ۇلتتىق اكادەميالىق كىتاپحانادا اتا زاڭىمىزعا 20 جىل تولۋىنا بايلانىستى «كونستيتۋتسيا» زالىنىڭ سالتاناتتى اشىلۋ ءراسىمى ءوتتى.
كونستيتۋتسيا تۋرالى وقىرمانداردىڭ تانىم-تۇسىنىگىن ارتتىرۋ, سونداي-اق اتا زاڭدى قۇرمەتتەۋگە تاربيەلەپ, بەلسەندى ازاماتتىق ۇستانىمدارىن ءارى قۇقىقتىق سانا-سەزىمىن قالىپتاستىرۋ ماقساتىندا اشىلعان «كونستيتۋتسيا» زالىنا قاراپايىم قاعيدالاردان باستاپ, ەگەمەندى ەلىمىزدىڭ قۇقىقتىق جۇيەسىنە دەيىنگى قۇجاتتاردى, شەتەلدەردىڭ كونستيتۋتسيالارى قويىلىپتى. ولاردىڭ اراسىندا كونستيتۋتسيانىڭ قۇرىلۋ تاريحىنا قاتىستى فوتو, باسپا, اۋديو جانە بەينەماتەريالدار, نەگىزگى زاڭنىڭ ءار جىلدارداعى باسىلىمدارى, پرەزيدەنت ن.نازارباەۆتىڭ ۇلىقتاۋ راسىمىندەگى جازبالارى, كونستيتۋتسيالىق كەڭەستىڭ جۇمىسى تۋرالى ماتەريالدار وقىرمان نازارىنا قويىلعان.
اتالعان سالتاناتتى شاراعا كونستيتۋتسيالىق كەڭەستىڭ توراعاسى ي.روگوۆ, كونستيتۋتسيالىق كەڭەس مۇشەلەرى, پارلامەنت دەپۋتاتتارى, ەلوردالىق زيالى قاۋىم, بەلگىلى زاڭگەرلەر, عالىمدار, قالاداعى مادەني مەكەمەلەردىڭ جەتەكشىلەرى قاتىستى.
«كونستيتۋتسيالىق كەڭەس پەن ەلدىڭ بارلىق زاڭگەرلەرىنىڭ اتىنان بارشاڭىزدى الداعى قازاقستان كونستيتۋتسياسى كۇنىمەن قۇتتىقتايمىن. نەگىزگى زاڭنىڭ مەرەيتويى قارساڭىندا ۇلتتىق اكادەميالىق كىتاپحانادا «كونستيتۋتسيا» زالىنىڭ اشىلۋى تاڭبالى وقيعا بولىپ وتىر. بۇل كۇنى كونستيتۋتسيا ءماتىنىن قايتا قاراپ شىعىپ, ەلىمىزدە وسى قۇجاتقا نەگىزدەلە وتىرىپ جۇزەگە اسىرىلعان اۋقىمدى جۇمىستارعا كوڭىل اۋدارۋىمىز كەرەك دەپ ويلايمىن. بۇكىل قازاقستان حالقى كونستيتۋتسيانىڭ اۆتورى بولىپ تابىلادى, ويتكەنى نەگىزگى زاڭ رەسپۋبليكالىق رەفەرەندۋمدا بارشا حالىقتىڭ داۋىس بەرۋى ارقىلى قابىلدانعان بولاتىن. وسى ءساتتى پايدالانا وتىرىپ, بارشاڭىزدى تاعى دا اتا زاڭىمىزدىڭ 20 جىلدىعىمەن قۇتتىقتايمىن», – دەگەن كونستيتۋتسيالىق كەڭەستىڭ توراعاسى ي.روگوۆ جاڭادان اشىلعان «كونستيتۋتسيا» زالىنىڭ تۇساۋىن كەستى.
كونستيتۋتسيا زالىنىڭ ەكسپوزيتسياسى 4 بولىمنەن تۇرادى: قازاقتىڭ ادەت-عۇرىپ ەرەجەلەرى, قازاقستان كونستيتۋتسياسىنىڭ تاريحى, 1995 جىلعى قازاقستان رەسپۋبليكاسى كونستيتۋتسياسى جانە شەتەلدەردىڭ كونستيتۋتسيالارى. ەكسپوزيتسيانىڭ باستى بۇيىمدارى قازاقتىڭ ادەت-عۇرىپ ەرەجەلەرى مەن قازاقستان كونستيتۋتسياسىنىڭ, سونداي-اق شەتەلدەردىڭ كونستيتۋتسيالارىنىڭ تاريحىنا بايلانىستى 300-دەن اسا كىتاپ, كىتاپشا, كينو-فوتو-فونو قۇجاتتاردان قۇرالعان. كونستيتۋتسيا زالى عالىمدار, ستۋدەنتتەر, وقۋشىلار, كىتاپحانا وقىرماندارى, كىتاپقۇمارلار, سونداي-اق مەملەكەت تاريحى بويىنشا اۋەسقويلاردىڭ جۇمىس جاساۋىنا ارنالىپ وتىر.
