جەتى ميلليارد تەڭگە ايىپپۇل

باتىس قازاقستان وبلىسى اۋماعىندا شەتەلدىك كپو ب.ۆ. كومپانياسى ءبىراز جىلدان بەرى كومىرسۋتەگى شيكىزاتىن وندىرۋدە. بۇل, تۇتاستاي العاندا, ەل ەكونوميكاسىنا مۇناي-گاز سەكتورىنان تۇسەتىن تيىمدىلىك پەن پايدانىڭ ۇلەسىن كوبەيتۋگە سەپتىگىن تيگىزە الادى. الايدا, اتالعان كپو ب.ۆ. اليانسى ءوز ەركىمەن اۋانى لاستايتىن زاتتاردى شىعارۋعا جول بەرىپ جاتسا, مۇندا ءتيىم­دىلىك پەن پايدانىڭ قۇنى كوك تيىن بولىپ قالماسىنا كىم كەپىل؟ ويتكەنى, مۇنداي جاع­­­دايدا جەرگىلىكتى تۇرعىندار دەنساۋ­لى­عىنا ونىڭ تەرىس اسەرى ءتيۋى ابدەن مۇمكىن. ەكىنشىدەن, مۇنىڭ ءوزى ەلىمىزدىڭ ەكو­لو­گ­يالىق زاڭدىلىقتارى مەن تالاپتارىنا دا قايشى كەلەدى. قاراشىعاناق كەنى­شى اۋماعىندا گازدى الاۋ جاعۋ مەن تەحنيكالىق جاعدايعا بايلانىستى ونىڭ بۇزىلۋ كورىنىستەرى ورىن الدى. ونى باتىس قازاقستان وبلىستىق ەكولوگيا دەپارتامەنتى جوسپاردان تىس تەك­سەرۋ جۇرگىزگەن كەزدە انىقتادى. سوعان ءساي­كەس اتالعان دەپارتامەنت سوتقا ءتيىستى تالاپ-ارىز جولدادى. ءوز كەزەگىندە باتىس قازاق­ستان وبلىستىق اۋدانارالىق ەكونومي­كالىق سوتى كپو ب.ۆ. كومپانياسىنان 7 ميلليارد 286 ميلليون 716 مىڭ تەڭگە ءوندىرۋ جونىندە شەشىم شىعاردى. تەمىر قۇسايىن, «ەگەمەن قازاقستان». باتىس قازاقستان وبلىسى, ءبورلى اۋدانى.