قوستانايلىقتار سالقىن سۋ ءۇشىن 58 ميلليون تەڭگە قارىز

قوستاناي. 2 شىلدە. قوستاناي قالاسىنىڭ تۇرعىندارى جىل باسىنان بەرى سالقىن سۋ مەن كاناليزاتسيانى پايدالانعانى ءۇشىن 6 ميلليون تەڭگە قارىز. ال جالپى «قوستانايسۋ» كاسىپورنىنا وتكەن جىلداردىڭ جيناقتالعان قارىزى 58 ميلليون تەڭگەنى قۇرايدى. بۇل تۋرالى egemen.kz ءتىلشىسى حابارلادى. كوممۋنالدىق قىزمەت قىزمەتكەرلەرى قارىزدان قورىقپاعاندارمەن كۇرەستىڭ «جاڭا» ءتۇرىن تاپتى. ولار ەندى سۋ اقىسىن تولەمەگەندەرگە كراندى جابادى. مۇنداي امالدى جيىرما شاقتى پاتەرگە قولدانىپ تا ۇلگەردى. «قوستاناي سۋ» كوممۋنالدىق كاسىپورنىنىڭ ينجەنەرى باتىربەك ساۋىتوۆ: «ەگەر پاتەر يەسىنىڭ    سۋعا قارىزى 10 مىڭ تەڭگەدەن اسىپ كەتسە, ءبىز امالسىزدان ەڭ سوڭعى شاراعا بارىپ, سۋمەن قامتاماسىز ەتۋدى دوعارۋعا ءماجبۇرمىز. قازىرگە دەيىن 23 پاتەرگە سالقىن سۋدىڭ كرانىن جاپتىق», دەدى.  كوممۋنالدىق كاسىپورىن قىزمەتكەرلەرى سالقىن سۋدان اجىراتقان پاتەرلەردىڭ قارىزى 600 مىڭنان اسىپ كەتكەن ەكەن.  وسىنداي شارا قولدانعاننان كەيىن  پاتەرلەر قارىزى  كولەمىنىڭ ەكىدەن ءۇشى قىسقارىپتى.  بىراق كاسىپورىن قىزمەتكەرلەرى مالىمدەگەندەي, مۇنداي شاراعا بارعانىمەن  تۇرعىنداردىڭ  سۋعا دەگەن قارىزى ءبارىبىر ءوسىپ وتىر. ءنازيرا جارىمبەتوۆا. دەرەك, سۋرەت: alau.kz