قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №281 

2015 جىلعى 28 ءساۋىر, استانا قالاسى العاشقى مەديتسينالىق-سانيتاريالىق كومەك كورسەتۋ قاعيدالارىن جانە ازاماتتاردى العاشقى مەديتسينالىق-سانيتاريالىق كومەك ۇيىمدارىنا بەكىتۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 45-بابىنىڭ 4-1-تارماعىنا سايكەس بۇيىرامىن: 1. مىنالار: 1) وسى بۇيرىققا 1-قوسىمشاعا سايكەس العاشقى مەديتسينالىق-سانيتاريالىق كومەك كورسەتۋ قاعيدالارى; 2) وسى بۇيرىققا 2-قوسىمشاعا سايكەس ازاماتتاردى العاشقى مەديتسينالىق-سانيتاريالىق كومەك ۇيىمدارىنا بەكىتۋ قاعيدالارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ونى كۇنتىزبەلىك ون كۇننىڭ ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتى ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق العاشقى رەسمي جاريالاعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 ساۋىردەگى №281 بۇيرىعىنا 1-قوسىمشا العاشقى مەديتسينالىق-سانيتاريالىق كومەك كورسەتۋ قاعيدالارى 1. جالپى ەرەجەلەر 1. وسى العاشقى مەديتسينالىق-سانيتاريالىق كومەك كورسەتۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسى 45-بابىنىڭ 4-1) تارماعىنا سايكەس ازىرلەندى. 2. وسى قاعيدالار العاشقى مەديتسينالىق-سانيتاريالىق كومەك كورسەتۋ ءتارتىبىن ايقىندايدى. 3. العاشقى مەديتسينالىق-سانيتاريالىق كومەك (بۇدان ءارى – مساك) – ادام, وتباسى جانە قوعام دەڭگەيىندە كورسەتىلەتىن, قولجەتىمدى مەديتسينالىق قىزمەتتەر كورسەتۋ كەشەنىن قامتيتىن تاۋلىكتىك مەديتسينالىق باقىلاۋىنسىز دارىگەرگە دەيىنگى نەمەسە بىلىكتى مەديتسينالىق كومەك: 4. مساك مىنالاردى: 1) اناعۇرلىم كوپ تارالعان اۋرۋلاردى, سونداي-اق جاراقاتتاردى, ۋلانۋلاردى جانە باسقا شۇعىل جاعدايلاردى دياگنوستيكالاۋ مەن ەمدەۋدى; 2) وتباسىن, انا, اكە بولۋ مەن بالالىق شاقتى قورعاۋدى, سونىڭ ىشىندە وتباسىن جوسپارلاۋدى; 3) تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى – تمككك) شەڭبەرىندە دارىلىك زاتتارمەن قامتاماسىز ەتۋدى; 4) پروفيلاكتيكالىق ءىس-شارالاردى جانە قاۋىپ فاكتورلارىن ايقىنداۋدى; 5) اۋرۋلاردى ەرتە انىقتاۋعا سكرينينگتىك زەرتتەۋلەردى; 6) حالىقتىڭ كەڭ تارالعان پاتولوگيالىق جاعدايلار مەن سالاماتتى ءومىر سالتىن قالىپتاستىرۋ تۋرالى حاباردار بولۋ دەڭگەيىن ارتتىرۋدى; 7) نەگىزگى ينفەكتسيالىق اۋرۋلارعا قارسى يممۋنداۋدى; 8) حالىقتى گيگيەنالىق وقىتۋدى جانە سۋمەن قاۋىپسىز جابدىقتاۋ مەن حالىقتىڭ وڭتايلى تاماقتانۋى جونىندەگى ءتۇسىندىرۋ جۇمىستارىن; 9) ينفەكتسيالىق اۋرۋلار وشاقتارىنداعى سانيتاريالىق-ەپيدەمياعا قارسى (پروفيلاكتيكالىق) ءىس-شارالاردى جۇرگىزۋدى قامتيدى. 