اتىراۋ وبلىسىنىڭ جۇرتشىلىعى «قازاقستان حالقى اسسامبلەياسى-20 يگى ءىس» رەسپۋبليكالىق ەستافەتاسىنىڭ سيمۆولىنا اينالعان تايقازاندى قوشەمەتپەن قارسى الدى.
وبلىس اكىمىنىڭ ورىنباسارى شىڭعىس مۇقاننىڭ ايتۋىنشا, اتالعان ەستافەتا باستاۋ العالى بەرى اتىراۋدا بىرنەشە جاڭا يگى ىستەر قولعا الىندى. ناقتىلاي ايتقاندا, 60-قا جۋىق قايىرىمدىلىق شاراسى ءوتىپ, ودان 7 ميلليون تەڭگەگە جۋىق قاراجات جينالدى. ءسويتىپ, وڭىردەگى ۇلى وتان سوعىسىنىڭ ارداگەرلەرى مەن مايداندا قازا تاپقانداردىڭ وتباسىلارىنا, از قامتىلعان جانە كوپبالالى وتباسىلارعا الەۋمەتتىك كومەكتەر بەرىلدى.
اتالعان شارا قۇرمانعازى اتىنداعى مادەنيەت ۇيىندە «شەكسىز تالانت» قايىرىمدىلىق كونتسەرتىمەن جالعاسىن تاپتى. وعان وڭىردەگى 17 ەتنومادەني بىرلەستىكتىڭ ونەرلى مۇشەلەرى, سونداي-اق, مۇمكىندىگى شەكتەۋلى بولسا دا ونەردى جانىنا سەرىك ەتكەن جاندار بەلسەنە اتسالىستى. اسىرەسە, ارباعا تاڭىلعان جانداردىڭ ءبيى جۇرتشىلىقتىڭ ەرەكشە ىقىلاسىنا يە بولدى. سونىمەن بىرگە, بەرەكەت اقجىگىتوۆ, باقىت ساليەۆ سىندى مۇمكىندىگى شەكتەۋلى جانداردىڭ قولىنان شىققان تۋىندىلارعا قىزىعۋشىلىق تانىتىلدى. بۇلاردىڭ بارلىعىنا مۇنايشىلار اتىنان سىي-سياپات كورسەتىلدى.
– تايقازان قازاقستانداعى تاتۋلىق پەن بىرلىكتىڭ, ىنتىماق پەن بەرەكەلى تىرلىكتىڭ ناسيحاتشىسىنا اينالدى, – دەگەن وبلىس اكىمىنىڭ ورىنباسارى شىڭعىس مۇقان ونى كورشىلەس باتىس قازاقستان وبلىسىنىڭ وكىلدەرىنە تابىستادى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتى تۇسىرگەن
راحىم قويلىباەۆ.
وبلىس اكىمىنىڭ ورىنباسارى شىڭعىس مۇقاننىڭ ايتۋىنشا, اتالعان ەستافەتا باستاۋ العالى بەرى اتىراۋدا بىرنەشە جاڭا يگى ىستەر قولعا الىندى. ناقتىلاي ايتقاندا, 60-قا جۋىق قايىرىمدىلىق شاراسى ءوتىپ, ودان 7 ميلليون تەڭگەگە جۋىق قاراجات جينالدى. ءسويتىپ, وڭىردەگى ۇلى وتان سوعىسىنىڭ ارداگەرلەرى مەن مايداندا قازا تاپقانداردىڭ وتباسىلارىنا, از قامتىلعان جانە كوپبالالى وتباسىلارعا الەۋمەتتىك كومەكتەر بەرىلدى.
اتالعان شارا قۇرمانعازى اتىنداعى مادەنيەت ۇيىندە «شەكسىز تالانت» قايىرىمدىلىق كونتسەرتىمەن جالعاسىن تاپتى. وعان وڭىردەگى 17 ەتنومادەني بىرلەستىكتىڭ ونەرلى مۇشەلەرى, سونداي-اق, مۇمكىندىگى شەكتەۋلى بولسا دا ونەردى جانىنا سەرىك ەتكەن جاندار بەلسەنە اتسالىستى. اسىرەسە, ارباعا تاڭىلعان جانداردىڭ ءبيى جۇرتشىلىقتىڭ ەرەكشە ىقىلاسىنا يە بولدى. سونىمەن بىرگە, بەرەكەت اقجىگىتوۆ, باقىت ساليەۆ سىندى مۇمكىندىگى شەكتەۋلى جانداردىڭ قولىنان شىققان تۋىندىلارعا قىزىعۋشىلىق تانىتىلدى. بۇلاردىڭ بارلىعىنا مۇنايشىلار اتىنان سىي-سياپات كورسەتىلدى.
– تايقازان قازاقستانداعى تاتۋلىق پەن بىرلىكتىڭ, ىنتىماق پەن بەرەكەلى تىرلىكتىڭ ناسيحاتشىسىنا اينالدى, – دەگەن وبلىس اكىمىنىڭ ورىنباسارى شىڭعىس مۇقان ونى كورشىلەس باتىس قازاقستان وبلىسىنىڭ وكىلدەرىنە تابىستادى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتى تۇسىرگەن
راحىم قويلىباەۆ.
