قازاقستان-رەسەي: ىقپالدى ىنتىماقتاستىق

ەلباسى نۇرسۇلتان نازارباەۆ سالتاناتتى جاعدايدا اشىپ, سونى تابىستار تىلەگەن «كاماز-ينجينيرينگ» اكتسيونەرلىك قوعامىنا 10 جىل تولىپ وتىر. وسى ايتۋلى وقيعاعا بايلانىستى اقمولا وبلىسىنىڭ اكىمى سەرگەي كۋلاگين «كاماز» اشىق اكتسيونەرلىك قوعامىنىڭ باس ديرەكتورى سەرگەي كوگوگين باستاپ كەلگەن رەسەيلىك دەلەگاتسيا مۇشەلەرىن قابىلداپ, ەكىجاقتى ىنتىماقتاستىقتى ودان ءارى نىعايتۋ ماسەلەلەرىن تالقىلادى. قازاقستان-رەسەي بىرلەسكەن كاسىپورنى از ۋاقىتتىڭ ىشىندە وتاندىق ماشينا جاساۋ سالاسىن دامىتۋعا لايىقتى ۇلەسىن قوسىپ كەلەدى. بۇل ەكى ەل اراسىنداعى ەكونوميكالىق, كادرلىق ساياساتتىڭ سارابدالدىعىنىڭ جەمىسى. كاسىپورىن قۇرىلعان العاشقى 2005 جىلدارى جۇك كولىگىنىڭ ءۇش ءتۇرىن شىعارۋدىڭ وزىندە ءبىراز قيىندىقتار بولعان ەدى. قازىرگى كەزدە كوكشەتاۋ زاۋىتىندا ۋاقىتتىڭ وسكەلەڭ تالابىنداعى «كاماز» جۇك كولىكتەرى مەن ارنايى تەحنيكانىڭ 40-تان استام ءتۇرى يگەرىلدى. وسى العاشقى ونجىلدىقتا زاۋىت كونۆەيەرىنەن 10 مىڭنان استام كولىك شىعارىلدى. بۇل كولىكتەر بۇگىندە قازاقستان رەسپۋبليكاسىنىڭ قارۋلى كۇشتەرى, توتەنشە جاعدايلار كوميتەتى, جول قۇرىلىسى جانە اۋىل شارۋاشىلىعى سالاسىندا تيىمدىلىكپەن پايدالانىلۋدا. كاسىپورىننىڭ وندىرىستىك قۋاتى جىلىنا 2000-عا جۋىق اۆتوكولىك شىعارۋعا مۇمكىندىك بەرەدى. سوڭعى كەزدە زاۋىت باسشىلىعى ونىمدە وتاندىق ۇلەستىڭ مول بولۋىنا ەرەكشە نازار اۋدارىپ وتىرعانىن ايتۋ قاجەت. ونى ەلىمىزدىڭ بارلىق ايماقتارىندا جۇيتكىپ جۇرگەن «قازاقستاندا جاسالعان» دەگەن بەلگىسى بار ارنايى تەحنيكالاردان بايقاۋعا بولادى. سونىمەن قاتار, ەلىمىزدىڭ ءار وڭىرىندە سەرۆيستىك قىزمەت كورسەتۋ ورىندارى جۇمىس ىستەۋدە. وبلىستىق اكىمدىكتە وتكەن كەزدەسۋدە ءوڭىر باسشىسى سەرگەي كۋلاگين اتالعان كاسىپورىننىڭ وسى جەتىستىكتەرىن تىلگە تيەك ەتتى. اسىرەسە, زاۋىتتىڭ اۋىر ونەركاسىپ سالاسىنداعى الاتىن ورنى ەرەكشە ەكەنىن ايتا كەلە, سوڭعى كەزدە «كاماز» جۇك كولىگىنە دەگەن سۇرانىس ازايىپ بارا جاتقانىنا نازار اۋداردى. رەسەيلىك قوناقتاردان وسى ماقساتتا بەلگىلىكتى جۇمىستار جۇرگىزىلۋى قاجەتتىگى العا تارتىلدى. كەزدەسۋدە اكتسيونەرلىك قوعامدى دامىتۋعا قاتىستى وزگە دە بىرقاتار ماسەلەلەر تالقىلانىپ, ءوزارا ىقپالداستىق تۋرالى ۋاعدالاستىق جاسالدى. «كاماز» اشىق اكتسيونەرلىك قوعا­مىنىڭ باس ديرەكتورى سەرگەي كوگوگين باستاعان دەلەگاتسيا كوكشەتاۋداعى «كاماز-ينجينيرينگ» اكتسيونەرلىك قوعامىنىڭ وندىرىستىك تسەحتارىندا بولىپ, جۇك كولىگىن شىعارۋ جۇمىستارىمەن تانىستى. بۇدان ءارى رەسەيلىك قوناقتار وبلىس اكىمى سەرگەي كۋلاگينمەن بىرگە ش.قۇسايىنوۆ اتىنداعى قازاق مۋزى­كالىق-دراما تەاترىندا وتكەن سالتاناتتى شاراعا دا قاتىستى. وندا ءسوز سويلەگەن ءوڭىر باسشىسى ۇجىم مۇشەلەرىن وسىناۋ مەرەيتويلارىمەن قۇتتىقتاپ, الداعى جۇمىستارىنا ساتتىلىك تىلەدى. – ەلباسى نۇرسۇلتان نازارباەۆتىڭ ءوزى ارنايى كەلىپ اشقان بۇل كاسىپورىننىڭ كەلەشەگى زور. بۇگىندە «كاماز-ينجينيرينگ» اق ەلىمىزدە جۇك كولىگىن قۇراستىراتىن بىرەگەي زاۋىت. بيىلعى جىلى بارلىعى 800 بىرلىك اۆتوكولىك شىعارامىز دەپ جوسپارلاپ وتىرمىز. ول ءۇشىن بىزدە بارلىق مۇمكىندىكتەر بار, – دەي كەلە, سەرگەي كۋلاگين اتالعان كاسىپ­ورىننىڭ ءبىر توپ ينجەنەر-تەحنيك قىزمەت­كەرلەرى مەن جۇمىسشىلارىن «قازاقستان رەسپۋبليكاسىنىڭ كونستيتۋتسياسىنا 20 جىل» مەرەكەلىك مەدالىمەن جانە وبلىس اكىمىنىڭ العىس حاتى, وزگە دە باعالى سىيلىقتارمەن ماراپاتتادى. سونىمەن قاتار, شارا بارىسىندا قورعانىس ءمينيسترىنىڭ ورىنباسارى نۇرلان ساۋرانباەۆ, «كاماز» اق باس ديرەكتورى سەرگەي كوگوگين, «كاماز-ينجينيرينگ» ۇلتتىق كومپانياسى» اق باسقارماسىنىڭ توراعاسى ەر­لان ىدىرىسوۆ, «كاماز» ۆتك» اق باس ديرەكتورى رافايل گافەەۆ جانە كوك­شە­تاۋداعى كاسىپورىن ديرەكتورى سەرگەي كيستين ءسوز سويلەپ, جەتكەن جەتىستىكتەر مەن الدا تۇرعان مىندەتتەرگە توقتالدى. باقبەرگەن امالبەك, «ەگەمەن قازاقستان». اقمولا وبلىسى.