كورشىلەستىك كوكجيەگىن كەڭەيتكەن كورمە

وبلىس ورتالىعىنداعى «قونىس» سپورت سارايىندا «ەۋروپا-ازيا. شە­كاراسىز ىنتىماقتاستىق» XIV قازاقستان-رەسەي حالىقارالىق كورمەسى وتكى­زىلدى. ونەركاسىپتىك ىنتىماقتاستىق كور­مەسىن ۇيىمداستىرۋشىلار اقتوبە وبلى­سىنىڭ اكىمدىگى, ورىنبور وبلى­سى­نىڭ ۇكىمەتى, ورىنبور قالاسىنىڭ اكىم­شىلىگى, اقتوبە وبلىسىنىڭ كاسىپكەرلەر پالاتاسى, «ورىنبور وبلىسىنىڭ ساۋ­دا-ونەركاسىپ پالاتاسى» وداعى, «اق­توبە وبلىسىنىڭ كاسىپكەرلەر مەن جۇمىس بەرۋشىلەر وداعى» قب, «ۋرال­ەكسپو» جقب بولىپ تابىلادى. كور­مەنى ۇيىمداستىرۋداعى ماقسات – رە­سەي فەدەراتسياسى مەن قازاقستان رەس­پۋب­ليكاسى وڭىرلەرى اراسىنداعى ەكونو­ميكالىق, عىلىمي-تەحنيكالىق, قوعام­دىق ىنتىماقتاستىقتى دامىتۋ, كور­شىلەس وڭىرلەر اراسىنداعى قاتىناس­تاردى نىعايتۋ, بىرلەسكەن بيزنەس جوبا­لاردى, ساۋدا-ەكونوميكالىق جانە ينۆەس­تيتسيالىق قاتىناستاردى دامىتۋ, كەدەن وداعى مەن ءبىرتۇتاس ەكونوميكالىق كەڭىس­تىك شارتتارىنداعى شەكاراسىز ىن­تى­ماقتاستىقتىڭ شەشىلمەگەن ماسەلە­لەرىن باقىلاۋ. كورمەگە رەسەيدىڭ, قازاقستاننىڭ, پول­شانىڭ 180-نەن استام كاسىپورىندارى مەن بيزنەس وكىلدەرى قاتىستى. كورمەگە قازاقستان جاعىنان تەك قانا اقتوبە وبلىسىنىڭ ەمەس, باسقا وبلىستاردىڭ دا كومپانيالارى ءوز ونىمدەرى مەن قىزمەتتەرىن ۇسىندى. مىسالى, الماتى, وڭتۇستىك قازاقستان وبلىستارىنىڭ, استانا مەن الماتى قالالارىنىڭ كاسىپورىندارى كەلدى. رەسەي جاعىنىڭ دا بۇل كورمەگە قاتىسۋ گەوگرافياسى جىلدان-جىلعا كەڭەيىپ كەلەدى. ورىنبور وبلىسىمەن قاتار, ماسكەۋدىڭ, چەليابى جانە سامارا قالالارىنىڭ كومپانيالارى ءوز ونىمدەرىن تانىستىردى. قازاقستان مەن رەسەي وڭىرلەرى اراسىنداعى ەكونوميكالىق, عىلىمي-تەحنيكالىق, قوعامدىق ىنتىماقتاستىقتى دامىتۋعا ارنالعان كورمە ءۇش كۇن بويى جۇمىس ىستەدى. ارىپتەستىك شاراسى اياسىندا ەكى ەلدىڭ بيزنەس قاۋىمداستىقتارىنىڭ وكىلدەرى كەدەن وداعى مەن ءبىرتۇتاس ەكونوميكالىق كەڭىستىك شەڭبەرىندەگى شەكاراسىز ىنتىماقتاستىقتىڭ شەشىلمەگەن ماسەلەلەرىن دە تالقىلادى. كورمەنىڭ رەسمي اشىلۋىندا ءسوز العان وبلىس اكىمىنىڭ ورىنباسارى عالي ەسقاليەۆ ونىڭ كورشىلەس وڭىرلەردىڭ ەكونوميكالىق دامۋىنا سەرپىن بەرەتىنىنە توقتالدى. سونداي-اق, ءوزارا بايلانىستىڭ ىلگەرىلەۋگە ءىز اشاتىنىن دا ايتىپ ءوتتى. عالي ەسقاليەۆتىڭ ايتۋىنشا, اقتوبە وبلىسىنىڭ وزىندە رەسەي بيزنەسىنىڭ قاتىسۋىمەن قۇرىلعان 300-گە جۋىق