2. العاشقى مەديتسينالىق-سانيتاريالىق كومەك كورسەتۋ ءتارتىبى 5. العاشقى مەديتسينالىق-سانيتاريالىق كومەكتى مساك ماماندارى (جالپى پراكتيكا دارىگەرى, ۋچاسكەلىك تەراپەۆت دارىگەر (پەدياتر), ۋچاسكەلىك مەيىرگەر (جالپى پراكتيكا مەيىرگەرى), فەلدشەر, اكۋشەر: 1) مەديتسينالىق پۋنكتتە; 2) فەلدشەر-اكۋشەرلىك پۋنكتتە; 3) دارىگەرلىك امبۋلاتوريادا (وتباسى دەنساۋلىعى ورتالىعىندا); 4) ەمحانادا كورسەتەدى. 6. مساك كۇندىزگى ستاتسيونار مەن ءۇي جاعدايلارىندا دا كورسەتىلەدى. 7. دارىگەردىڭ نەمەسە ورتا مەديتسينا قىزمەتكەرىنىڭ ۇيگە شاقىرتىپ قىزمەت كورسەتۋىن ۋچاسكەلىك قىزمەت (جالپى دارىگەرلىك) بولىمشەسىنىڭ مەڭگەرۋشىسى, ول بولماعان كەزدە ۋچاسكەلىك دارىگەر (جالپى پراكتيكا دارىگەرى) ۇيلەستىرەدى. ۇيگە شاقىرتىپ قىزمەت كورسەتۋ ءۇشىن كورسەتىلىمدەر مىنالار بولىپ تابىلادى: 1) پاتسيەنتكە ءوز بەتىمەن مساك ۇيىمدارىنا بارۋعا مۇمكىندىك بەرمەيتىن ءجىتى اۋىرسىنۋ جاعدايى; دەنە قىزۋىنىڭ 38 تسەلسي گرادۋستان جوعارىلاۋى; جاي-كۇيىنىڭ ايقىن بۇزىلۋى بار ارتەريالىق قىسىمنىڭ جوعارىلاۋى;بىرنەشە رەت قايتالانىپ ءىشتىڭ ءوتۋى; قوزعالىسى شەكتەلگەن ومىرتقانىڭ جانە اياق بۋىندارىنىڭ قاتتى اۋىرسىنۋلارى; باستىڭ اينالۋى, قاتتى جۇرەك اينۋى, قۇسۋ; 2) پاتسيەنتتىڭ ءوز بەتىنشە ەمحاناعا بارۋىنا مۇمكىندىك بەرمەيتىن سوزىلمالى اۋىرسىنۋ جاعدايلارى (ونكولوگيالىق اۋرۋلاردىڭ اۋىر اعىمى, (I – II توپتاعى) مۇگەدەكتىك, سال بولۋ, اياق-قولدىڭ پارەزى); 3) اينالاسىنداعىلارعا قاۋىپ توندىرەتىن ءجىتى ينفەكتسيالىق اۋرۋلار; 4) تاسىمالداۋعا بولمايتىن پاتسيەنت; 5) مساك ۇيىمدارىنىڭ جۇمىس ۋاقىتىندا جەدەل مەديتسينالىق جاردەم ستانتسياسىنان بەرىلگەن شاقىرتۋلارعا قىزمەت كورسەتۋ. 8. مساك ۇيىمىنىڭ مەديتسينا قىزمەتكەرىنىڭ پاتسيەنتتىڭ ۇيىنە, ونىڭ ىشىندە اۋلا ارالاۋ (پاتەر ارالاۋ) ارقىلى بارۋى: 1) ءجىتى اۋرۋلار, سوزىلمالى اۋرۋلاردىڭ ءورشۋى كەزىندە ونىڭ جاعدايىن, اۋرۋ اعىمىن باقىلاۋ جانە قاجەتتى زەرتتەپ-قاراۋلاردى جانە (نەمەسە) ەمدەۋدى ۋاقىتىلى تاعايىنداۋ (تۇزەتۋ) ماقساتىندا; 2) ينفەكتسيالىق اۋرۋ ىندەتىنىڭ پايدا بولۋ قاۋپى ورىن العاندا نەمەسە ينفەكتسيالىق اۋرۋمەن اۋىراتىن ناۋقاستار انىقتالعان جاعدايدا حالىقتىڭ جەكە توبىنىڭ, ولارمەن بايلانىس جاساعان نەمەسە ينفەكتسيالىق اۋرۋدى جۇقتىرۋ كۇدىگى بار ادامداردىڭ پاتروناجى كەزىندە جۇزەگە اسىرىلادى. 