الەۋمەتتىك جاۋاپكەرشىلىكتى ارتتىرۋعا شاقىردى

كەشە قازاقستان رەسپۋبليكاسى پرەمەر-ءمينيسترىنىڭ ورىنباسارى بەردىبەك ساپارباەۆ جۇمىس ساپارىمەن الماتى وبلىسىنا باردى. تالدىقورعاندا مەملەكەت باس­شىسىنىڭ تاپسىرمالارىن ءجۇ­زەگە اسىرۋ اياسىندا ۆيتسە-پرە­مەردىڭ توراعالىعىمەن ءوڭىر­ارا­لىق كەڭەس ءوتتى, ونىڭ بارىسىندا «تۋعان جەرگە تاعزىم» اكتسياسى قورىتىندىلاندى. اعىمداعى جىلى الماتى وبلىسىندا بايقاۋعا جالپى سوماسى 3 ملرد. تەڭگەدەن استام جەكە ينۆەستيتسيالارعا 232 الەۋمەتتىك جوبا ۇسىنىلدى. كەڭەستى قورىتىندىلاعان ب.ساپارباەۆ كاسىپكەرلىكتى دا­مى­­تۋعا كەڭ پەرسپەكتيۆالار مەن تارتىم­دى بيزنەس احۋالدىڭ بار ەكەن­دىگىن اتاپ ءوتتى. ول بيزنەستىڭ الەۋ­مەتتىك جاۋاپكەرشىلىگىن ارتتى­رۋدىڭ ماڭىزدىلىعىنا نازار اۋدارىپ, كاسىپكەرلەردى مەم­لەكەتتىك-جەكەمەنشىك سەرىك­تەستىكتى دامىتۋعا ارنالعان ءمۇم­كىندىكتەردى بەلسەندى پايدالانۋعا شاقىردى. ب.ساپارباەۆ «Zhersu» يوك» كوم­پانياسىن مىسال رەتىندە كەل­تىردى. بۇل كومپانيا ءوز قارا­­جاتى ەسەبىنەن (600 ملن. تەڭگە­دەن استام) لەپسى اۋىلىندا سپورت­تىق مەكتەپ-ينتەرنات, سپورت كە­شە­نىن, تىگىن تسەحىن, فيزيكا-ماتە­ماتيكالىق بەيىمدى ليتسەي-ينتەرناتىن, سايا­باق, كينوتەاتر جانە جىلاندى اۋىلى­نىڭ پەداگوگتارىنا ارناپ 11 ءۇي سالعان. بۇدان وزگە, «تۋعان جەرگە­ تاع­زىم» اكتسياسى اياسىندا ءۇستى­مىز­دەگى جىلدىڭ 5 ايىندا وبلىستا 21 بالاباقشا (سالىنعان ينۆەستيتسيا 400 ملن. تەڭگەدەن استى) اشىلدى جانە جىل سوڭىنا دەيىن تاعى 47-ءسىن اشۋ جوس­پارلانىپ وتىر. ۆيتسە-پرەمەر, سونداي-اق, وب­لىستىق كارديولوگيالىق ورتالىقتى, 54 ملن. تەڭگەنىڭ جەكە قاراجاتى ەسەبىنەن سالىنعان «الەن» بالاباقشاسىن ارالاپ, تالدىقورعاننىڭ الەۋمەتتىك نىساندارىنىڭ قىزمەتىمەن تانىستى. سەرۆيس جانە تەحنولوگيا­لار كوللەد­جىن ارالاۋ بارىسىندا ب.ساپارباەۆ الەۋمەتتىك سالا باسشىلارىنىڭ قاتىسۋىمەن جيىن وتكىزدى. وندا وزەكتى ماسە­لەلەر تالقىلاندى جانە ءوڭىردىڭ ودان ءارى الەۋمەتتىك دامۋىنىڭ باسىم­دىقتارى انىقتالدى. ۆيتسە-پرەمەر ازاماتتاردىڭ ءال-اۋقاتىن ارتتىرۋعا, سونداي-اق, 5 ينستيتۋتتىق رەفورمانى جۇزەگە اسىرۋعا ارنالعان بارلىق رەسۋرستار مەن مۇمكىندىكتەردى پايدالانۋعا قاتىستى مەملەكەت باسشىسىنىڭ تاپسىرمالارىن ىسكە اسىرۋدىڭ ماڭىزدىلىعىنا باسا نازار اۋداردى. جيىندى قورىتىندىلاعان ب.ساپارباەۆ ەلباسىنىڭ العا قويعان مىندەت­تە­رىن جۇزەگە اسىرۋ بويىنشا ءبىر­قا­تار ناقتى تاپسىرمالار بەردى. ساپارى بارىسىندا ۆيتسە-پرەمەر, سونداي-اق, «نۇرلى جول» باعدارلاماسى بويىنشا سالىنعان تۇرعىن ءۇي كەشەندەرىن قاراپ شىقتى. تەكەلى قالاسىندا ب.ساپارباەۆ قارتتار مەن مۇگەدەكتەرگە ارنال­عان مەديتسينالىق-الەۋمەتتىك مەكە­مەنىڭ جۇمىسىمەن تانىسىپ, مونوقالالاردى دامىتۋ باعدارلا­ماسى اياسىندا جوندەۋدەن وتكەن بالالار مەن جاسوسپىرىمدەر ءتۋريزمى مەن ولكەتانۋ ورتالىعىن ارالادى. ۇكىمەت باسشىسىنىڭ ورىنباسارى جۇمىس ساپارى­نىڭ سوڭىندا تە­كەلىدەگى قوعام وكىلدەرىمەن كەزدەسىپ, وندا ەلىمىزدە وتكى­زىلىپ جاتقان الەۋمەتتىك رەفورمالار تۋرالى ايتىپ, قالا تۇر­عىندارىنىڭ ساۋالدارىنا جاۋاپ بەر­دى, دەپ حابارلادى پرەمەر-ءمينيستردىڭ ءباسپاسوز قىزمەتى.