استانادا قوعامدىق كولىكتەر تەگىن ينتەرنەتكە قوسىلدى

استانا. 1 شىلدە. استانادا 100 اۆتوبۋس تەگىن عالامتورعا قوسىلدى. ال كەشكە دەيىن ولاردىڭ قاتارى 400-گە جەتەتىن بولادى. بۇل تۋرالى 24.kz حابارلادى. ەلوردا كۇنى مەرەكەسى قارساڭىندا Wi-Fi Bus Astana جوباسىنىڭ رەسمي تانىستىرىلىمى ءوتتى. ۇيىمداستىرۋشىلاردىڭ ايتۋىنشا, شىلدە ايىنىڭ سوڭىنا دەيىن قالاداعى بارلىق قوعامدىق كولىكتەر عالامتورمەن قامتاماسىز ەتىلەدى. ەندى باس قالانىڭ تۇرعىندارى مەن قوناقتارى كەز كەلگەن ۋاقىتتا اتالعان قىزمەتتى پايدالانا الادى. بىرەگەي جوبا وسىدان ەكى جىل بۇرىن قولعا الىنعان ەدى. استانادان بولەك, بۇگىندە ەلىمىزدىڭ 8 قالاسىندا – قوستاناي, كوكشەتاۋ, قاراعاندى قىزىلوردا, پەتروپاۆل, تۇركىستان, ورال جانە الماتىدا شامامەن 200 قوعامدىق كولىك تەگىن ينتەرنەتپەن جابدىقتالعان. جوبانى ۇيىمداستىرۋشى باتىربەك ءمۋسيننىڭ مالىمدەۋىنشە, استانالىقتار كوپ ۋاقىتىن اۆتوبۋستا وتكىزەدى. «بۇل باستاما ۋاقىتتى ءتيىمدى پايدالانۋ ءۇشىن جاسالىپ وتىر. قازىر كوپشىلىك بۇرىنعىداي گازەت-جۋرنال وقىمايدى. قاجەت جاڭالىقتاردى عالامتوردان كورەدى. سونى ەسكەرىپ, وسىنداي جوبانى قولعا الدىق. شامامەن ءار اۆتوبۋستا 15-20 ادام تەگىن ينتەرنەتكە قوسىلا الادى. ءبىر سەانسى – 15 مينۋت. سودان كەيىن قايتا قوسىلۋ كەرەك», – دەيدى ب.مۋسين. ەلامان قوڭىر. دەرەك, سۋرەت: 24.kz.