تۇركىستاندا ورتەنگەن بازار ساۋداگەرلەرىنە جاردەم بەرىلەدى

شىمكەنت. 6 ناۋرىز. وڭتۇستىك قازاقستان وبلىسى تۇركىستان قالاسىندا تاياۋدا ءورت قۇشاعىندا قالعان «قۋانىش» بازارىنىڭ ساۋداگەرلەرىنە قارجىلاي كومەك كورسەتىلەتىن بولدى. بۇل تۋرالى وبلىستىق كاسىپكەرلەر پالاتاسى ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى. «كاسىپكەرلەر پالاتاسىندا باس قوسقان بازار باسشىلارى 500 مىڭ تەڭگەنىڭ قارجىسىن اۋدارۋ ءۇشىن بانكتەن ەسەپ-شوت اشۋ تۋرالى كەلىسىمگە كەلدى. جينالعان قاراجات ارنايى كوميسسيانىڭ شەشىمىمەن زارداپ شەككەن ساۋداگەرلەرگە ۇلەستىرىلەدى», - دەلىنگەن حابارلامادا. بۇدان بولەك, شىعىنعا ۇشىراعان ءاربىر كاسىپكەرگە بازار باسشىسى 100 مىڭ تەڭگەدەن وتەماقى تولەيتىن بولادى. كاسىپكەرلەر پالاتاسىنىڭ وكىلدەرى سالىقتىق تولەمدەردى تولەۋدە جەڭىلدىكتەر جاساۋعا جانە بانكتەن نەسيە العان ساۋداگەرلەرگە كومەك كورسەتۋگە ۋادە ەتتى. ەسكە سالا كەتەيىك, تۇركىستان قالاسىنداعى ورتالىق بازاردان ناۋرىز ايىنىڭ باسىندا ءورت شىعىپ, ساۋداگەرلەر مەن كاسىپكەرلەر شىعىنعا ۇشىراعان بولاتىن. ىلە-شالا اۋدان باسشىلىعى زارداپ شەككەندەردىڭ كومەكسىز قالمايتىنىن مالىمدەگەن ەدى. باقتيار تايجان. دەرەك: وڭتۇستىك قازاقستان وبلىستىق كاسىپكەرلەر پالاتاسى. فوتو: egemen.kz.