«التىن توبىلعى» بايگەسى تالانتتارعا جول اشادى

كەشە استانادا قازاقستان پرەزيدەنتى جانىنداعى ورتالىق كوممۋنيكاتسيا­لار كىز­مەتىندە وتكەن بريفينگتە قازاقستان رەسپۋبلي­كا­سى­نىڭ تۇڭعىش پرەزيدەنتى  – ەلباسى قورىنىڭ «التىن تو­بىل­عى» سىي­لىعىنا وتىنىشتەر قابىلداۋ باستالعانىن العا تارتتى. «التىن توبىلعى» ادەبي شىعار­مالار سىيلىعى قازاقستاندىق جاس اۆتورلاردىڭ شىعارماشىلىعىنا قامقورلىق جاساۋ ماقساتىندا ۇيىم­داستىرىلعان ەكەن. ونىڭ باستاماشىسى ءارى قۇرىلتايشىسى – قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى بولىپ سانالادى. سونىمەن قاتار, بۇل جوباعا قازاقستان جازۋشىلار وداعى مەن مەملەكەتتىك ءتىلدى دامىتۋ قورى سەرىكتەستىك ەتەتىنىن ايتا كەتسەك دەيمىز. «15 جىلدان بەرى پرەزيدەنت قورى قازاقستاننىڭ تالانتتى جاس­تارى مەن جاس دارىندارعا قولداۋ جاساپ كەلەدى.  «التىن توبىلعى» جوباسى شىعارماشىل جاستاردىڭ جولىن اشىپ, بولاشاقتا الەمدىك دەڭگەيگە كوتەرەدى دەپ سەنەمىز. سونداي-اق, مۇنداي ءىس-شارالار  جاستار­دىڭ مەملەكەتتىك تىلگە قۇر­مەتىن جانە وتاندىق ادەبيەتكە دەگەن قىزىعۋشىلىعىن وياتادى», دەيدى قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورى ساعىندىق نۇراقانوۆ. ادەبيەت بايگەسىنە كەز كەلگەن 18 بەن 35 جاس ارالىعىنداعى ازاماتتار قاتىسا الادى. سىيلىق 4 نوميناتسيا بويىنشا تابىستالادى: «ۇزدىك پروزا», «ۇزدىك پوەزيا», «ۇزدىك دراماتۋرگيا» جانە «ۇزدىك بالالار ادەبيەتى». وسى نوميناتسيالار بويىنشا وق بويى وزىق شىققان شىعارما اۆتورلارىنا 1 ملن. تەڭگە سىياقى بەرىلەدى. سونداي-اق, ۇلتتىق باعدارلاما  «ماڭگىلىك ەل» تاقىرىبى بويىنشا جەڭىمپاز دەپ تانىلعان اۆتور باس جۇلدە ءۇشىن 1,5 ملن. تەڭگە اقشالاي سىيلىققا يە بولادى. «التىن توبىلعى» سىيلىعى جاس بۋىن تالابىن ۇشتاپ قانا قويماي, ادەبيەت الەمىنە كەلىپ قوسىلۋىنا ۇلكەن ىقپال ەتەدى. سول سەبەپتى جوباعا شىن ىقىلاسپەن قولداۋ كور­سەتىپ وتىرمىن», دەيدى سەناتور, قازاقستان جازۋشىلار وداعىنىڭ توراعاسى نۇرلان ورازالين. دينارا دوسپان.