اتىراۋ وبلىسىندا «قاشاعان» قۇبىرىن اۋىستىرۋ باستالادى

اتىراۋ. 6 ناۋرىز. كاسپي تەڭىزىنىڭ قازاقستاندىق سەكتورىنداعى «قاشاعان» كەنىشىنەن تارتىلعان قۇبىرلار جاقىن ارادا اۋىستىرىلا باستايدى. بۇل تۋرالى NCOC كومپانياسى باسقارۋشى ديرەكتورىنىڭ ورىنباسارى جاقىپ ماراباەۆ ءمالىم ەتتى. «قاشاعان» كەنىشىنەن مۇناي الۋ ۇدەرىسى توقتاپ تۇر. وعان كەن ورنىنان «بولاشاق» مۇناي مەن گازدى كەشەندى دايىنداۋ قوندىرعىسىنا دەيىن تارتىلعان قۇبىرداعى اقاۋلىقتىڭ انىقتالۋى سەبەپ بولعان ەدى. سودان كەيىن كەن ورنى مەن كەشەندى قوندىرعى اراسىن جالعاعان قۇبىردى اۋىستىرۋ ماسەلەسى قوزعالىپ كەلەدى. «قۇبىرلاردى اۋىستىرۋ كاسپي مۇزى ەرىگەن كەزدە باستاۋ كوزدەلىپ وتىر. باستاپقىدا كەن ورنىن «بولاشاق» قوندىرعىسىمەن بايلانىستىراتىن قۇبىرلار توسەلەدى. ەكولوگتار تالابىمەن بالىقتاردىڭ ۋىلدىرىق شاشۋىنا بايلانىستى ماۋسىمعا دەيىن تەڭىز وپەراتسيالارىن جۇرگىزۋگە تيىم سالىندى. تيىم الىنعاننان كەيىن تەڭىزدەگى ۋچاسكەلەردە قۇبىرلاردى توسەۋ جۇمىستارى جۇرگىزىلەدى. بۇل جۇمىستاردى 2016 جىلدىڭ سوڭىنا دەيىن اياقتاۋ جوسپارلاندى», دەدى اتىراۋدا وتكەن «مۇناي-گاز قۇرىلىسى مەن ينجينيرينگ» كونفەرەنتسياسىنا قاتىسقان NCOC كومپانياسى باسقارۋشى ديرەكتورىنىڭ ورىنباسارى جاقىپ ماراباەۆ. جولداسبەك شوپەعۇل. دەرەك: egemen.kz. سۋرەت: راحىم قويلىباەۆ.