كاسىپورىن جۇمىس ىستەيدى. ال ورىنبور وبلىسىنىڭ 1-ءشى ۆيتسە-گۋبەرناتورى, ۇكىمەت توراعاسىنىڭ 1-ءشى ورىنباسارى سەرگەي بالىكين ەكى مەملەكەت اراسىنداعى بۇل كورمەنىڭ 14-ءشى مارتە وتكىزىلىپ وتىرعانىن اتاپ ءوتتى. ول ورىنبور وبلىسى مەن اقتوبە وبلىسى اراسىنداعى ساۋدا اينالىمىنىڭ ۇنەمى ارتىپ كەلە جاتقانىن, 2014 جىلدىڭ كورسەتكىشى 1,5 ميلليارد اقش دوللارى شاماسىندا بولعانىن جەتكىزدى. 2015 جىلدىڭ 1 قاڭتارىنداعى جاعداي بويىنشا, ورىنبور وبلىسىندا قازاقستاندىق كاپيتالدىڭ قاتىسۋىمەن قۇرىلعان 99 كاسىپورىن جۇمىس ىستەيدى ەكەن. كورمەگە ەكى مەملەكەتتىڭ ماشينا جاساۋ, مۇناي-گاز ونەركاسىبى, ەنەرگيا جانە رەسۋرستاردى ۇنەمدەۋ, قۇرىلىس يندۋس­ترياسى, ارنايى تەحنيكا, اۆتوكولىكتەر, اۋىل شارۋاشىلىعى جانە دەنساۋلىق ساقتاۋ, ءبىلىم, تۋريزم, ت.ب. سالالار بويىنشا قىزمەت كورسەتۋ باعىتتارىندا جۇمىس جاسايتىن كاسىپورىندارى قاتىستى. – بۇگىنگى كۇنى ەكى وبلىس ارا­سىن­داعى كەدەندىك كەدەرگىلەر الى­نىپ تاستال­عان­دىقتان ەكسپورت جانە يم­پورت وپەرا­تسيا­لارى تۋرالى ستاتيستيكا ءجۇر­گىزىلمەيدى. الايدا, رەسمي ەمەس مالىمەت­تەرگە سۇيەنە وتىرىپ, بۇل كورمە ەكى جاق­تىڭ ساۋدا-ەكو­نوميكالىق قارىم-قاتى­ناسىنا جاق­سى اسەرىن تيگىزىپ وتىر دەپ ايتا الامىن, – دەيدى «ورىنبور وبلى­سى­نىڭ ساۋ­دا-ونەركاسىپ پالاتاسى» وداعى­نىڭ پرە­زي­دەنتى ولەگ اۆدەەۆ. حالىقارالىق كورمەنىڭ العاشقى كۇنى اقتوبە وبلىسىنىڭ كاسىپكەرلەر پالا­تاسى مەن «ورىنبور وبلىسىنىڭ ساۋدا-ونەركاسىپ پالاتاسى» وداعى اراسىندا ارىپتەستىك تۋرالى كەلىسىم جاسالدى. اقتوبە قالاسى يندۋستريالىق ايما­عىنىڭ تانىستىرىلىمى بولدى. اقتوبە قالاسىنداعى يندۋستريالىق ايماقتىڭ, «سپەتستەحنيكا» جشس كومپانياسىنىڭ تانىستىرۋ ءراسىمى مەن قازاقستان مەن رەسەيدىڭ ساۋدا جەلىلەرى مەن جاب­دىق­تاۋ­شىلار وكىلدەرىنىڭ ىسكەرلىك كەزدەسۋى وتكىزىلدى. سونداي-اق, رەسەي مەن قازاقستان تۋريستىك وپەراتورلارىنىڭ قارىم-قاتى­ناستارىنا قاتىستى,ورىنبور كليني­كالارىنىڭ مۇمكىندىكتەرى مەن ەكى ەلدىڭ مالدارىگەرلىك قىزمەتى ماسەلەلەرى بويىنشا وتكىزىلگەن دوڭگەلەك ۇستەلدەردە كوپ­تەگەن كوكەيكەستى ويلار ورتاعا سالى­نىپ, ۇتىرلى ۇسىنىستار ايتىلدى. شەكا­راسىز ىنتىماقتاستىق ونەركاسىپتىك كور­مەسى اياسىندا كوپتەگەن كاسىپورىندار ارا­­سىندا ءوزارا بايلانىستى نىعايتۋعا با­عىت­تالعان كەلىسىمشارتتارعا قول قويىل­دى. ساتىبالدى ءساۋىرباي, «ەگەمەن قازاقستان». اقتوبە وبلىسى.