9. مساك دەڭگەيىندە دەنساۋلىق ساقتاۋ سالاسىندا مەملەكەتتىك كورسەتىلەتىن قىزمەتتەردىڭ مىناداي: پروفيلاكتيكالىق, دياگنوستيكالىق, ەمدىك, ۋاقىتشا ەڭبەككە جارامسىزدىق ساراپتاماcى بويىنشا مەملەكەتتىك قىزمەتتەر تۇرلەرى كورسەتىلەدى. 10. پروفيلاكتيكالىق قىزمەتتەر: پروفيلاكتيكالىق قاراپ-تەكسەرۋلەردى, يممۋنداۋدى, سالاماتتى ءومىر سالتىن قالىپتاستىرۋ مەن ناسيحاتتاۋدى, ۇتىمدى جانە دۇرىس تاماقتانۋ جونىندەگى ۇسىنىمداردى, وتباسىن جوسپارلاۋدى, ديسپانسەرلەۋدى جانە ديناميكالىق بايقاۋدى, جۇكتى ايەلدەردى, بالالاردى, ونىڭ ىشىندە جاڭا تۋعان نارەستەلەردىڭ پاتروناجىن, الەۋمەتتىك-پسيحولوگيالىق كونسۋلتاتسيا بەرۋدى قامتيدى. 11. دياگنوستيكالىق قىزمەتتەر: مساك مامانىنىڭ قاراپ-تەكسەرۋىن, زەرتحانالىق جانە اسپاپتىق زەرتتەۋلەردى قامتيدى. 12. ەمدىك قىزمەتتەر: جەدەل جانە كەزەك كۇتتىرمەيتىن مەديتسينالىق كومەك كورسەتۋدى, دەنساۋلىق ساقتاۋ سالاسىنداعى ستاندارتتارعا سايكەس ەمدىك مانيپۋلياتسيالاردى, بەلگىلى ءبىر اۋرۋلارى (جاي-كۇيى) بار ازاماتتاردىڭ جەكەلەگەن ساناتتارىن تەگىن جانە جەڭىلدىكتى دارىلىك زاتتارمەن جانە امبۋلاتوريالىق دەڭگەيدە ارنايى ەمدىك ونىمدەرمەن قامتاماسىز ەتۋدى قامتيدى. 13. مساك كورسەتۋ كەزىندە ۋاقىتشا ەڭبەككە جارامسىزدىق ساراپتاماسى جۇرگىزىلەدى. ۋاقىتشا ەڭبەككە جارامسىزدىق ساراپتاماسىن دارىگەر «حالىق دەنساۋلىعى جانە دەنساۋلىق ساق­تاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 59-بابىنىڭ 2-تارماعىنا سايكەس جەكە تۇلعانىڭ ەڭبەككە جارامسىزدىعىن رەسمي تانۋ جانە ونى اۋىرۋ كەزەڭىندە ەڭبەك مىندەتتەرىن ورىنداۋدان ۋاقىتشا بوساتۋ ماقساتىندا جۇرگىزەدى. 14. مساك «تەگىن مەديتسينالىق كومەكتىڭ كەپىلدىك بەرىلگەن كولەمىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 15 جەلتوقسانداعى № 2136 قاۋلىسىمەن بەكىتىلگەن تمككك شەڭبەرىندە كورسەتىلەدى. 15. مساك: 1) بەكىتۋ فاكتىسىنە قاراماستان شۇعىل جانە كەزەك كۇتتىرمەيتىن مەديتسينالىق كومەك كورسەتكەن جاعدايدا; 2) جوسپارلى تۇردە – بەكىتىلۋى, الدىن الا جازىلۋى نەمەسە جۇگىنۋى بويىنشا كورسەتىلەدى. 