سونىمەن قاتار, زالدىڭ اشىلۋى اياسىندا كونستيتۋتسيالىق كەڭەس توراعاسى كىتاپحاناعا ءبىرقاتار تاريحي باعالى كىتاپتار تابىس ەتتى. سونىڭ ءبىرى, «ۋگولوۆنوە وبىچنوە پراۆو كازاحوۆ» اتتى كىتاپتىڭ قايتا باسىلعان نۇسقاسى. ونىڭ اۆتورى تايىر مولداعالي ۇلى كۇلتەلەەۆ – تۇڭعىش زاڭگەر-عالىم, قازاقستانداعى قۇقىقتىق ءبىلىم بەرۋ مەن زاڭ عىلىمىن دامىتۋدى العاشقى ۇيىمداستىرۋشىلاردىڭ ءبىرى, قازاقتىڭ ادەت-عۇرىپ ەرەجەلەرىن زەرتتەۋشى.
كوپ جىلعى زەرتتەۋ جۇمىستارىنىڭ ناتيجەسىندە ت.م.كۇلتەلەەۆتىڭ دوكتورلىق ديسسەرتاتسياسى دۇنيەگە كەلدى, الايدا ونى قورعاپ ۇلگەرە المادى. 1955 جىلى اتالعان ەڭبەك س.بولاتوۆ, ل.ديۋكوۆ, س.زيمانوۆ, ا.فيليمونوۆا جانە ۆ.كيم باستاعان عالىمداردىڭ كۇش سالۋىمەن مونوگرافيا تۇرىندە جارىق كوردى.
ۇلتتىق اكادەميالىق كىتاپحانا ديرەكتورى ءۇمىتحان مۇڭالباەۆا كونستيتۋتسيالىق كەڭەستىڭ توراعاسى مەن بارلىق ۇجىمىنا جاڭا زالدىڭ اشىلۋىنا كومەك كورسەتىپ, شاراعا قاتىسقانى ءۇشىن ريزاشىلىعىن ءبىلدىردى. سونداي-اق, ول «كونستيتۋتسيا» زالىنىڭ اشىلۋىنا تىكەلەي قولداۋ كورسەتكەن مادەنيەت جانە سپورت ءمينيسترى ارىستانبەك مۇحامەدي ۇلىنا العىس ايتتى.
ايدار ورىسباەۆ,
«ەگەمەن قازاقستان».
ۇلتتىق اكادەميالىق كىتاپحانادا اتا زاڭىمىزعا 20 جىل تولۋىنا بايلانىستى «كونستيتۋتسيا» زالىنىڭ سالتاناتتى اشىلۋ ءراسىمى ءوتتى.
كونستيتۋتسيا تۋرالى وقىرمانداردىڭ تانىم-تۇسىنىگىن ارتتىرۋ, سونداي-اق اتا زاڭدى قۇرمەتتەۋگە تاربيەلەپ, بەلسەندى ازاماتتىق ۇستانىمدارىن ءارى قۇقىقتىق سانا-سەزىمىن قالىپتاستىرۋ ماقساتىندا اشىلعان «كونستيتۋتسيا» زالىنا قاراپايىم قاعيدالاردان باستاپ, ەگەمەندى ەلىمىزدىڭ قۇقىقتىق جۇيەسىنە دەيىنگى قۇجاتتاردى, شەتەلدەردىڭ كونستيتۋتسيالارى قويىلىپتى. ولاردىڭ اراسىندا كونستيتۋتسيانىڭ قۇرىلۋ تاريحىنا قاتىستى فوتو, باسپا, اۋديو جانە بەينەماتەريالدار, نەگىزگى زاڭنىڭ ءار جىلدارداعى باسىلىمدارى, پرەزيدەنت ن.نازارباەۆتىڭ ۇلىقتاۋ راسىمىندەگى جازبالارى, كونستيتۋتسيالىق كەڭەستىڭ جۇمىسى تۋرالى ماتەريالدار وقىرمان نازارىنا قويىلعان.
اتالعان سالتاناتتى شاراعا كونستيتۋتسيالىق كەڭەستىڭ توراعاسى ي.روگوۆ, كونستيتۋتسيالىق كەڭەس مۇشەلەرى, پارلامەنت دەپۋتاتتارى, ەلوردالىق زيالى قاۋىم, بەلگىلى زاڭگەرلەر, عالىمدار, قالاداعى مادەني مەكەمەلەردىڭ جەتەكشىلەرى قاتىستى.
