جازىلىم – 2016
سەنبى كۇنى الماتى قالاسىنىڭ اكىمى باۋىرجان بايبەك «ەگەمەن قازاقستان» رەسپۋبليكالىق گازەتى» اق پرەزيدەنتى ساۋىتبەك ابدراحمانوۆتى قابىلدادى.
باۋىرجان قىدىرعالي ۇلىن ەلباسىنىڭ جاڭا سەنىمىنە يە بولىپ, الماتى سىندى مەگاپوليسكە باسشىلىق ەتۋ جاۋاپكەرشىلىگى سەنىپ تاپسىرىلۋىمەن قۇتتىقتاعان گازەت باسشىسى جاڭا قىزمەتتە تابىس تىلەدى.
كەزدەسۋ بارىسىندا قالا اكىمى بۇكىل رەسپۋبليكا بويىنشا تۇسەتىن سالىقتىڭ ۇشتەن ءبىرىن جالعىز ءوزى بەرىپ وتىرعان الماتى قالاسىنىڭ ەل ومىرىندەگى ورنى مەن ماڭىزى جايلى ايتىپ, وسىناۋ ەكونوميكالىق زور الەۋەتتى ساتىلاپ كوتەرە بەرۋ جونىندەگى ەلباسى تاپسىرماسىن ورىنداۋ ورايىنداعى ءوزىنىڭ جوسپارلارىن اڭگىمەلەدى.
ەلدىك تالاي باستامالارعا سەرپىن بەرگەن الماتىنىڭ قاي جاعىنان الساڭىز دا مۇمكىندىكتەرى مول. ونىڭ ۇستىندە قازىرگى احۋال جاعدايىندا الماتىنىڭ ينۆەستيتسيالىق تارتىمدىلىعى مەن ەكونوميكالىق تۇراقتىلىعىن ساقتاپ قالۋ وزەكتى. باۋىرجان بايبەك گازەت باسشىسىمەن قالا ينفراقۇرىلىمىن جاقسارتا, جەتىلدىرە ءتۇسۋ جونىندەگى, الماتىنىڭ تاياۋ بولاشاقتاعى ءمىندەتتەرى مەن جاڭا اۋدانداردى دامىتۋدىڭ كەلەشەگى جايلى ويلارىمەن ءبولىستى.
س.ابدراحمانوۆ كەزدەسۋ سوڭىندا تاۋەلسىزدىكتىڭ تالبەسىگى بولعان اياۋلى الماتىنىڭ تىنىس-تىرشىلىگىن تانىتۋ, جاسامپازدىق جۇمىس جەمىستەرىن كورسەتۋ ەل گازەتىنىڭ بەتىندەگى باسىم تاقىرىپتاردىڭ ءبىرى بولا بەرەتىنىن اتاپ ايتتى, باس باسىلىمدى كەلەر جىلى جازدىرتىپ الاتىن الماتىلىقتاردىڭ قاتارى قازىرگىدەن گورى قالىڭداي تۇسەدى دەگەن سەنىمىن ءبىلدىردى.
الماتى.
***
وسى كۇندەرى الماتى وبلىسىنىڭ اكىمى اماندىق باتالوۆ «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆپەن كەزدەستى.