16. مساك ۇيىمىنا العاش جۇگىنگەن كەزدە مساك ۇيىمىنىڭ تىركەۋ ورنىندا باستاپقى مەديتسينالىق ەسەپ قۇجاتتارى بولىپ تابىلاتىن امبۋلاتوريالىق ناۋقاستىڭ مەديتسينالىق كارتاسى نەمەسە بالانىڭ دامۋ تاريحى رەسىمدەلەدى. مساك ۇيىمدارىندا پايدالاناتىن باستاپقى مەديتسينالىق ەسەپكە الۋ قۇجاتتاماسى «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» 2010 جىلعى 21 جەلتوقسانداعى № 907 قازاقستان رەسپۋبليكاسى دەنساۋلىق ساقتاۋ ءمينيسترى مىندەتىن اتقارۋشىنىڭ بۇيرىعىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن) جۇرگىزىلەدى. باستاپقى مەديتسينالىق ەسەپ قۇجاتتاماسىنىڭ ساقتالۋىن قامتاماسىز ەتۋدى اعا تىركەۋشى, ال فەلدشەرلىك-اكۋشەريالىق جانە مەديتسينالىق پۋنكتتەردە –مساك مامانى جۇزەگە اسىرادى. 17. اۋرۋىنىڭ جاعدايى مەن سيپاتىنا بايلانىستى مساك ۇيىمىنا قابىلداۋعا كەلە المايتىن ازاماتقا مساك ماماندارى نە شاقىرۋ تىركەلگەن كۇنى مساك ماماندارىنىڭ ءوتىنىمى بويىنشا بەيىندى ماماندار مەديتسينالىق كومەكتى ۇيدە كورسەتەدى. 18. مساك كورسەتۋ كەزىندە ەمدەۋشى دارىگەر دارىلىك زاتتارعا رەتسەپت جازادى. دارىلىك زاتتار ناقتى ءدارىحانا ۇيىمى كورسەتىلمەي دەنساۋلىق ساقتاۋ سالاسىنداعى ۋاكىلەتتى ورگانمەن بەكىتىلگەن ۇلگىدەگى رەتسەپت بلانكىلەرىنە عانا جازىلىپ بەرىلەدى. 19. اتالعان قىزمەت تۇرىنە مەديتسينالىق ءبىلىمى بار اتتەستاتتالعان مامانداردى ء(دارىحانا وبەكتىلەرى جوق ەلدى مەكەندەردەگى دارىگەرلىك امبۋلاتوريالار, مەديتسينالىق جانە فەلدشەرلىك-اكۋشەريالىق پۋنكتتەر) قوسپاعاندا مساك ۇيىمدارىنىڭ مەديتسينا قىزمەتكەرلەرىنىڭ دارىلىك زاتتاردى جانە بيولوگيالىق اكتيۆتى قوسپالاردى بەرۋىنە جول بەرىلمەيدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 ساۋىردەگى №281 بۇيرىعىنا 2-قوسىمشا ازاماتتاردى العاشقى مەديتسينالىق-سانيتاريالىق كومەك ۇيىمدارىنا بەكىتۋ قاعيدالارى 1. جالپى ەرەجەلەر 1. وسى ازاماتتاردى العاشقى مەديتسينالىق-سانيتاريالىق كومەك ۇيىمدارىنا بەكىتۋ قاعيدالارى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسى 45-بابىنىڭ 4-1-تارماعىنا (بۇدان ءارى – كودەكس) سايكەس ازىرلەندى. 2. وسى ازاماتتاردى العاشقى مەديتسينالىق-سانيتاريالىق كومەك ۇيىمدارىنا بەكىتۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ ازاماتتارىن تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتەتىن العاشقى مەديتسينالىق-سانيتاريالىق كومەك ۇيىمدارىنا (بۇدان ءارى –مساك) بەكىتۋ ءتارتىبىن ايقىندايدى. 3. ازاماتتاردى العاشقى مەديتسينالىق-سانيتاريالىق كومەك ۇيىمدارىنا بەكىتۋ – كودەكستىڭ 34-بابىندا كورسەتىلگەن تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى – تمككك) شەڭبەرىندە العاشقى مەديتسينالىق-سانيتاريالىق كومەك كورسەتۋ بويىنشا مساك ۇيىمدارىنىڭ مىندەتتەمەلەرىن تىركەۋ. 