دارىگەرلەرگە سانيتارلىق كولىك بەرىلدى

جامبىل وبلىسىنىڭ اكىمى كارىم كوكىرەكباەۆ جەرگىلىكتى بيۋدجەت ەسەبىنەن الىنعان 11 سانيتارلىق كولىكتىڭ كىلتتەرىن ەمدەۋ مەكەمەلەرىنىڭ باسشىلارىنا تابىس ەتتى. اتاپ ايتار بولساق, بايزاق, تۇرار رىسقۇلوۆ, تالاس, قورداي اۋداندىق ورتالىق اۋرۋحانالارى مەن تاراز قالاسىنداعى بىرنەشە ەمدەۋ مەكەمەلەرى جاڭا تەحنيكاعا يە بولدى. بۇگىندە جامبىل وبلىسى حال­قى­نىڭ دەنساۋلىعى ءۇشىن 42 اۋرۋ­­حانا, سونىڭ ىشىندە 10 ورتا­لىق اۋ­دان­دىق اۋرۋحانا جانە 7 اۋىل­دىق اۋرۋ­حانا, سونداي-اق, 377 امبۋ­لاتوريالىق-ەمحانا قىزمەت ەتىپ جاتىر. ەلىمىزدە دەنساۋلىق ساقتاۋ سالاسىن دامىتۋ, تۇرعىندارعا زاماناۋي, قولجەتىمدى ءارى ساپالى مەديتسينالىق قىزمەتتەر كورسەتۋدە بارلىق جاعداي جاسالۋدا. – سوندىقتان بۇگىنگى كۇنى دەن­ساۋلىق ساقتاۋ سالاسىنداعى ەڭ باسىم باعىت­تاردىڭ ءبىرى انا مەن بالانىڭ دەنساۋلىعىن قورعاۋ بولىپ تابىلادى, – دەيدى جامبىل وبلىستىق دەنساۋلىق ساقتاۋ باسقارماسىنىڭ باسشىسى ەرلان ماساليموۆ. – 2015 جىلدىڭ 4 ايىنىڭ ناتيجەسىندە انالار ءولىمى كورسەتكىشى 47,5 پايىزعا تومەندەدى. قازىر وبلىس حالقىنا مەديتسينالىق كومەكتى 2751 دارىگەر جانە 9834 ورتا بۋىن  قىزمەتكەرلەرى كور­- سە­تۋدە. سونداي-اق, جىلدان-جىلعا جاس ماماندار سانى دا وسۋدە. وتكەن جىلى وبلىسقا 121 جاس مامان كەلسە, ونىڭ 73,6 پايىزى اۋىلدىق جەرلەرگە جۇمىسقا ورنالاستىرىلعان. سونداي-اق, وڭىردە رەسپۋب­ليكالىق جانە جەرگىلىكتى بيۋدجەت ەسەبىنەن 2010-2014 جىلدار ارالىعىندا 74 دەنساۋلىق ساقتاۋ نىسانىنىڭ قۇرىلىسى سالىنعانى بەلگىلى بولىپ وتىر. ورالحان ءداۋىت, «ەگەمەن قازاقستان». جامبىل وبلىسى. سۋرەتتى تۇسىرگەن ۆيكتور بارباش.