ەلباسى «ارسەلورميتتال تەمىرتاۋ» ۇجىمى مەن ارداگەر مەتاللۋرگتەردى قۇتتىقتادى

استانا. 2 شىلدە. ەلباسى «ارسەلورميتتال تەمىرتاۋ» اكتسيونەرلىك قوعامىنىڭ ەڭبەك ۇجىمىنا جانە قازاقستان ماگنيتكاسىنىڭ ارداگەرلەرىنە العاشقى شويىن قورىتپاسى الىنۋىنىڭ 55 جىلدىعىنا بايلانىستى قۇتتىقتاۋ جەدەلحاتىن جولدادى. بۇل تۋرالى akorda.kz حابارلادى. قۇتتىقتاۋدا قارمەتكومبينات پەن بۇكىل وتاندىق مەتاللۋرگيانىڭ داڭقتى تاريحىندا بۇل وقيعانىڭ ماڭىزدى بەلەس بولىپ سانالاتىنى جانە ول ءالى كۇنگە ونەركاسىپتىڭ بەرىك ارقاۋى بولىپ وتىرعانى اتاپ وتىلگەن. «ءبىرىنشى دومنا پەشىندە قازاقستاننىڭ العاشقى شويىنىن قۇيۋعا قاتىسقاندىقتان, سول كەزدە قانشا قاجىر-قايرات جۇمسالعانىن جاقسى بىلەمىن. سىزدەردىڭ ەڭبەكتەگى ەرلىكتەرىڭىز قازاقستاننىڭ جاسامپاز جىلناماسىنا ەندى. بۇگىندە كومبيناتتىڭ ءوندىرىستى جاڭعىرتىپ جانە رەسپۋبليكا ەكونوميكاسىنا قوساتىن ۇلەسىن ۇلعايتا وتىرىپ, قارقىندى دامۋ ءداستۇرىن جالعاستىرىپ كەلە جاتقانى قۋانتادى», – دەلىنگەن جەدەلحاتتا. سوڭىندا مەملەكەت باسشىسى كاسىپورىن ۇجىمىنىڭ ەڭبەگىنە تابىس, ال ارداگەرلەرگە مىقتى دەنساۋلىق پەن باق-بەرەكە تىلەدى. ەلامان قوڭىر. دەرەك, سۋرەت: akorda.kz.