قازاقستان رەسپۋبليكاسى ۇكىمەتىنىڭ قاۋلىسى  №472

2015 جىلعى 23 ماۋسىم, استانا, ۇكىمەت ءۇيى «جول ءجۇرىسى قاعيدالارىن, كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى, كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 13 قاراشاداعى №1196 قاۋلىسىنا وزگەرىستەر مەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «جول ءجۇرىسى قاعيدالارىن, كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى, كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 13 قاراشاداعى №1196 قاۋلىسىنا (قازاقستان رەسپۋبليكاسىنىڭ ءپۇاج-ى, 2014 ج., №69-70, 636-قۇجات) مىناداي وزگەرىستەر مەن تولىقتىرۋ ەنگىزىلسىن: 1) كورسەتىلگەن قاۋلىمەن بەكىتىلگەن جول ءجۇرىسى قاعيدالارىندا: «2. جۇرگىزۋشىلەردىڭ جالپى مىندەتتەرى» دەگەن بولىمدە: 1-تارماقتىڭ 1) تارماقشاسىنىڭ بەسىنشى ابزاتسى الىپ تاستالسىن; 4-تارماقتا: 3) تارماقشا مىناداي رەداكتسيادا جازىلسىن: «3) شىققان جىلىن قوسا العاندا, شىعارىلعانىنا جەتى جىلدان اسپاعان, اۆتوموبيل كولىگى سالاسىنداعى كاسىپكەرلىك قىزمەتتە پايدالانىلمايتىن م1 ساناتىنداعى كولىك قۇرالدارىن قوسپاعاندا, اقاۋى بار كولىك قۇرالىن, مىندەتتى تەحنيكالىق قاراپ-تەكسەرۋدەن وتپەگەن كولىك قۇرالىن باسقارۋعا;»; 6) تارماقشا الىپ تاستالسىن; «12. ايالداۋ جانە توقتاپ تۇرۋ» دەگەن ءبولىمنىڭ 5-تارماعىنىڭ 2) تارماقشاسى الىپ تاستالسىن; «21. جۇرگىزىپ ۇيرەنۋ» دەگەن ءبولىمنىڭ 3-تارماعى مىناداي رەداكتسيادا جازىلسىن: «3. ۇيرەتۋشىنىڭ وزىمەن بىرگە ءتيىستى بىلىكتىلىك كۋالىگى, ول ۇيرەتۋدى جۇرگىزەتىن سول ساناتتاعى كولىك قۇرالىن باسقارۋ قۇقىعىنا جۇرگىزۋشى كۋالىگى, ال ۇيرەنۋشىنىڭ – جەكە باسىن كۋالاندىراتىن قۇجاتى جانە كولىك قۇرالىن باسقارۋعا قارسى ايعاقتاردىڭ جوق ەكەندىگى تۋرالى مەديتسينالىق قورىتىندىسى بولادى.»; «22. جولاۋشىلاردى تاسىمالداۋ» دەگەن ءبولىمنىڭ 5-تارماعى مىناداي رەداكتسيادا جازىلسىن: «5. جۇرگىزۋشى جولاۋشىلاردى وتىرعىزۋدى جانە ءتۇسىرۋدى وسى قاعيدالاردىڭ 12-بولىمىندە بەلگىلەنگەن كولىك قۇرالدارىن توقتاتۋعا تىيىم سالىنباعان جەرلەردە كولىك قۇرالى تولىق توقتاعاننان كەيىن عانا جۇزەگە اسىرۋعا, ال ءجۇرۋدى ەسىكتەر جابىلعاندا باستاۋعا جانە ولاردى تولىق توقتاعانعا دەيىن اشپاۋعا مىندەتتى. مارشرۋتتىق كولىك قۇرالىنىڭ جۇرگىزۋشىسى جولاۋشىلاردى وتىرعىزۋدى جانە ءتۇسىرۋدى بەلگىلەنگەن ايالداما پۋنكتتەرىندە عانا جۇزەگە اسىرادى.»; 2) كورسەتىلگەن قاۋلىمەن بەكىتىلگەن كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردە: 5-تارماقتىڭ ءبىرىنشى بولىگىنىڭ ورىس تىلىندەگى ماتىنىنە وزگەرىس ەنگىزىلدى, مەملەكەتتىك تىلدەگى ءماتىنى وزگەرمەيدى; 14-تارماقتا: 2) تارماقشا الىپ تاستالسىن; 5) تارماقشا مىناداي رەداكتسيادا جازىلسىن: «5) شىققان جىلىن قوسا العاندا, شىعارىلعانىنا جەتى جىلدان اسپاعان, اۆتوموبيل كولىگى سالاسىنداعى كاسىپكەرلىك قىزمەتتە پايدالانىلمايتىن م1 ساناتىنداگى كولىك قۇرالدارىن قوسپاعاندا, مىندەتتى تەحنيكالىق قاراپ- تەكسەرۋدەن وتپەگەن;»; 3) كورسەتىلگەن قاۋلىمەن بەكىتىلگەن كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسىندە: مىناداي مازمۇنداعى 10-تارماقپەن تولىقتىرىلسىن: «10. قازاقستان رەسپۋبليكاسى باس پروكۋراتۋراسىنىڭ ارنايى پروكۋرورلار دەپارتامەنتى.»; ەسكەرتپەنىڭ 2-تارماعى مىناداي رەداكتسيادا جازىلسىن: «2. مەملەكەتتىك كۇزەت قىزمەتىنىڭ, ۇلتتىق قاۋىپسىزدىك ورگاندارىنىڭ, ىشكى ىستەر ورگاندارىنىڭ جەدەل قىزمەتتەرىنىڭ, قازاقستان رەسپۋبليكاسىنىڭ باس پروكۋراتۋراسى ارنايى پروكۋرورلار دەپارتامەنتىنىڭ كولىك قۇرالدارىندا ارنايى ءتۇستى-گرافيكالىق بوياۋلار, تانىم بەلگىلەرى مەن جازۋلارى بولماۋى دا مۇمكىن.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.