ءوزارا تۇسىنىستىك تانىتىلعان ساپار

ە.باباقۇماروۆ باستاعان قازاقستان پرەزيدەنتى جانىنداعى ورتالىق كوممۋنيكاتسيا قىزمەتىنىڭ دەلەگاتسياسى بۋداپەشتە ساپارمەن بولدى. «حۋنگاري تۋريزم» مەملەكەتتىك كومپانياسى باسشىلارىمەن وتكەن كەزدەسۋ بارىسىندا ماجار ماماندارى ۇلتتىق برەندتەردى شەتەلدەرگە تانىتۋ بويىنشا تاجىريبەسىمەن ءبولىستى. ماجارستان پرەمەر-ءمينيسترى كەڭسەسىنىڭ ستراتەگيالىق ارىپتەسى بولىپ تابىلاتىن «سازادۆەگ» ساراپتامالىق ورتالىعىندا اقپاراتتىق-ساراپتاما سالاسىنداعى ىنتىماقتاستىقتىڭ باسىمدىقتارى تالقىلاندى. ماجارستان ۇكىمەتى كوممۋنيكاتسيالىق ورتالىعىنىڭ باسشىسى, مەملەكەتتىك حاتشى, ماجارستان پرەمەر-ءمينيسترىنىڭ ءباسپاسوز حاتشىسى زولتان كوۆاچپەن 2010-2014 جىلدارى پرەمەر-مينيستر ۆ.وربان وتكىزگەن ماجارستان مەملەكەتتىك قىزمەتىنىڭ رەفورمالارى بارىسىنداعى كوممۋنيكاتسيالىق ستراتەگيا تاجىريبەسى تالقىلاندى. سونىمەن قاتار, ە.باباقۇماروۆتىڭ ماجارستان سىرتقى ىستەر ءمينيسترىنىڭ ورىنباسارى چابا بالوگپەن وتكەن كەزدەسۋى بارىسىندا ماجارستاننىڭ «شىعىسقا اشىلۋ» سىرتقى ساياسي ستراتەگياسىنىڭ ەرەكشەلىكتەرى تالقىلاندى. «ەگەمەن-اقپارات».