پەتروپاۆلدىق پارا الۋشىعا دا, پارا بەرۋشىگە دە ايىپپۇل سالىندى

پەتروپاۆل. 1 شىلدە. قالالىق سوت جەر قاتىناستارى ءبولىمىنىڭ باسشىسى د. ساعىنوۆاعا 45 مىڭ تەڭگە پارا العانى ءۇشىن 2 ميلليون 450 مىڭ تەڭگە مولشەرىندە ايىپپۇل تولەۋ تۋرالى ۇكىم شىعاردى. بۇل تۋرالى وبلىستىق سوتتىڭ ءباسپاسوز قىزمەتى حابارلادى. سونىمەن قاتار پاراقوردىڭ دۇنيە-مۇلكى تاركىلەنىپ, مەملەكەتتىك جانە ءوزىن-ءوزى باسقارۋ ورگاندارىندا ءومىر بويى جۇمىس ىستەۋ قۇقىنان ايرىلدى. د. ساعىنوۆا قىزمەت بابىن پايدالانۋ ارقىلى بىرنەشە رەت پارا العانى ءۇشىن 6 ناۋرىزدا ۇستالىپ, سوت شەشىمىمەن قامالعان بولاتىن. ەندى جازاسىن پارانىڭ جەتپىس ەسە قۇنى كولەمىندە وتەيدى. سونداي-اق «عىلىمي-وندىرىستىك جەرگە ورنالاستىرۋ ورتالىعى» پەتروپاۆل قالالىق ءبولىمىنىڭ باسشىسى ا. پوپلاۆسكي دە پارا بەرۋشى رەتىندە جازاعا تارتىلىپ, 1 ميلليون 400 مىڭ تەڭگە ايىپپۇل سالىندى. ونىڭ دا دۇنيە-مۇلكى تاركىلەنىپ, مەملەكەتتىك قىزمەتتە جۇمىس ىستەۋ قۇقىنان ايرىلدى. ءومىر ەسقالي. دەرەك: سولتۇستىك قازاقستان وبلىستىق سوتى. سۋرەت: egemen.kz