«كونستيتۋتسيالىق كەڭەس پەن ەلدىڭ بارلىق زاڭگەرلەرىنىڭ اتىنان بارشاڭىزدى الداعى قازاقستان كونستيتۋتسياسى كۇنىمەن قۇتتىقتايمىن. نەگىزگى زاڭنىڭ مەرەيتويى قارساڭىندا ۇلتتىق اكادەميالىق كىتاپحانادا «كونستيتۋتسيا» زالىنىڭ اشىلۋى تاڭبالى وقيعا بولىپ وتىر. بۇل كۇنى كونستيتۋتسيا ءماتىنىن قايتا قاراپ شىعىپ, ەلىمىزدە وسى قۇجاتقا نەگىزدەلە وتىرىپ جۇزەگە اسىرىلعان اۋقىمدى جۇمىستارعا كوڭىل اۋدارۋىمىز كەرەك دەپ ويلايمىن. بۇكىل قازاقستان حالقى كونستيتۋتسيانىڭ اۆتورى بولىپ تابىلادى, ويتكەنى نەگىزگى زاڭ رەسپۋبليكالىق رەفەرەندۋمدا بارشا حالىقتىڭ داۋىس بەرۋى ارقىلى قابىلدانعان بولاتىن. وسى ءساتتى پايدالانا وتىرىپ, بارشاڭىزدى تاعى دا اتا زاڭىمىزدىڭ 20 جىلدىعىمەن قۇتتىقتايمىن», – دەگەن كونستيتۋتسيالىق كەڭەستىڭ توراعاسى ي.روگوۆ جاڭادان اشىلعان «كونستيتۋتسيا» زالىنىڭ تۇساۋىن كەستى.
كونستيتۋتسيا زالىنىڭ ەكسپوزيتسياسى 4 بولىمنەن تۇرادى: قازاقتىڭ ادەت-عۇرىپ ەرەجەلەرى, قازاقستان كونستيتۋتسياسىنىڭ تاريحى, 1995 جىلعى قازاقستان رەسپۋبليكاسى كونستيتۋتسياسى جانە شەتەلدەردىڭ كونستيتۋتسيالارى. ەكسپوزيتسيانىڭ باستى بۇيىمدارى قازاقتىڭ ادەت-عۇرىپ ەرەجەلەرى مەن قازاقستان كونستيتۋتسياسىنىڭ, سونداي-اق شەتەلدەردىڭ كونستيتۋتسيالارىنىڭ تاريحىنا بايلانىستى 300-دەن اسا كىتاپ, كىتاپشا, كينو-فوتو-فونو قۇجاتتاردان قۇرالعان. كونستيتۋتسيا زالى عالىمدار, ستۋدەنتتەر, وقۋشىلار, كىتاپحانا وقىرماندارى, كىتاپقۇمارلار, سونداي-اق مەملەكەت تاريحى بويىنشا اۋەسقويلاردىڭ جۇمىس جاساۋىنا ارنالىپ وتىر.
سونىمەن قاتار, زالدىڭ اشىلۋى اياسىندا كونستيتۋتسيالىق كەڭەس توراعاسى كىتاپحاناعا ءبىرقاتار تاريحي باعالى كىتاپتار تابىس ەتتى. سونىڭ ءبىرى, «ۋگولوۆنوە وبىچنوە پراۆو كازاحوۆ» اتتى كىتاپتىڭ قايتا باسىلعان نۇسقاسى. ونىڭ اۆتورى تايىر مولداعالي ۇلى كۇلتەلەەۆ – تۇڭعىش زاڭگەر-عالىم, قازاقستانداعى قۇقىقتىق ءبىلىم بەرۋ مەن زاڭ عىلىمىن دامىتۋدى العاشقى ۇيىمداستىرۋشىلاردىڭ ءبىرى, قازاقتىڭ ادەت-عۇرىپ ەرەجەلەرىن زەرتتەۋشى.
كوپ جىلعى زەرتتەۋ جۇمىستارىنىڭ ناتيجەسىندە ت.م.كۇلتەلەەۆتىڭ دوكتورلىق ديسسەرتاتسياسى دۇنيەگە كەلدى, الايدا ونى قورعاپ ۇلگەرە المادى. 1955 جىلى اتالعان ەڭبەك س.بولاتوۆ, ل.ديۋكوۆ, س.زيمانوۆ, ا.فيليمونوۆا جانە ۆ.كيم باستاعان عالىمداردىڭ كۇش سالۋىمەن مونوگرافيا تۇرىندە جارىق كوردى.
ۇلتتىق اكادەميالىق كىتاپحانا ديرەكتورى ءۇمىتحان مۇڭالباەۆا كونستيتۋتسيالىق كەڭەستىڭ توراعاسى مەن بارلىق ۇجىمىنا جاڭا زالدىڭ اشىلۋىنا كومەك كورسەتىپ, شاراعا قاتىسقانى ءۇشىن ريزاشىلىعىن ءبىلدىردى. سونداي-اق, ول «كونستيتۋتسيا» زالىنىڭ اشىلۋىنا تىكەلەي قولداۋ كورسەتكەن مادەنيەت جانە سپورت ءمينيسترى ارىستانبەك مۇحامەدي ۇلىنا العىس ايتتى.
ايدار ورىسباەۆ,
«ەگەمەن قازاقستان».
سوڭعى جاڭالىقتار
استانادا وليمپيادا چەمپيونى ميحايل شايدوروۆتى سالتاناتتى تۇردە قارسى الدى
ەلوردا • بۇگىن, 02:45
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
«رەال» باس باپكەرگە بايلانىستى شەشىم قابىلدادى
فۋتبول • كەشە
