+45

ماڭعىستاۋ وبلىسى اۋماعىندا كۇن كۇيىپ-اق تۇر. سينوپتيكتەر تەرمومەتر باعانى +40-45 گرادۋس­تى كورسەتۋدە دەگەنمەن, جۇرت­­شى­لىق­­­­تىڭ بۇعان كۇمانى بار. تىنىس­تى تارىلتىپ, ماڭايدى قۋىرا كۇي­دىرگەن اپتاپقا قاراپ, +50 گرادۋستەن كەم ەمەس دەپ وتىر تۇرعىندار. «قازگيدرومەت» رقك ماڭ­عىس­تاۋ وبلىس­تىق فيليالى سينوپ­تيك­تەرى 1 شىلدە­­دەگى حابار­لاماسىندا ىستىقتىڭ 2 شىلدەگە دەيىن ساق­تالاتىندىعىن, تەرمومەتر باعا­نىنىڭ تسەلسي بويىنشا +40-45 گرادۋستان تومەندەمەيتىندىگىن ايتتى. 1 شىلدە كۇنى اقتاۋ قالا­سىن­دا +35-37 گرادۋس ىستىق بولىپ, ءتۇس قايتا سولتۇستىك-باتىس­تان سوق­قان شاڭدى جەل سەكۋندىنا 20 مەتر جىلدام­دىق­پەن سوعادى دەلىنگەن. ىستىققا بايلانىس­تى ماڭعىستاۋ وبلىستىق توتەنشە جاع­دايلار دەپارتامەنتى تۇرعىندار­دى بەيمەزگىل كوشەگە شىعۋدان ساق­تاندىرىپ, ال شىعا قالعان جاعدايدا جەڭىل كيىمدەر, كۇن­نەن قورعايتىن كوزىلدىرىك پەن قالپاق, ورا­مال سياقتى باس كيىمدەرمەن شىعۋدى ايتۋدا. ماڭعىستاۋلىقتار جاپپاي ۇيلەرىنە سالقىنداتقىش ساتىپ الۋدا. قازىر بۇل وڭىردەگى ەڭ ءوتىمدى تاۋار ءتۇرى وسى سالقىن­­­­­دات­قىش بولىپ تۇر دەسەك, قاتە­لەس­پەسپىز. دۇكەن­دەرگە ءۇستى-ۇستىنە اكەلىنگەن بۇل بۇيىم­دى قولما-قول الۋ مۇمكىندىگى جوقتار نەسيە­لەۋ ءۇشىن بانك­تەر فيليالدارىنىڭ الدىن بوساتار ەمەس. قاسيەتتى ورازا ايىندا كۇن­نىڭ بۇلاي «جانىپ» كەتۋىن ادامدار ءتوزىم مەن سابىردى سىناعان, ءارى جاماندىق­تار قاپ­تاعان زاماندا ادامداردى كىشى­گىرىم قي­ناعان «اللانىڭ سىناعى» دەپ قابىلداۋدا. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.