پاۆلودار. 2 ماۋسىم. وبلىس ورتالىعىندا «نۇرلى جول» باعدارلاماسى اياسىندا ەلگين كوشەسى 47/1 مەكەنجايى بويىنشا 5 قاباتتى تۇرعىن ءۇي پايدالانۋعا بەرىلدى. بۇل تۋرالى egemen.kz ءتىلشىسى حابارلادى.
باسپانانى «بايتەرەك» ۇلتتىق باسقارۋشى حولدينگى» اق يپوتەكا كومپانياسى ارقىلى پاتەر العان تۇرعىندار قۋانىشتى. قالا اكىمدىگى العاشقى بوپ كىلت العان ەكى پاتەر يەسىنە تەلەديدار, توڭازىتقىش تارتۋ ەتتى.
پاتەر يەلەرى ءبىر شارشى مەترگە 912 تەڭگە تولەيدى. جىل سوڭىنا دەيىن مايرا كوشەسىندەگى 180 پاتەرى بار كوپ قاباتتى ءۇي پايدالانۋعا بەرىلەدى. ياعني, پاتەر يەسى ءۇيدى باستاپقى جارناسىز 20 جىل بويى جالعا الادى. بەس جىلدان سوڭ ءۇي اقىسىن ۋاقىتىنان بۇرىن جابۋ قۇقىعىنا يە بولادى. ءبىر پاتەردىڭ كولەمى شامامەن 30-35 شارشى مەتر. ەلگين كوشەسىندەگى جاڭا پاتەرلەردىڭ 50 پايىزى 35 جاسقا دەيىنگى جاس وتباسىلار اراسىندا ۇلەستىرىلسە, قالعان بولىگى بيۋدجەتتىك ۇيىمداردىڭ قىزمەتكەرلەرى مەن مەملەكەتتىك قىزمەتشىلەرگە, كوپ بالالى جانە مۇگەدەك بالالارى بار, تولىق ەمەس وتباسىلارعا, جەتىم, اتا-اناسىنىڭ قامقورلىعىسىز قالعان بالالارعا, اسكەري قىزمەتشىلەرگە بەرىلدى.
فاريدا بىقاي.
دەرەك, سۋرەت: egemen.kz
