇستىك قازاقستان وبلىسىنىڭ كومانداسى الدى. وسى توپتا ەكىنشى ورىنعا اتىراۋ, ءۇشىنشى ورىنعا جامبىل وبلىسىنىڭ بوكسشىلارى يە بولدى. ءتورتىنشى ورىندا سولتۇستىك قازاقستان كومانداسى قالدى.
س توبىندا ءبىرىنشى ورىندى الماتى وبلىسىنىڭ بىلعارى قولعاپ شەبەرلەرى يەلەندى. ودان كەيىنگى ورىندارعا قاراعاندى, پاۆلودار جانە قوستاناي وبلىستارىنىڭ بوكسشىلارى جايعاستى. ءسويتىپ, جارتىلاي فينالعا وڭتۇستىك قازاقستان مەن الماتى وبلىسىنىڭ كوماندالارى شىقتى.
ەندى ەرتەڭ, 27 تامىز كۇنى استانا مەن اقتاۋ قالاسىندا ۆ جانە D توپتارىنداعى شيرەك فينالدىق كەزدەسۋلەر وتەدى. وسى جەكپە-جەكتە جەڭگەندەر وڭتۇستىك قازاقستان مەن الماتى وبلىسىنىڭ كوماندالارىمەن 14 مەن 15 جەلتوقسان كۇندەرى جارتىلاي فينالدا كەزدەسەدى. بۇل سىن تاۋەلسىزدىك كۇنى قارساڭىندا استانادا وتەدى.
فينالدا جەڭگەن كوماندا قازاقستان بوكس فەدەراتسياسىنىڭ كۋبوگىمەن بىرگە 25 ميلليون تەڭگە كولەمىندە سىياقى الادى. ەستەرىڭىزگە سالا كەتسەك, اتالعان تۋرنير بوكس فەدەراتسياسىنىڭ پرەزيدەنتى تيمۋر ق ۇلىباەۆتىڭ باستاماسىمەن 2010 جىلدان بەرى وتكىزىلىپ كەلەدى. سول جىلى استانا قالاسىنىڭ بوكسشىلارى ءتۋرنيردى جەڭىپ, كۋبوكتىڭ العاشقى يەگەرى اتاندى. ودان كەيىن قاراعاندى وبلىسىنىڭ كومانداسى جەڭىمپاز اتانسا, 2012 جىلى ماڭعىستاۋ وبلىسىنىڭ بىلعارى قولعاپ شەبەرلەرى ەشكىمگە دەس بەرمەدى. 2013 جىلى تاعى دا استانا قالاسىنىڭ بوكسشىلارى كۋبوكتى توبەسىنە كوتەردى. ال بىلتىر جامبىل وبلىسىنىڭ بوكس مەكتەبى ءوزىنىڭ مىقتىلىعىن كورسەتتى.
داستان كەنجالين.
دەرەك, سۋرەت: قازاقستان بوكس فەدەراتسياسى.
