پەتروپاۆل. 2 شىلدە. 19-شى حالىقتىق سپورت ويىندارى اياسىندا مۇمكىندىگى شەكتەۋلى جانداردىڭ سپارتاكياداسى ءوتىپ, 13 اۋداننىڭ وكىلدەرى سپورتتىڭ 10 تۇرىنەن كۇش سىناستى.بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى.
وسىدان 2 جىل بۇرىن «ءۇمىت» كلۋبى بوي كوتەرگەلى وڭىردەگى مۇگەدەك ادامدار اراسىندا سپورتتىڭ كەڭ قانات جايا باستاعانىن اڭعارۋعا بولادى. بىلتىر سوچي قالاسىندا وتكەن قىسقى پاراليمپيادالىق ويىندارعا قازاقستاننان 5 سپورتشى قاتىسسا, ەكەۋى تەرىسكەيدەن بولدى. لوندونداعى جازعى دودادا حالىقارالىق دارەجەدەگى سپورت شەبەرى سەرگەي حارلاموۆ جاقسى ونەر كورسەتتى. جۇزۋدەن ۆلاديمير ەرمان, قولاربا جارىسىندا سەرگەي ۋسولتسەۆ, جەڭىل اتلەتيكادان ەلەنا مازۋررەنكو مەن قايرات قانافين الەمدىك باسەكەلەردە ەل نامىسىن قورعاپ ءجۇر.
ەكى كۇنگە سوزىلعان سپارتاكيادادا 216 ۇپاي جيناعان اققايىڭ اۋدانىنىڭ كومانداسى ءبىرىنشى ورىندى جەڭىپ الدى. ەكىنشى ورىنعا 194 ۇپاي ەنشىلەگەن تايىنشا اۋدانى كوتەرىلدى. ءۇشىنشى ورىندى ع. مۇسىرەپوۆ اۋدانىنىڭ كومانداسى ەنشىلەدى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق دەنە شىنىقتىرۋ جانە سپورت باسقارماسى.
