سەرپىن بەردى

مەملەكەت باسشىسى نۇرسۇلتان نازارباەۆ ۇلت جوسپارىنىڭ يندۋستريالاندىرۋ جانە ەكونوميكالىق ءوسىمدى ارتتىرۋعا باعىتتالعان 77 قادامىندا التى نەگىزگى سالا بويىنشا بىلىكتى كادرلار ازىرلەۋدى ەلىمىزدىڭ ون الدىڭعى قاتارلى كوللەدجى مەن ون جوعارى وقۋ ورنىنا تاپسىردى. سونىڭ ءبىرى – جاڭا تەحنولوگيالار كوللەدجى.   قازاقستان رەسپۋبليكاسى پرەزيدەنتىنىڭ كاسىبي مامانداردى دايارلاۋ تاجىريبەسىن كەيىننەن ەلىمىزدىڭ باسقا دا وقۋ ورىندارىنا تاراتۋدى مىندەتتەۋى اسا ۇلكەن جاۋاپكەرشىلىك جۇكتەيدى. ەلباسى سەنىمى رەسپۋبليكاداعى 800-گە جۋىق ورتا ارناۋلى وقۋ ورىن­دارى­نىڭ اراسىندا ۇزدىك وندىققا ەنگەن كولللەدج ۇجىمىنا جاڭا سەرپىن بەردى. بۇل تاڭداۋ تەگىننەن تەگىن ەمەس. ويتكەنى, جاڭا تەحنولوگيالار كوللەدجى وبلىستىڭ عانا ەمەس, تۇتاس مەملەكەتىمىزدى باسەكەگە قابى­لەتتى بىلىكتى كاسىبي ماماندارمەن قامتۋعا ەلەۋلى ۇلەس قوسىپ كەلەدى. ۇلت جوسپارىنىڭ 79-قادامىندا ءبىلىم بەرۋ جۇيەسىندە جوعارى سىنىپتار مەن جوعارى وقۋ ورىندارىندا اعىلشىن تىلىندە وقىتۋعا كەزەڭ-كەزەڭىمەن كوشۋ مىندەتتەلگەن. باستى ماقساتى – دايارلاناتىن مامانداردىڭ باسەكەلەستىك قابىلەتىن ارتتىرۋ جانە ءبىلىم بەرۋ سەكتورىنىڭ ەسكپورتتىق الەۋەتىن كوتەرۋ. ەلباسىنىڭ بۇل تاپسىرماسى كوللەدجدە ءازىردىڭ وزىندە جۇزەگە اسۋدا دەپ ايتۋعا نەگىز بار. ويتكەنى, «Otrar Education» جەكە شاعىن سەرىكتەستىگىمەن بىرلەسكەن جوبا اياسىندا 4 توپتا 60 ستۋدەنت اعىلشىن تىلىندە تەرەڭدەتىپ ءبىلىم الۋدا. ولارعا اقش-تىڭ جوعارى وقۋ ورىندارى كاليفورنيا, سول­تۇس­تىك جانە وڭتۇستىك كارولينا ۋني­ۆەر­سيتەتتەرىنىڭ تۇلەكتەرى ءدارىس وقيدى. كاسىبي مامان دايارلاۋ ىسىندە كوللەدج ەلىمىزدىڭ وقۋ ورىندارىمەن عانا ەمەس, شەتەلدىك ءارىپ­تەستەرىمەن دە حالىقارالىق بايلانىس ورناتقان. ولارمەن تاجىريبە الماسىپ, حالىقارالىق جوبالار اياسىندا بىرگە ىزدەنىپ, بىرلەسىپ جۇمىس ىستەيدى. سونىڭ ءبىرى – كەمبريدج ايماقتىق كوللەدجىمەن «2+2» جوباسىنىڭ نەگىزىندە 7 ستۋدەنت انگليادا بىلىمدەرىن جەتىلدىرىپ قايتتى. ولار بريتاندىق باعدارلامامەن وقىپ, بريتان كۆاليفيكاتسياسىن يەمدەندى. ستۋدەنتتەردى پراكتيكالىق وقىتۋ ارنايى مەكەمەلەر مەن قۇرى­لىس نىساندارىندا جۇزەگە اسادى. بۇل باعىتتا كوللەدج ءارتۇرلى سالاداعى جەكەمەنشىك الەۋمەتتىك ارىپتەستەرىمەن بىرلەسىپ جۇمىستار اتقارۋدا. كوللەدج بەن مەكەمەلەر اراسىندا بىرلەسىپ ارەكەت ەتۋ جانە ستراتەگيالىق ارىپتەستىك تۋرالى مەموراندۋمدار تۇزىلگەن, ەكى-ءۇش جاقتى كەلىسىمشارتتار بار. بۇل ءوز كەزەگىندە تۇلەكتەردى تۇراقتى جۇمىسقا ورنالاستىرۋعا, وندىرىستە تاجىريبەلى ينسترۋكتورلارمەن جۇمىس جاساۋعا, زاماناۋي وقۋ قۇرالدارىنا جول اشتى. ولاردىڭ قاتارىندا «ورلەۋ – ساپا» وندىرىستىك بىرلەستىگى, «سترويسەرۆيس – تيك», «ال-دەكەي» جەكە شاعىن سەرىكتەستىكتەرى مەن «ەلەكترومونتاج» اكتسيونەرلىك قوعامى, تاعى باسقالار بار. ينجەنەرلىك ءبىلىم بەرۋدە زاماناۋي مامانداردى دايارلاۋ اتالعان كاسىپورىنداردىڭ كادرلىق قاجەتتىلىكتەرىن وتەۋگە نەگىزدەلگەن. وقۋ باعدارلاماسى دا ءوندىرىس ورىندارىنىڭ تالاپتارى بويىنشا ازىرلەنەدى. سوندىقتان ستۋدەنتتەر وندىرىستىك ءىس-تاجىريبەلەردەن وتكەن كاسىپورىندارعا تۇراقتى جۇمىسقا قابىلدانادى. وسى كۇنگە دەيىن ورتا ارناۋلى وقۋ ورنى 30 مىڭنان استام مامان ازىرلەگەن بولسا, ولاردىڭ  95 پايىزى جۇمىسقا ورنالاسقان. جالپى مامانداردىڭ كاسىبي دايىندىعى مەن ءوز كۆاليفيكاتسياسىن يگەرۋ كورسەتكىشى – 98 پايىز. ءبىلىم بەرۋ قىزمەتىنىڭ ساپاسى ست رك يسو 9001-2009 «EUROASIA MS» جانە حالىقارالىق AFNOR فرانتسۋز اسسوتسياتسياسىنىڭ  يسو 9001:2008 تالاپتارىنا ساي. كوللەدجدىڭ ونىمدىلىك ساپا جۇيەسىن ەنگىزۋ تاجىريبەسى 2010 جىلدىڭ 19 ناۋرىزىندا رەسپۋبليكالىق وقۋ ورىندارى ديرەكتورلارىنىڭ كەڭەسىندە قارالىپ, تەحنيكالىق جانە كاسىبي ءبىلىم بەرۋ جۇيەسى بويىنشا ءبىلىم جانە عىلىم مينيسترلىگىنىڭ جوعارى باعاسىن العان. سونىمەن قاتار, وبلىستىق ءبىلىم باسقارماسىنىڭ ۇيعارۋىمەن قۇرىلىسشى ماماندارىن دايار­لاۋدىڭ ءبىر توبى ەلباسى تاپ­سىرماسىنا ساي دۋالدىك وقىتۋ جۇيە­سىنىڭ ەكسپەريمەنتتىك الاڭشا­سى رەتىندە قاراستىرىلعان. مەملەكەت باسشىسى «قازاق­ستان-2050» ستراتەگياسىندا قا­لىپت­اسقان مەملەكەتتىڭ جاڭا ساياسي باعىتىن ەسكەرە وتىرىپ, ۇكىمەتكە 2013 جىلدان باستاپ حالىقارالىق ۇلگىدەگى كۋالىكتەر بەرۋ ارقىلى ينجەنەرلىك ءبىلىم بەرۋدى جانە زاماناۋي تەحنيكالىق ماماندىقتار جۇيەسىن دامىتۋدى قامتاماسىز ەتۋدى تاپسىرعان بولاتىن. ەلباسى «كاسىبي-تەحنيكالىق جانە جوعارى ءبىلىم ەڭ ءبىرىنشى كەزەكتە ۇلتتىق ەكونوميكانىڭ ماماندارعا دەگەن قازىرگى جانە كەلەشەكتەگى سۇرانىسىن بارىنشا وتەۋگە باعدار ۇستاۋى كەرەك. كوپ جاعىنان بۇل حالىقتى ەڭبەكپەن قامتۋ ماسەلەسىن شەشىپ بەرەدى», دەگەن ەدى. وسى ماقساتتا كوللەدج بىرقاتار ماماندىقتار بويىنشا جوعارى تەحنيكالىق مەكتەپ (جتم) ۇلگىسىنە كوشۋدە. جتم قاناتقاقتى جوباسىنىڭ وقۋ باعدارلاماسىن ءبىلىم جانە عىلىم مينيسترلىگىنىڭ كەلىسىمىمەن كوللەدج ۇجىمى جاساپ شىقتى. مۇندا بىلىكتى ماماندار دايارلاۋ ادىستەرى داعدىلى ورتا ارناۋلى وقۋ ورىندارىنداعىدان وزگەشەلەۋ. مامان ءوز سالاسىنداعى بارلىق ساتىدان وتكەن جاعدايدا عانا ينجەنەر دەپ تانىلادى. وسىلاي تەڭدەستىرىلگەن وقۋ جۇيەسى ءۇزىلىسسىز جۇزەگە اسادى. جاڭا تەحنولوگيالار كوللەدجى ۇكىمەتىنىڭ 2011 جىلعى 7 ماۋسىمداعى №777 قاۋلىسىمەن قۇرىلعان «كاسىپقور» حولدينگىنىڭ تالاپتارىنا ساي جۇمىس ىستەيدى. 