4. مساك كورسەتەتىن مەديتسينالىق ۇيىمدارعا ناقتى بەكىتىلگەن حالىقتىڭ سانى, اۋماقتىق قىزمەت كورسەتۋ ۋچاسكەلەرى, ۋچاسكەلىك قىزمەتتىڭ (جالپى پراكتيكا قىزمەتى) دارىگەرلەرى مەن ورتا مەديتسينا پەرسونالى تۋرالى اقپاراتتى «بەكىتىلگەن حالىق تىركەلىمى» پورتالىنىڭ دەرەكقورىندا مەديتسينالىق ۇيىمداردىڭ باسشىلارى ايقىندايتىن جاۋاپتى مەديتسينا قىزمەتكەرى قالىپتاستىرادى. بەكىتىلگەن حالىق تىركەلىمنەن مساك ۇيىمدارىنىڭ بولىنىسىندە بەكىتىلگەن حالىقتىڭ سانى تۋرالى اقپارات تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ بويىنشا قىزمەت بەرۋشىلەردى تاڭداۋ قاعيدالارىنىڭ تالاپتارىنا سايكەس كەلەتىن مساك ۇيىمدارى اراسىندا تمككك ورنالاستىرۋ جانە كودەكستىڭ 34-بابىنىڭ 4-تارماعىنا سايكەس ايقىندالاتىن تارتىپتە ونىڭ شىعىنداردى وتەۋ ءۇشىن نەگىز بولىپ تابىلادى. 3. العاشقى مەديتسينالىق-سانيتاريالىق كومەك ۇيىمىنا ازاماتتاردى بەكىتۋ ءتارتىبى 5. مساك ۇيىمدارىنا ازاماتتاردى بەكىتۋ مەديتسينالىق ۇيىمدى ەركىن تاڭداۋ قۇقىعى بويىنشا باسقا اكىمشىلىك-اۋماقتىق بىرلىكتە ورنالاسقان جاقىن جەردەگى مساك ۇيىمىنا بەكىتىلەتىن شەكارالاس اۋماقتاردا تۇراتىن ازاماتتاردى قوسپاعاندا, تۇراقتى نەمەسە ۋاقىتشا تۇرعىلىقتى, جۇمىس ىستەيتىن, وقيتىن جەرى بويىنشا ءبىر اكىمشىلىك-اۋماقتىق بىرلىك شەگىندە دارىگەردى, مەديتسينالىق ۇيىمدى ەركىن تاڭداۋ قۇقىعى نەگىزىندە جۇزەگە اسىرىلادى. 6. ازامات مساك ۇيىمىنىڭ بىرەۋىنە عانا بەكىتىلەدى. 7. مەديتسينالىق ۇيىمعا بەكىتىلۋ تالونى ازاماتتىڭ مساك ۇيىمىنا بەكىتىلگەنى تۋرالى كۋالاندىراتىن قۇجات بولىپ تابىلادى. بەكىتىلۋ تالونىن مەديتسينالىق ۇيىمنىڭ مەديتسينالىق تىركەۋشىسى بەرەدى. 8. مساك ۇيىمىنا بەكىتۋ ەركىن نىسانداعى ءوتىنىش پەن جەكە باسىن كۋالاندىراتىن قۇجات (جەكە كۋالىگى, پاسپورت, تۋ تۋرالى كۋالىك, قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن بەرىلگەن وزگە دە قۇجات) نەگىزىندە مساك ۇيىمىنىڭ جۇمىس كەستەسىنە سايكەس كەز كەلگەن كۇنتىزبەلىك ۋاقىتتا جۇزەگە اسىرىلادى. 9. مساك ۇيىمى بەكىتۋدى ازاماتتار ءوزى جۇگىنگەن كەزدە جۇزەگە اسىرادى. وتباسىنىڭ ءاربىر مۇشەسىنىڭ جەكە باسىن كۋالاندىراتىن قۇجاتتارىن كورسەتكەن كەزدە وتباسى مۇشەلەرىنىڭ بىرەۋىنىڭ جازباشا كەلىسىمى بولعان كەزدە ەركىن نىسانداعى ءوتىنىشىنىڭ نەگىزىندە وتباسى مۇشەلەرىن بەكىتۋگە جول بەرىلەدى. 