الماتى. 2 شىلدە. حالىقارالىق ەسىرتكىمەن كۇرەس كۇنى قارساڭىندا مەگاپوليستە «ءبىز ەسىرتكىگە قارسىمىز» اتتى اكتسيا ءوتىپ, وعان الماتى قالاسىنىڭ 500-گە تارتا جەتكىنشەگى تارتىلدى. بۇل تۋرالى egemen.kz حابارلادى.
ۇيىمداستىرۋشىلار «Femily» ساياباعىندا وتكەن اكتسيانىڭ بالالار ءۇشىن بارىنشا قىزىقتى وتۋىنە كۇش سالا وتىرىپ, جاستىقتىڭ ج ۇلىنقۇرتى بولعان ەسىرتكىنىڭ زيانى مەن كەسىرى جايلى اقپاراتتار تاراتتى.
قالا بالالارىن قىزىقتىرعان اۋقىمدى شارانىڭ بارىنشا ناتيجەلى بولۋىنا الماتى قالالىق سالاماتتى ءومىر سالتىن قالىپتاستىرۋ ورتالىعى دا ات سالىسىپ, جەتكىنشەكتەرگە ەسىرتكىنىڭ قاسىرەتتى سالدارلارى تۋرالى اقسوسقو ديرەكتورى گالينا بۋلىگينا مەن قالالىق ەسىرتكىمەن كۇرەس باسقارماسى باستىعىنىڭ ورىنباسارى مۇرات ىبراەۆ اڭگىمەلەپ بەردى.
ەسترادا جانە تسيرك ونەرپازدارى قاتىسقان اكتسيانىڭ ارقان تارتۋ, قول كۇرەستىرۋ, كىر تاسىن كوتەرۋ سياقتى جارىستارىنا ساياباققا سەرۋەندەۋگە كەلگەن تۇرعىندار دا قوسىلىپ, سول ارادا وتكەن كىشىگىرىم بايقاۋلاردىڭ ەستەلىك سىيلىقتارىنا يە بولدى. سنداي-اق, اكتسيادا ارنايى ماماندار جەتكىنشەككە ەسىرتكى تۇتىنىپ كورۋ ۇسىنىلعاندا, ءوزىن قالاي ۇستاۋ كەرەكتىگىن ويىن تۇرىندە وتكىزدى. بۇل ويىنعا ەسترادا ارتيستەرى دە قاتىسىپ, بالالارمەن بىرگە زياندى ارەكەتتەن ءوزىن قالاي اۋلاق ۇستاۋ كەرەكتىگىنە قاتىستى ءومىر ساباعىن الدى.
دەنساۋلىق لوتەرەياسى ويناتىلعان شارادا بي ونەرى بويىنشا ماستەر-كلاسستار ۇيىمداستىرىلىپ, حالىقارالىق ەسىرتكىمەن كۇرەس كۇنىنە ارنالعان پلاكاتتار كونكۋرسىنىڭ جەڭىمپازدارى انىقتالدى.
ايناش ەسالي.
دەرەك, سۋرەت: egemen.kz.