حالقىمىز «جەر ءجانناتى جەتىسۋ» دەپ جىرعا قوساتىن الماتى وبلىسى – ەل ومىرىندە ەرەكشە ورىن الاتىن ايماق. ايدىندى الاكولدەن حان تاڭىرىندەي ۇلى شىڭى بار اسپانتاۋعا دەيىنگى ارالىقتى الىپ جاتقان ۇلان-عايىر وڭىردە كەيىنگى جىلداردا وركەندى وزگەرىستەر كوبىرەك كورىنىپ كەلەدى. ەلباسى ساياساتىن قاي تۇرعىدان دا قىزۋ قولدايتىن استانالىق وبلىس جۇرتشىلىعى ەكونوميكالىق-الەۋمەتتىك رەفورمالاردى جەمىستى جۇزەگە اسىرۋدا. باسىلىم باسشىسىنا نەگىزىنەن اگرارلىق ايماق بولىپ تابىلاتىن ءوڭىردىڭ يندۋستريالىق الەۋەتىن ارتتىرۋ جولىنداعى جۇيەلى جۇمىس جايىندا اڭگىمەلەگەن وبلىس اكىمى اماندىق باتالوۆ ينۆەستيتسيالىق تارتىمدىقتى كۇشەيتۋ, ەكونوميكانىڭ ينفراقۇرىلىمىن جەتىلدىرۋ باعىتىنداعى ماسەلەلەردىڭ ءوز كەزەگىمەن شەشىم تاۋىپ كەلە جاتقانىن ايتتى. مىسالى, كەزىندە توز-توزى شىعۋعا اينالعان قىزىلشا شارۋاشىلىعى قازىرگى تاڭدا جاڭا تەحنولوگيالاردى قولدانۋ, تىڭايتقىشتاردى ءتيىمدى پايدالانۋ ارقىلى بىرتە-بىرتە قالپىنا كەلىپ, كوپتەگەن جاڭا جۇمىس ورىندارىنىڭ اشىلۋىنا مۇمكىندىك بەردى. شيپالى سۋىمەن تانىمال الاكولدى تۋريزم ورتالىعىنا اينالدىرۋ جولىندا كوپ ءىس اتقارىلۋدا. قازىردىڭ وزىندە وعان الماتىدان پويىز تۇراقتى جۇرەدى, الداعى كەزدە ارنايى اۋەجاي جولاعى توسەلىپ, جاز ايلارىندا استانادان, بىرقاتار وبلىس ورتالىقتارىنان ۇشاقتار قاتىناپ تۇراتىن بولادى.
اماندىق عابباس ۇلى ەل گازەتىنىڭ بەتىندە جەتىسۋ جەرىندەگى جاقسى جاڭالىقتار تيىسىنشە كورسەتىلىپ كەلە جاتقانىنا رازىلىعىن ءبىلدىرىپ, باس باسىلىمعا كەلەسى جىلعا جازىلۋشىلار سانى قازىرگى 20 مىڭدىق دەڭگەيدەن وسپەسە تومەندەمەيدى دەگەن سەنىمىن جەتكىزدى.
ايناش ەسالي,
«ەگەمەن قازاقستان».
تالدىقورعان.
سەنبى كۇنى الماتى قالاسىنىڭ اكىمى باۋىرجان بايبەك «ەگەمەن قازاقستان» رەسپۋبليكالىق گازەتى» اق پرەزيدەنتى ساۋىتبەك ابدراحمانوۆتى قابىلدادى.
باۋىرجان قىدىرعالي ۇلىن ەلباسىنىڭ جاڭا سەنىمىنە يە بولىپ, الماتى سىندى مەگاپوليسكە باسشىلىق ەتۋ جاۋاپكەرشىلىگى سەنىپ تاپسىرىلۋىمەن قۇتتىقتاعان گازەت باسشىسى جاڭا قىزمەتتە تابىس تىلەدى.
كەزدەسۋ بارىسىندا قالا اكىمى بۇكىل رەسپۋبليكا بويىنشا تۇسەتىن سالىقتىڭ ۇشتەن ءبىرىن جالعىز ءوزى بەرىپ وتىرعان الماتى قالاسىنىڭ ەل ومىرىندەگى ورنى مەن ماڭىزى جايلى ايتىپ, وسىناۋ ەكونوميكالىق زور الەۋەتتى ساتىلاپ كوتەرە بەرۋ جونىندەگى ەلباسى تاپسىرماسىن ورىنداۋ ورايىنداعى ءوزىنىڭ جوسپارلارىن اڭگىمەلەدى.
ەلدىك تالاي باستامالارعا سەرپىن بەرگەن الماتىنىڭ قاي جاعىنان الساڭىز دا مۇمكىندىكتەرى مول. ونىڭ ۇستىندە قازىرگى احۋال جاعدايىندا الماتىنىڭ ينۆەستيتسيالىق تارتىمدىلىعى مەن ەكونوميكالىق تۇراقتىلىعىن ساقتاپ قالۋ وزەكتى. باۋىرجان بايبەك گازەت باسشىسىمەن قالا ينفراقۇرىلىمىن جاقسارتا, جەتىلدىرە ءتۇسۋ جونىندەگى, الماتىنىڭ تاياۋ بولاشاقتاعى ءمىندەتتەرى مەن جاڭا اۋدانداردى دامىتۋدىڭ كەلەشەگى جايلى ويلارىمەن ءبولىستى.
