بەردىبەك ساپارباەۆ تۇركىستاندا حالىقارالىق كونفەرەنتسياعا قاتىستى

شىمكەنت. 20 مامىر. بۇگىن پرەمەر-ءمينيستردىڭ ورىنباسارى بەردىبەك ساپارباەۆ وڭتۇستىك قازاقستانعا ساپارى بارىسىندا تۇركىستاندا قازاق حاندىعىنىڭ 550 جىلدىعى تاقىرىبىنداعى حالىقارالىق كونفەرەنتسيانىڭ جۇمىسىنا قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتىنە سىلتەمە جاساپ, egemen.kz ءتىلشىسى حابارلادى. ياسساۋي اتىنداعى حالىقارالىق قازاق-تۇرىك ۋنيۆەرسيتەتىندە وتكەن «قازاق مەملەكەتتىلىگى تاريحىنداعى قازاق حاندىعىنىڭ ءرولى مەن ماڭىزى» اتتى عىلىمي-تەوريالىق كونفەرەنتسيادا ۆيتسە-پرەمەر مەملەكەت باسشىسىنىڭ قاتىسۋشىلارعا جولداعان قۇتتىقتاۋ ءسوزىن وقىپ بەردى. «مەملەكەت تاريحىنداعى ايتۋلى كەزەڭ – قازاق حاندىعىنىڭ 550- جىلدىعى وتانىمىزدىڭ تۇكپىر-تۇكپىرىندە اتاپ وتىلەدى. قازاق حاندىعىنىڭ قالىپتاسۋىنا ارنالعان عىلىمي ءىس-شارالار مەملەكەت شەكاراسىنان اسىپ, شەتەلدەردە دە وتكىزىلۋدە», – دەپ جازىلعان قۇتتىقتاۋ سوزدە. سونىمەن قاتار, ەلباسىنىڭ قۇتتىقتاۋىندا: «سوڭعى بىرنەشە جىلدا رەسپۋبليكادا «تاريح اعىنىنداعى حالىق» مەملەكەتتىك باعدارلاماسىنىڭ ارقاسىندا قازاق حاندىعىن جان-جاقتى زەرتتەۋ بويىنشا جۇمىس جۇرگىزىلدى. ونىڭ ىشىندە قازاق حاندىعىنىڭ قۇرىلۋىنان باستاۋ الىپ, «ماڭگىلىك ەل» يدەياسىنىڭ نەگىزى بولعان مەملەكەتتىلىك يدەيالار زەرتتەلدى. وسىنىڭ ءبارى قازىرگى جانە بولاشاق ۇرپاقتىڭ جۇرەكتەرىندە قازاقستاندىق پاتريوتتىقتىڭ, وتانعا دەگەن سۇيىسپەنشىلىكتىڭ پايدا بولۋىنا دالەل بولىپ تابىلادى. بۇگىنگى تاڭدا تۇركىستان ۇلتىمىزدىڭ ماقتانىشىنا, اتا-بابالارىمىزدىڭ رۋحىنىڭ قاسيەتتى مەكەنىنە اينالدى. وعان قوسا, بۇل ەجەلگى قالا بارلىق زاماناۋي تۇركى الەمىنىڭ حالىقارالىق عىلىمي ورتالىعى, اتاپ ايتقاندا, قازاق حالقىنىڭ تاريحىن, ونىڭ سالت-ءداستۇرىن زەرتتەيتىن عىلىمي ورتالىق سانالادى», – دەلىنگەن. ءوز سوزىندە بەردىبەك ساپارباەۆ پرەزيدەنت ساياساتىنىڭ ارقاسىندا قازاقستان ەركىن جانە ەگەمەندى مەملەكەتكە, الەمدىك قاۋىمداستىقتىڭ تولىققاندى مۇشەسىنە اينالعانىنا ەرەكشە نازار اۋداردى. «وسى تۇرعىدا قازاق حاندىعىنىڭ 550 جىلدىعىن مەرەكەلەۋ, ەلباسى ايتقانداي, بۇل تاريحي ساباقتاستىقتىڭ, ءبىر شاڭىراقتىڭ استىندا كەلىسىم مەن بەيبىتشىلىكتە تۇرىپ جاتقان بارلىق قازاقستاندىقتاردىڭ بىرلىگىنىڭ كورىنىسى», – دەپ اتاپ ءوتتى ۆيتسە-پرەمەر. كونفەرەنتسياعا تۇركيا, يران, ازەربايجان, وڭتۇستىك كورەيا, رەسەي, وزبەكستان, قىرعىزستان جانە قازاقستاننىڭ عىلىمي قوعامداستىعىنىڭ 600-دەن استام وكىلى قاتىستى. باقتيار تايجان. دەرەك: egemen.kz. سۋرەت: inform.kz.