كەشە استاناداعى ۇلتتىق اكادەميالىق كiتاپحانا عيماراتىندا پارلامەنت ءماجىلىسىنىڭ دەپۋتاتى, اۋعان سوعىسى ارداگەرلەرى ۇيىمدارىنىڭ «قازاقستان ارداگەرلەرى» قاۋىمداستىعىنىڭ توراعاسى باقىتبەك سماعۇلدىڭ قازاق حاندىعىنىڭ 550 جىلدىعىنا, ۇلى جەڭىستىڭ 70 جىلدىعىنا بايلانىستى «وتان ءۇشىن قانىڭدى توكسەڭ دە, ارىڭدى توكپە» اتتى تاقىرىپپەن جاڭا كىتاپتارىنىڭ تۇساۋكەسەرى ءوتتى.
وسى ورايدا, قازاقستان حالقى اراسىنان شىققان ەرەن ەرلەردى ەلمەن ەتەنە قاۋىشتىرۋعا باعىتتالعان «قاھارمان», «قازاقتىڭ قارا مايورى» (ورىسشا «كورول پاندجشەرا»), «وق پەن وتان» كىتاپتارى قالىڭ وقىرمانعا جول تارتتى. شاراعا پارلامەنت دەپۋتاتتارى, مەملەكەت جانە قوعام قايراتكەرلەرى, اقىن-جازۋشىلار مەن جاستار قاتىستى. وندا ق.سۇلتانوۆ, ك.سەرىكباەۆ, ءا.تارازي, ب.ەرتاەۆ, ءو.وزعانباەۆ سياقتى اعا ۇرپاق وكىلدەرى ءسوز الىپ, كىتاپ اۆتورىنا دەگەن وزدەرىنىڭ جۇرەكجاردى تىلەكتەرى مەن پايىمدى پىكىرلەرىن ءبىلدىردى.
«قاھارمان» اتتى كىتاپ ۇلى وتان سوعىسىنىڭ اتى اڭىزعا اينالعان باتىرى, ەرلىكتىڭ تولاسسىز قاينارى, وشپەس ونەگەسى, توزبايتىن اسىلى باۋىرجان مومىش ۇلىنىڭ ۇرپاققا قالدىرىپ كەتكەن تاۋسىلماس ميراسىنا, سارقىلماس مۇراسىنا ارنالعان. جۇرتشىلىقتىڭ سۇراۋىمەن, ۇلى جەڭىستىڭ 70 جىلدىعى قارساڭىندا جاڭا تۇرعىدان جازىلىپ, قايتا باسىلىپ شىققان بۇل كىتاپ قارۋى مەن قالامىن قاتار ۇستاعان قايتالانباس, باتىر تۇلعانىڭ ەرلىك جولىن جاس ۇرپاقتىڭ ساناسىنا ءسىڭىرىپ, ولاردى ويى وزىق, رۋحى بەرىك ەتىپ تاربيەلەۋگە شاقىرادى.
سونىمەن قوسا, اۆتوردىڭ «قازاقتىڭ قارا مايورى» جانە «كورول پاندجشەرا» كىتابى اۋعان سوعىسىنداعى كۇردەلى تۇلعا بوريس كەرىمباەۆتىڭ ەرەن ەرلىگى مەن ەڭسەلى ەڭبەگىنەن سىر شەرتەدى. كىتاپ يەسى ونىڭ باتىر دا باتىل بەينەسىن وقىرمانعا اشا وتىرىپ, وتانشىل اسقاق رۋح, مەملەكەتشىل بيىك سانا تۋرالى ءوز پايىمدارىن ورتاعا سالادى. ال, «وق پەن وتان» كىتابى ەلiمiزدiڭ وتكەن تاريحىنا تەرەڭ بويلاۋ ارقىلى بۇگiنگi جانە كەلەشەكتەگى كەمەل ءومىردىڭ جايىن ويلاۋعا, «ماڭگىلىك ەل» جولىندا ۇلتتىق قۇندىلىقتاردى ارداقتاۋعا, ىنتىماق, بىرلىك, كەلىسىمدى ساقتاۋعا ۇندەيدى. ومىردەن تۇيگەن پايىمدارىن ەل بىرلىگى مەن تىرلىگىنە ۇلاستىرا ورىلگەن جىر مونشاقتارى كىم-كىمدى بولسا دا, بەيجاي قالدىرماسى انىق.
اسكەري تاقىرىپتا قالام تارتىپ جۇرگەن قوعام قايراتكەرى باقىتبەك سماعۇلدى تەك اۋعان سوعىسىنىڭ ارداگەرى دەپ قانا قاراماي, باتىل ويدىڭ يەسى, قاجەت كەزىندە جالىنداتىپ, جاندىرىپ, شەگەلەپ, شەشەن سويلەي بىلەتىن شەشەن, دارىندى قالامگەر دەپ تانۋىمىز كەرەك. جاۋىنگەر وتانداسىمىزدىڭ قانداي ەڭبەگىن وقىساڭىز دا وندا پاتريوتتىق رۋح, ەلدىك پەن ەرلىكتى مۇرات ەتەدى.