10 ادامداردى بەكىتۋ مساك ۇيىمدارىندا ولاردىڭ تىكەلەي نەمەسە جازباشا جۇگىنۋى بويىنشا سونىمەن قاتار «ەلەكتروندىق ۇكىمەت» ۆەب-پورتالى ارقىلى جەكە كۋالىگى بولعان كەزدە جۇزەگە اسىرىلادى. ون سەگىز جاسقا تولماعان ادامداردى بەكىتۋ, بەكىتىلەتىن ادامنىڭ جانە ونىڭ زاڭدى وكىلىنىڭ جەكە باسىن كۋالاندىراتىن قۇجات بولعان كەزدە ونىڭ زاڭدى وكىلدەرىنىڭ ەركىن نىسانداعى ءوتىنىشىنىڭ نەگىزىندە جۇزەگە اسىرىلادى. 11. مساك ۇيىمدارىنا ازاماتتاردى بەكىتۋدى وزگەرتۋ: 1) تۇراقتى نەمەسە ۋاقىتشا تۇرعىلىقتى, جۇمىس ىستەيتىن جانە وقيتىن جەرى اكىمشىلىك-اۋماقتىق بىرلىك شەگىنەن تىس جەرگە وزگەرگەن كەزدە; 2) مساك ۇيىمى قايتا ۇيىمداستىرىلعان نەمەسە تاراتىلعان جاعدايلاردا; 3) ازامات دارىگەر مەن مەديتسينالىق ۇيىمدى جىلىنا ءبىر رەتتەن ءجيى ەمەس ەركىن تاڭداعان كەزدە; 4) جىل سايىن 15 قىركۇيەكتەن باستاپ 15 قاراشا ارالىعىندا حالىقتى مساك ۇيىمدارىنا بەكىتۋ ناۋقانى كەزەڭىندە (بۇدان ءارى – ناۋقان) جۇزەگە اسىرىلادى. 12. ازاماتتار تىكەلەي جۇگىنگەن كەزدە ولاردى مساك ۇيىمدارىنا بەكىتكەن كەزدە بۇرىن بەكىتىلگەن مساك ۇيىمدارىنان ەسەپتەن شىعارۋ «بەكىتىلگەن حالىق تىركەلىمى» پورتالىنىڭ دەرەكقورى ارقىلى اۆتوماتتى تۇردە جۇزەگە اسىرىلادى. مساك ۇيىمدارىنا «ەلەكتروندىق ۇكىمەت» ۆەب-پورتالى ارقىلى ەلەكتروندىق فورماتتا بەكىتىلگەن كەزدە بۇرىن بەكىتىلگەن مساك ۇيىمدارىنان ەسەپتەن شىعارۋ اۆتوماتتى تۇردە جۇزەگە اسىرىلادى. 13. كودەكستىڭ 34-بابىندا كورسەتىلگەن ادامدار مساك ۇيىمىنا بەكىتۋدى ەركىن تاڭداۋ كەزىندە ولارعا وسى ۇيىم ماماندارىنىڭ ۇيدە قىزمەت كورسەتۋ مۇمكىندىگى الدىن الا كەلىسىلەدى جانە بەكىتۋ انىقتاماسىندا (تالونىندا) كورسەتىلەدى. 14. ناۋقان كەزەڭىنە تمككك شەڭبەرىندە بەكىتىلگەن حالىققا جاڭا الەۋەتتى قىزمەتتى بەرۋشىلەردىڭ قىزمەتتى كورسەتۋ الداعى جىلعا تمككك كورسەتۋگە شارت جاساسقان كەزدە قىزمەتتى بەرۋشىنى تاڭداۋ جونىندەگى كوميسسيانىڭ شەشىمى بويىنشا الداعى جىلعى 1 قاڭتاردان باستاپ جۇزەگە اسىرىلادى. كودەكستىڭ 34-بابىندا كورسەتىلگەن جاڭا الەۋەتتى قىزمەتتى بەرۋشىلەرگە بەكىتۋگە نيەت بىلدىرگەن ادامدار وسى ۋاقىتقا دەيىن اعىمداعى جىلى بەكىتىلگەن تمككك شەڭبەرىندە مساك ۇيىمدارىندا مەديتسينالىق كومەك الادى. 15. تمككك شەڭبەرىندە مساك كورسەتەتىن جەكەشە مەديتسينالىق پراكتيكامەن اينالىساتىن جەكە تۇلعالارعا بەكىتۋ وسى قاعيدالارعا سايكەس مساك ۇيىمدارىنا بەكىتۋمەن بىردەي جۇزەگە اسىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 4 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11268 بولىپ ەنگىزىلدى.