شىعىس قازاقستان وبلىسى جارما اۋدانىنا اكىم تاعايىندالدى

وسكەمەن. 14 قازان. شىعىس قازاقستان وبلىسىنىڭ اكىمى دانيال احمەتوۆتىڭ وكىمىمەن جارما اۋدانىنىڭ اكىمى بولىپ نۇرلان باتتاش ۇلى سىدىقوۆ تاعايىندالدى. اكتيۆكە تانىستىرۋ بارىسىندا وبلىس اكىمى جاڭا باسشىنى اۋداننىڭ ەرەكشەلىكتەرىن ەسكەرە وتىرىپ تاعايىنداعانىن جەتكىزدى. بۇل تۋرالى ەgemen.kz ءتىلشىسى حابارلادى. نۇرلان سىدىقوۆ 1958 جىلى شىعىس قازاقستان وبلىسىنىڭ اباي اۋدانىندا تۋعان. 1980 جىلى قازاق پوليتەحنيكالىق ينستيتۋتىن تاۋ-كەن ينجەنەرى ماماندىعى بويىنشا, 2004 جىلى قازاق زاڭ اكادەمياسىن زاڭگەر ماماندىعى بويىنشا بىتىرگەن. تەحنيكا عىلىمىنىڭ كانديداتى. ەڭبەك جولىن سەمەي قالاسىنداعى «التايزولوتو» تاۋ-كەن بايىتۋ كومبيناتىنىڭ جوبالاۋ-قۇراستىرۋ ءبولىمىنىڭ مەحانيكا-ەنەرگەتيكالىق بيۋروسىنىڭ ينجەنەرى بولۋدان باستادى. اتالعان كاسىپورىندا ءتۇرلى قىزمەتتە 1991 جىلعا دەيىن ەڭبەك ەتتى. 1993 جىلعا دەيىن سەمەي قالاسىنىڭ تۇرعىن ءۇي-كوممۋنالدىق شارۋاشىلىعى ءبولىمىنىڭ مەڭگەرۋشىسى, قالا اكىمدىگىندە اپپارات جەتەكشىسى بولدى. 2011 جىلعا دەيىن جەكە سەكتوردا ءتۇرلى قىزمەتتە جۇمىس ىستەسە, 2011 جىلدىڭ تامىز ايىنان باستاپ وبلىستىق «ەرتىس» الەۋمەتتىك-كاسىپكەرلىك كورپاراتسياسى» ۇلتتىق كومپانياسى» اق باسقارما توراعاسى بولدى. 2013 جىلدىڭ ماۋسىم ايىنان وسى ۋاقىتقا دەيىن بەسقاراعاي اۋدانىنىڭ اكىمى قىزمەتىن اتقاردى. ال جارما اۋدانىنىڭ بۇرىنعى اكىمى انۋاربەك مۇحتارحانوۆ بيىلعى جىلى 23 قىركۇيەكتە وبلىستىق ارداگەرلەر كەڭەسىنىڭ توراعاسى بولىپ سايلانعان بولاتىن. دۋمان اناش. دەرەك, سۋرەت: egemen.kz.