قىزىلوردالىق شارۋالار سۋعا ارتىق شىعىن شىعارمايدى

قىزىلوردا. 14 قازان. قىزىلوردا وبلىسىنىڭ كاسىپكەرلەر پالاتاسىنان وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى «قىزىلوردا وبلىسى بويىنشا جەر ءۇستى كوزدەرىنىڭ سۋ رەسۋرستارىن پايدالانعانى ءۇشىن تولەماقى ستاۆكالارىن بەكىتۋ تۋرالى» قىزىلوردا وبلىستىق ءماسليحاتىنىڭ شەشىم جوباسىنا ساراپتامالىق قورىتىندى بەرۋدى سۇراتقان بولاتىن. بۇل تۋرالى egemen.kz ءتىلشىسى حابارلادى. اتالمىش شەشىم جوباسىندا سۋ رەسۋرستارىن پايدالانعانى ءۇشiن اۋىل شارۋاشىلىعى سۋبەكتىلەرىنە تولەماقىنى 74,4 ەسەگە كوتەرۋ كوزدەلگەن. قۇجاتتى ازىرلەۋشىلەر تولەماقى سوڭعى رەت وبلىستىق ءماسليحاتتىڭ 2006 جىلعى 30 ماۋسىمداعى №299 شەشىمىمەن بەكىتىلىپ, جەرگىلىكتى وكىلدى ورگانمەن 9 جىل بويى بازالىق تولەماقى كوتەرىلمەگەندىگىن العا تارتتى. ءوز كەزەگىندە, كاسىپكەرلەر پالاتاسى ايماق تۇرعىندارىنىڭ باسىم بولىگىن اۋىلدىق جەردىڭ تۇرعىندارى قۇرايتىندىعىن, ولاردىڭ نەگىزگى تابىس كوزى – اۋىل شارۋاشىلىعى سالاسى بولىپ تابىلاتىندىعىن نازارعا الا وتىرىپ, تولەماقىنى بىردەن كوتەرۋ قازىرگىدەي «ەرەكشە ەكونوميكالىق جاعدايدا» وبلىسىمىزدىڭ اۋىل شارۋاشىلىعىنىڭ دامۋىنا كەرى اسەرىن تيگىزەتىندىگىن جەتكىزدى. وسى ورايدا, پالاتا تاراپىنان مەملەكەتتىك ورگانعا اۋىلشارۋاشىلىعى بويىنشا سۋ رەسۋرستارىن پايدالانعانى ءۇشىن تولەماقىنى كوتەرۋدى توقتاتىپ, ءارى قاراي تولەماقىنىڭ كەزەڭ كەزەڭىمەن ءوسۋىن قاراستىرۋ تۋرالى ۇسىنىس بەرىلدى. كاسىپكەرلەر پالاتاسى مەن مەملەكەتتىك ورگاننىڭ اراسىندا جۇرگىزىلگەن كەلىسسوزدەردىڭ ناتيجەسىندە سۋ رەسۋرستارىن پايدالانعانى ءۇشىن تولەماقىنى كوتەرۋ توقتاتىلدى. ەرجان بايتىلەس. دەرەك, سۋرەت: egemen.kz.