2015 جىلدىڭ 27 مامىرىندا حولدينگ پەن كوللەدج اراسىندا ەلىمىزدىڭ ەڭبەك نارىعىنا قاجەتتى باسەكەلەستىككە قابىلەتتى جوعارى سىنىپتى كاسىبي تەحنيكا ماماندارىن بىرلەسىپ دايارلاۋ تۋرالى كەلىسىمشارتقا قول قويىلدى. ناتيجەسىندە ارناۋلى وقۋ ورنى «ۇيلەر مەن عيماراتتاردى سالۋ جانە پايدالانۋ», «ەلەكتروندى ەسەپتەۋ تەحنيكاسى جانە باعدار­لامالىق قامسىزداندىرۋ» ماماندارىن دايارلاۋ ىسىندە ەلىمىزدىڭ ەكسپەريمەنتتىك وقۋ باعدارلاماسىن ەنگىزۋ بازاسىنا اينالماق. ياعني, الدىڭعى قاتارلى قۇرىلىس جانە كوممۋنالدىق قامسىزداندىرۋ مەكتەبى, ينفورماتسيا جانە كوممۋنيكاتسيا مەكتەبى, ەنەرگەتيكا مەكتەبى اتانۋعا تولىق نەگىز بار. بۇدان بولەك «كاسىپقور» حول­دينگىمەن بىرلەسىپ ستراتەگيالىق سەرىكتەستىك باعىتىندا كوللەدج­ىشىلىك ەسپەريمەنتتىك وقۋ باعدار­لامالارى مەن وقۋ ورنىنىڭ 5 جىلدىق دامۋ جوسپارى جاسالدى. كوللەدجدە جوعارى كۆاليكاتسيالى كادرلار جۇمىس ىستەيدى. ولاردى قاتارىندا ءبىر عىلىم دوكتورى, 6 عىلىم كانديداتى, 37 ماگيستر وقىتۋشىلىقپەن اينالىسسا, ۇجىمنىڭ 52%-ى جوعارى ساناتتى جانە ءبىرىنشى دارەجەلى اعارتۋ ءىسىنىڭ ماماندارى. «كاسىپقور» حولدينگىمەن بىرلەسە ارەكەت ەتۋ­دىڭ ناتيجەسىندە كوللەدج وقىتۋ­شىلارى كاسىبي-تەحنيكالىق جانە جوعارى ءبىلىم بەرۋ جۇيەسىنە ساي وقۋ باعدارلامالارىنىڭ جاڭا پرين­تسيپتەرى مەن ادىستەمەلەرى بويىنشا بىلىكتىلىك كۋرستارىنان وتكەن. كوللەدجدىڭ 2 وقۋ عيماراتى, 70 وقۋ كابينەتى مەن لابوراتوريالارى,  وقۋ شەبەرحانالارى, 2 كونفەرەنتسيا زالى, جەرگىلىكتى توراپتىق تەلەستۋدياسى, باسپاحاناسى, 500 ورىندى اكت زالى, 260 شارشى مەترلىك كىتاپحاناسى, 150 ادامدىق اسحاناسى, 170 ورىندى جاتاقحاناسى, مەديتسينالىق جانە پسيحولوگيالىق قىزمەت كابينەتتەرى بار. 20 كومپيۋتەر, 6 لينگوفون كابينەتتەرىندە 600 كومپيۋتەر (4 ستۋدەنتكە 1 كومپيۋتەر) سەكۋندىنا 10 مبايتتىق 2 مەگالاين جۇيەسى بويىنشا ينتەرنەتكە قوسىلعان. تەستىلەۋ جانە باقىلاۋ ورتالىعىنىڭ بارلىق كابينەتتەرى مەن لابوراتوريالارى زاماناۋي وقۋ قۇرالدارىمەن جابدىقتالعان. 10 تاسىمالدى بەينەپروەكتور, 85 تەلەديدار, قولدانبالى باعدارلامالى 28 ينتەراكتيۆتىك تاقتا, ت.ب. ءبىر مەزەتتە 120 ادامدى قامتي الاتىن وقۋ زالى بار كىتاپحانانىڭ كىتاپ قورى 160 مىڭدى قۇرايدى, ونىڭ 160-سى ەلەكتروندى نۇسقادا ىزدەنۋشىلەر سۇرانىسىن وتەيدى. سونىمەن قاتار, مۇندا بيزنەس-ينكۋباتور, عىلىمي ادىستەمەلىك جانە مونيتورينگ ورتالىقتارى جۇمىس ىستەيدى. سپورتتىق كەشەن قۇرامىنا 2 سپورت زالى بار دەسەك, وعان كۇرەس زالى, 2 فۋتبول الاڭى كىرەدى. قورىتا ايتقاندا, ەلىمىزدىڭ الدىڭعى قاتارلى ون كوللەدجىنىڭ ءبىرى – جوعارى تەحنيكالىق مەكتەپ ەلباسىنىڭ 100 ناقتى قادام ۇلت جوسپارىن جۇزەگە اسىرۋعا اتسالىسۋعا دايىن دەۋگە بولادى. قاناتبەك دوساليەۆ, جاڭا تەحنولوگيالار كوللەدجىنىڭ ديرەكتورى.