بولاشاعىمىزدىڭ كىلتى

ەلىمىز تاۋەلسىزدىك العان كۇننەن باستاپ بۇگىنگە دەيىن ەلباسى نۇرسۇلتان نازارباەۆتىڭ دانالىقپەن بايسالدى جۇرگىزگەن ىشكى-سىرتقى ساياساتى مەملەكەتىمىزدىڭ كۇش-قۋاتىن الەمدىك بيىك دەڭگەيگە كوتەرىپ, ەكونوميكامىزدىڭ ودان ءارى قارىشتاپ دامۋىنا بەرىك نەگىز قالىپتاستىردى. مەملەكەت دەگەنىمىز – مەحانيزم, ونىڭ ءاربىر تەتىكتەرى زاماننىڭ جالپى اعىمى مەن احۋالىنا, حالىق مۇددەسىنە ساي جاڭعىرتىپ, وسال تۇس­تارىن ساۋىقتىرىپ, ناقتىلاپ, ۇزدىك­سىز جەتىلدىرىپ وتىرۋدى قاجەت ەتەدى. ەلباسى ۇسىنعان 5 حالىقتىق رەفورما قازىرگى ەكونوميكالىق جاع­دايدا ەلىمىزدىڭ ودان ءارى وركەندەپ دامۋىنا, زاماننىڭ جاڭا تالاپتارىنا جاۋاپ, ەلدىڭ الەۋمەتتىك دەڭگەيىنىڭ كوتەرىلۋىنە مۇمكىندىك بەرەتىن اسا ماڭىزدى مەملەكەتتىك قۇجات بولىپ تابىلادى. ونەركاسىپ پەن ءوندىرىس تەحنولوگيالارى كۇن سايىن جاڭارىپ, جاڭعىرعان بۇگىنگى داۋىرىمىزدە ەل ەكونوميكاسىن جاھاندىق دامۋ ۇردىسىنە مۇلتىكسىز باعىتتاپ, ءوندىرىستى يندۋستريالاندىرۋ جانە ءارتاراپتاندىرۋ ارقىلى وڭدەۋشى سەكتوردى ەكونوميكالىق ءوسىمنىڭ درايۆەرىنە اينالدىرۋ الدا تۇرعان كەزەك كۇتتىرمەيتىن ەڭ كوكەيتەستى شارا بولىپ تابىلادى. بۇل ماسەلەنى تۇبەگەيلى شەشىپ, وڭدەۋشى جانە ءوندىرۋشى كاسىپورىنداردى قارقىندى جۇزەگە اسىرۋ كەرەك ەكەنىن ەلباسى قاداپ ايتتى. بەس ينستيتۋتتىق رەفورما ماقساتتارىنىڭ ءبىرى – يندۋستريا­لاندىرۋ جانە ەكونوميكالىق ءوسىم. «ەت ءوندىرىسى مەن وڭدەۋدى دامىتۋ ءۇشىن ستراتەگيالىق ينۆەس­تورلاردى تارتۋ. نەگىزگى مىندەت شيكىزات بازاسىن دامىتۋ جانە وڭدەلگەن ونىمدەردى ەكسپورتتاۋ» دەلىنگەن 61-قادامدا. بۇل اۋىل ەڭبەككەرلەرىن تىڭ تابىستارعا ىنتالاندىرىپ, مالدارىنىڭ ونىمدەرىن كادەگە جاراتۋداعى كەدەرگىلەر مەن قيىندىقتاردان شىعۋىنا جول اشاتىنى ءسوزسىز. سونىمەن قاتار, 35, 36-قا­دام­داردا ايتىلعان اۋىلشارۋاشىلىق جەرلەرىن ءتيىمدى پايدالانۋ ماقساتىمەن ولاردى نارىقتىق اينالىمعا ەنگىزۋ, بارلىق پايدالانىلماي جاتقان جەردى الداعى ۋاقىتتا جەكەشەلەندىرۋ ءۇشىن مەملەكەتتىك قورعا بەرۋ تۋرالى شەشىم دە اۋىلدا جەر ماسەلەسىن رەتتەۋدەگى ادىلەتتىلىكتى جونگە كەلتىرەتىن ماڭىزدى شارا. قازىر اۋىلدىق جەرلەردە ميلليونداعان گەكتار جەر يگەرىلمەي جاتىر. ۇلان-­بايتاق جەردى يەمدەنىپ الىپ نە ءوزى پايداعا جاراتپاي, نە وزگەگە بەرمەي وتىرعاندار قانشاما. 50-قادامدا تۇجىرىمدالعان ەلەكتر ەنەرگەتيكاسى سالاسىن قايتادان قۇرۋ «بىرىڭعاي ساتىپ الۋشى» مودەلىن ەنگىزىپ, وڭىرلەر اراسىنداعى ەلەكتر ەنەرگياسىنىڭ ءارتۇرلى تاريفتەرىن رەتتەۋگە, تۇتىنۋشىلار قۇقىعىنا ادىلەتتى قاراۋعا مۇمكىندىك بەرەدى. وسى قادام ارقىلى ەلەكتر ەنەرگياسىنىڭ باعاسىنىڭ نەگىزسىز ءۇستى-ۇستىنە قىمباتتاۋىنان مەزى بولعان تۇرعىنداردىڭ ەڭسەسى كوتەرىلىپ قالاتىنى انىق. الداعى ۋاقىتتا جۇزەگە اسى­رى­لاتىن بەس حالىقتىق رەفورما – ەل ىرىسىن ەسەلەپ ارتتى­رۋعا, ەكونوميكامىزدىڭ دامۋ قارقىنىن جەدەلدەتىپ, حالىقتىڭ ءال-اۋقاتىنىڭ دەڭگەيىن كوتەرۋگە, ءوندىرىستىڭ ەكسپورتتىق قابىلەتىن, باسقارۋ جۇيەسىنىڭ ادىلەتتىلىگى مەن زاڭنىڭ ۇستەمدىگىن قالىپتاستىرۋعا, ءبىلىم مەن عىلىمنىڭ دامۋىنا, ەلىمىزدىڭ بىرتەكتىلىگىنىڭ, پاتريوتتىق رۋحىنىڭ كەمەلدەنۋىنە باستايتىن ايقىن ماقساتكەرلىكپەن, كەمەڭگەر كورەگەندىكپەن جاسالعان باعدارلاما, حالقىمىزدىڭ جارقىن بولاشاعىنىڭ كىلتى. عازىم جارىلعاپ ۇلى, قاراعاندى وبلىستىق ءماسليحاتىنىڭ دەپۋتاتى,  جاڭاارقا اۋدانىنىڭ قۇرمەتتى ازاماتى.