راۋشان تاۋىرحانقىزى,
جۋرناليست.
استانا.
وسى ورايدا, قازاقستان حالقى اراسىنان شىققان ەرەن ەرلەردى ەلمەن ەتەنە قاۋىشتىرۋعا باعىتتالعان «قاھارمان», «قازاقتىڭ قارا مايورى» (ورىسشا «كورول پاندجشەرا»), «وق پەن وتان» كىتاپتارى قالىڭ وقىرمانعا جول تارتتى. شاراعا پارلامەنت دەپۋتاتتارى, مەملەكەت جانە قوعام قايراتكەرلەرى, اقىن-جازۋشىلار مەن جاستار قاتىستى. وندا ق.سۇلتانوۆ, ك.سەرىكباەۆ, ءا.تارازي, ب.ەرتاەۆ, ءو.وزعانباەۆ سياقتى اعا ۇرپاق وكىلدەرى ءسوز الىپ, كىتاپ اۆتورىنا دەگەن وزدەرىنىڭ جۇرەكجاردى تىلەكتەرى مەن پايىمدى پىكىرلەرىن ءبىلدىردى.
«قاھارمان» اتتى كىتاپ ۇلى وتان سوعىسىنىڭ اتى اڭىزعا اينالعان باتىرى, ەرلىكتىڭ تولاسسىز قاينارى, وشپەس ونەگەسى, توزبايتىن اسىلى باۋىرجان مومىش ۇلىنىڭ ۇرپاققا قالدىرىپ كەتكەن تاۋسىلماس ميراسىنا, سارقىلماس مۇراسىنا ارنالعان. جۇرتشىلىقتىڭ سۇراۋىمەن, ۇلى جەڭىستىڭ 70 جىلدىعى قارساڭىندا جاڭا تۇرعىدان جازىلىپ, قايتا باسىلىپ شىققان بۇل كىتاپ قارۋى مەن قالامىن قاتار ۇستاعان قايتالانباس, باتىر تۇلعانىڭ ەرلىك جولىن جاس ۇرپاقتىڭ ساناسىنا ءسىڭىرىپ, ولاردى ويى وزىق, رۋحى بەرىك ەتىپ تاربيەلەۋگە شاقىرادى.
سونىمەن قوسا, اۆتوردىڭ «قازاقتىڭ قارا مايورى» جانە «كورول پاندجشەرا» كىتابى اۋعان سوعىسىنداعى كۇردەلى تۇلعا بوريس كەرىمباەۆتىڭ ەرەن ەرلىگى مەن ەڭسەلى ەڭبەگىنەن سىر شەرتەدى. كىتاپ يەسى ونىڭ باتىر دا باتىل بەينەسىن وقىرمانعا اشا وتىرىپ, وتانشىل اسقاق رۋح, مەملەكەتشىل بيىك سانا تۋرالى ءوز پايىمدارىن ورتاعا سالادى. ال, «وق پەن وتان» كىتابى ەلiمiزدiڭ وتكەن تاريحىنا تەرەڭ بويلاۋ ارقىلى بۇگiنگi جانە كەلەشەكتەگى كەمەل ءومىردىڭ جايىن ويلاۋعا, «ماڭگىلىك ەل» جولىندا ۇلتتىق قۇندىلىقتاردى ارداقتاۋعا, ىنتىماق, بىرلىك, كەلىسىمدى ساقتاۋعا ۇندەيدى. ومىردەن تۇيگەن پايىمدارىن ەل بىرلىگى مەن تىرلىگىنە ۇلاستىرا ورىلگەن جىر مونشاقتارى كىم-كىمدى بولسا دا, بەيجاي قالدىرماسى انىق.
اسكەري تاقىرىپتا قالام تارتىپ جۇرگەن قوعام قايراتكەرى باقىتبەك سماعۇلدى تەك اۋعان سوعىسىنىڭ ارداگەرى دەپ قانا قاراماي, باتىل ويدىڭ يەسى, قاجەت كەزىندە جالىنداتىپ, جاندىرىپ, شەگەلەپ, شەشەن سويلەي بىلەتىن شەشەن, دارىندى قالامگەر دەپ تانۋىمىز كەرەك. جاۋىنگەر وتانداسىمىزدىڭ قانداي ەڭبەگىن وقىساڭىز دا وندا پاتريوتتىق رۋح, ەلدىك پەن ەرلىكتى مۇرات ەتەدى.
راۋشان تاۋىرحانقىزى,
جۋرناليست.
استانا.
