استانادا توبەلەسكەن قىزدارعا 10 ملن. تەڭگە ايىپپۇل سالىنۋى مۇمكىن

استانا. 1 شىلدە. بۇعان دەيىن عالامتوردا استاناداعى «شاپاعات» ساۋدا ورتالىعى ماڭىندا قىزداردىڭ توبەلەسكەنى تۋرالى ۆيدەو جاريالانعان بولاتىن. تاكسيگە تالاسىپ, ءبىر-ءبىرىنىڭ شاشىن جۇلعان بيكەشتەردىڭ بۇل ارەكەتى ءتيىستى ورىنداردىڭ دا نازارىن اۋداردى. ەندى ايدىڭ, كۇننىڭ امانىندا جاعا جىرتىسقان قىزدار ءىرى مولشەردە ايىپپۇل تولەۋى نەمەسە تۇرمەگە قامالۋى مۇمكىن. بۇل تۋرالى كتك تەلەارناسى حابارلادى. وقيعا تاڭعى ساعات بەستەردىڭ شاماسىندا بولعان. بازار ماڭىنداعى كافەلەردىڭ بىرىنەن تويلاتىپ شىققان بويجەتكەندەردىڭ تورتەۋى دە ۋداي ماس. ءسۇرىنىپ-قابىنىپ, قۇلاپ جاتسا دا ەركەكتەرشە ءبىر-ءبىرىن اياۋسىز تەپكىلەگەن ولاردىڭ توبەلەسىن كۋاگەرلەردىڭ ءبىرى ۇيالى تەلەفونىنا ءتۇسىرىپ العان. وقيعا ورنىنا شۇعىل جەتكەن پوليتسەيلەر توبەلەسكە قاتىسۋشىلاردىڭ ءبارىن بولىمشەگە الىپ كەتتى. ەندى ولار 10 ميلليون تەڭگە كولەمىندە ايىپپۇل تولەۋى مۇمكىن. الدە, جوعارىدا ايتقانىمىزداي, ولاردى تەمىر تور كۇتىپ تۇر. «توبەلەسكەن قىزدار اقمولا, جامبىل وبلىسى جانە استانا قالاسىنىڭ تۇرعىندارى. جاستارى 23-36-نىڭ ارالىعىندا. قازىرگى كەزدە سوتقا دەيىنگى تەكسەرۋ ءجۇرىپ جاتىر», – دەيدى استانا قالالىق ىشكى ىستەر دەپارتامەنتىنىڭ ءباسپاسوز حاتشىسى سوفيا قىلىشبەكوۆا. ەلامان قوڭىر. دەرەك: كتك تەلەارناسى. سۋرەت: news-rossiya.ru.