س.ابدراحمانوۆ كەزدەسۋ سوڭىندا تاۋەلسىزدىكتىڭ تالبەسىگى بولعان اياۋلى الماتىنىڭ تىنىس-تىرشىلىگىن تانىتۋ, جاسامپازدىق جۇمىس جەمىستەرىن كورسەتۋ ەل گازەتىنىڭ بەتىندەگى باسىم تاقىرىپتاردىڭ ءبىرى بولا بەرەتىنىن اتاپ ايتتى, باس باسىلىمدى كەلەر جىلى جازدىرتىپ الاتىن الماتىلىقتاردىڭ قاتارى قازىرگىدەن گورى قالىڭداي تۇسەدى دەگەن سەنىمىن ءبىلدىردى.
الماتى.
***
وسى كۇندەرى الماتى وبلىسىنىڭ اكىمى اماندىق باتالوۆ «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆپەن كەزدەستى.
حالقىمىز «جەر ءجانناتى جەتىسۋ» دەپ جىرعا قوساتىن الماتى وبلىسى – ەل ومىرىندە ەرەكشە ورىن الاتىن ايماق. ايدىندى الاكولدەن حان تاڭىرىندەي ۇلى شىڭى بار اسپانتاۋعا دەيىنگى ارالىقتى الىپ جاتقان ۇلان-عايىر وڭىردە كەيىنگى جىلداردا وركەندى وزگەرىستەر كوبىرەك كورىنىپ كەلەدى. ەلباسى ساياساتىن قاي تۇرعىدان دا قىزۋ قولدايتىن استانالىق وبلىس جۇرتشىلىعى ەكونوميكالىق-الەۋمەتتىك رەفورمالاردى جەمىستى جۇزەگە اسىرۋدا. باسىلىم باسشىسىنا نەگىزىنەن اگرارلىق ايماق بولىپ تابىلاتىن ءوڭىردىڭ يندۋستريالىق الەۋەتىن ارتتىرۋ جولىنداعى جۇيەلى جۇمىس جايىندا اڭگىمەلەگەن وبلىس اكىمى اماندىق باتالوۆ ينۆەستيتسيالىق تارتىمدىقتى كۇشەيتۋ, ەكونوميكانىڭ ينفراقۇرىلىمىن جەتىلدىرۋ باعىتىنداعى ماسەلەلەردىڭ ءوز كەزەگىمەن شەشىم تاۋىپ كەلە جاتقانىن ايتتى. مىسالى, كەزىندە توز-توزى شىعۋعا اينالعان قىزىلشا شارۋاشىلىعى قازىرگى تاڭدا جاڭا تەحنولوگيالاردى قولدانۋ, تىڭايتقىشتاردى ءتيىمدى پايدالانۋ ارقىلى بىرتە-بىرتە قالپىنا كەلىپ, كوپتەگەن جاڭا جۇمىس ورىندارىنىڭ اشىلۋىنا مۇمكىندىك بەردى. شيپالى سۋىمەن تانىمال الاكولدى تۋريزم ورتالىعىنا اينالدىرۋ جولىندا كوپ ءىس اتقارىلۋدا. قازىردىڭ وزىندە وعان الماتىدان پويىز تۇراقتى جۇرەدى, الداعى كەزدە ارنايى اۋەجاي جولاعى توسەلىپ, جاز ايلارىندا استانادان, بىرقاتار وبلىس ورتالىقتارىنان ۇشاقتار قاتىناپ تۇراتىن بولادى.
اماندىق عابباس ۇلى ەل گازەتىنىڭ بەتىندە جەتىسۋ جەرىندەگى جاقسى جاڭالىقتار تيىسىنشە كورسەتىلىپ كەلە جاتقانىنا رازىلىعىن ءبىلدىرىپ, باس باسىلىمعا كەلەسى جىلعا جازىلۋشىلار سانى قازىرگى 20 مىڭدىق دەڭگەيدەن وسپەسە تومەندەمەيدى دەگەن سەنىمىن جەتكىزدى.
ايناش ەسالي,
«ەگەمەن قازاقستان».
تالدىقورعان.
