استانا. 2 شىلدە. XX عاسىردىڭ باسىندا ۆلاديمير يليچ لەنيننىڭ بالتىق جاعالاۋىنداعى اشتىقتان كۇيزەلگەن ەڭبەككەرلەرگە, قىرىلىپ كەتۋى مۇمكىن 7 ملن. بالاعا جومارت كومەگىن سۇراعان ۇندەۋ حاتىنا 14 ۆاگون بالىقپەن جاۋاپ بەرىپ, تۇرمىسى تۇرالاعان ەلدى اشتىقتان ازات قىلعان تولەگەن مەدەتباەۆقا ارناپ ارالدان بيۋست اشىلدى. بۇل تۋرالى اۋدان اكىمدىگىنىڭ ءباسپاسوز قىزمەتى حابارلادى.
ارال توپىراعى تالاي تارلاندى دۇنيەگە اكەلگەن شەجىرەلى مەكەن. سونىڭ ءبىرى جانە بىرەگەيى كەشەگى كەڭەستىك داۋىردەگى ارالدىڭ اتىن الەمگە تانىتقان, وسكەلەڭ ۇرپاق ءۇشىن ۇلى دالا تاريحىنىڭ اڭىز ادامى – تولەگەن مەدەتباەۆ بولاتىن. سوندىقتان دا ارالدىقتار ءتول پەرزەنتىنىڭ ەسىمىن ۇلىقتاۋ ماقساتىندا ورتالىق الاڭداعى «جاستار اللەياسىنا» بيۋست قويىدى.
تولەگەن مەدەتباەۆ العاشقى ەڭبەك جولىن بايلاردىڭ قاراپايىم جۇمىسشىسى بولۋدان باستاعان ول 1906 جىلى كەڭەس وكىمەتىنىڭ العاشقى جىلدارىندا جۇمىسشى شارۋا ميليتسياسىنىڭ ەرىكتى وتريادىن ۇيىمداستىرۋعا قاتىسقان.
ءبيۋستتىڭ اشىلۋ سالتاناتىنا وبلىستىق ءماسليحات حاتشىسى اقمارال ءالنازاروۆا, وبلىس اكىمىنىڭ ورىنباسارى نۇرجان الىباەۆ جانە تاريحي تۇلعانىڭ تۋعان-تۋىستارى مەن ۇرپاقتارى قاتىستى.
شارا بارىسىندا جينالعاندار تولەگەن مەدەتباەۆ جايلى ەستەلىكتەر ايتىپ, حالقىنا قامقور بولعان جاننىڭ ءومىر جولىن بۇگىنگى ۇرپاققا ۇلگى ەتتى.
تالعات رايىمبەك.
دەرەك, سۋرەت: ارال اۋدانى اكىمدىگىنىڭ ءباسپاسوز قىزمەتى.
