ارالدا زاڭسىز جاردەماقى العان ازاماتشاعا ۇكىم شىقتى

استانا. 1 شىلدە. قىزىلوردا وبلىسى ارال اۋداندىق پروكۋراتۋراسى ءبىر جاسقا تولماعان بالالارعا تولەنەتىن جاردەماقىنىڭ تولەنۋ زاڭدىلىعىنا جۇرگىزىلگەن تەكسەرۋ بارىسىندا قىلمىستىق قۇقىق بۇزۋشىلىق دەرەگى انىقتالدى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى. ناقتى ايتساق, ەشنازاروۆا 2010 جىلدىڭ 8 قازانىندا دۇنيەگە كەلىپ, سول جىلدىڭ 12 قازانىندا قايتىس بولعان نەمەرەسىنە ءبىر جىل كولەمىندە جاردەماقىنى زاڭسىز الىپ, مەملەكەتكە 117 129 تەڭگە شىعىن كەلتىرگەن. مەملەكەت قارجىسىن زاڭسىز يەمدەنۋ دەرەگى بويىنشا ەشنازاروۆاعا قاتىستى اۋداندىق پروكۋراتۋرا 2015 جىلى 30 ساۋىردە قازاقستان رەسپۋبليكاسى قىلمىستىق كودەكسىنىڭ 190-بابى 1-بولىگىمەن سدتبت-نە تىركەلىپ, ءتيىستى پروتسەسسۋالدىق شەشىم قابىلداۋ ءۇشىن تەرگەلۋ رەتتىلىگىمەن اۋداندىق ىشكى ىستەر بولىمىنە جولداندى. سوتقا دەيىنگى تەرگەپ-تەكسەرۋ بارىسىندا ەشنازاروۆانىڭ مەملەكەتكە كەلگەن شىعىندى تولىعىمەن قايتارۋىنا بايلانىستى وعان قاتىستى قىلمىستىق ءىس قر قپك-ءنىڭ 35-بابى 1-بولىگىنىڭ 12-تارماعىنا سايكەس (اقتالمايتىن نەگىزدە) وندىرىستەن توقتاتىلعان. سونىمەن قاتار, اۋداندىق سوتتىڭ 28 مامىر 2015 جىلعى ۇكىمىمەن ەشنازاروۆا ازاماتتىق ءىستى سوتتا قاراۋ بارىسىندا نەمەرەسىنىڭ 1 جىلدان كەيىن قايتىس بولدى دەپ كورىنەۋ جالعان ايعاق بەرگەنى ءۇشىن قازاقستان رەسپۋبليكاسى قىلمىستىق كودەكسىنىڭ 420-بابى 1-بولىگىمەن 3 جىل باس بوستاندىعىنان شەكتەۋ جازاسىنا سوتتالدى. ەلامان قوڭىر. دەرەك: قىزىلوردا وبلىستىق پروكۋراتۋرانىڭ ءباسپاسوز قىزمەتى. سۋرەت: egemen.kz.