تالاپ قويىپ, مىندەتتەر جۇكتەدى

كەشە پرەمەر-ءمينيستردىڭ ورىنباسارى بەردىبەك ساپارباەۆ جۇمىس ساپارىمەن الماتىدا بولدى. مۇندا ۆيتسە-پرەمەر مە­گا­پوليستىڭ الەۋمەتتىك-ەكونو­ميكالىق دامۋىمەن, جاڭا وقۋ ماۋسىمىنا دايىندىعىمەن تانىسىپ, الماتىنىڭ قىس­قى ۋنيۆەرسيادا-2017-گە ازىرلىك بارىسىن كوردى. سونداي-اق, ازيادا نىساندارىن پايدا­لانۋدىڭ تيىمدىلىگىن تەكسەردى. اتاپ ايتقاندا, ول «سۇڭقار» حالىقارالىق شاڭعى ترام­پليندەرى كەشەنىن قاراپ شىعىپ, ۋنيۆەرسيادا نىساندارىن – مۇز ارەنالارىن, سونداي-اق 5 مىڭ سپورتشىنى قابىلداۋعا ارنالعان اتلەتتەر اۋىلىن ارالادى. سونىمەن بىرگە, بەردىبەك ساپارباەۆ رەسپۋبليكالىق جانە قالالىق قان ورتالىقتارى مەن جالپى ءبىلىم بەرەتىن مەكتەپكە بارىپ ولارداعى جاعدايمەن تانىستى, بالۋان شولاق اتىنداعى سپورت جانە مادەنيەت سارايىن ارالاپ كوردى. ساپار بارىسىندا ۆيتسە-پرە­مەر قالا اكتيۆىنىڭ قاتى­سۋى­مەن كەڭەس وتكىزدى. وندا ءبىلىم مازمۇنىن جاڭارتۋ جانە ونىڭ بولاشاققا باعدارلانۋى ماسەلەلەرى قارالدى. ءوز سوزىندە بەردىبەك ماشبەك ۇلى الماتىنىڭ ءبىلىم بەرۋ سالاسىنىڭ پروبلەمالى ماسەلەلەرىنە باسا نازار اۋداردى. ءبىرىنشى كەزەكتە, بۇل مەكتەپكە دەيىنگى مەكەمەلەردىڭ جەتىسپەۋشىلىگىنە قاتىستى ەكەن­دىگىن ايتىپ ءوتتى. پرەمەر-مي­نيستر­دىڭ ورىنباسارى قالالىق اكىمدىككە جەكە سەكتور, مجس جانە مەتسەناتتاردى تارتۋ ەسەبىنەن بالاباقشالار اشۋ بويىنشا جۇمىستى كۇشەيتۋدى تاپسىردى. تاعى ءبىر ماسەلە, ونىڭ ايتۋىنشا, بالالاردىڭ قوسىمشا ءبىلىم بەرۋمەن از قامتىلۋى بولىپ وتىر. «قوسىمشا ءبىلىم بەرۋ – بالالاردى ءوزىن-ءوزى دامىتۋعا ۇيرەتۋدىڭ جانە ولاردى ەڭبەككە, سپورتقا جانە مادەنيەتكە تارتۋ­دىڭ ءتيىمدى تەتىگى. قوسىمشا ۇيىمدار جەلىسىن, ونىڭ ىشىندە جەكە سەكتور ارقىلى بەلسەندى دامىتۋ قاجەت», – دەپ باسا ايتتى ۆيتسە-پرەمەر. – ال­ماتى وقۋ ورىندارىندا كادرلاردى كەلىسىمشارتپەن دايارلاۋ جانە دۋالدى ءبىلىم بەرۋ جۇيەسىن مۇمكىن جەرلەردە بەلسەندى ەنگىزۋ قاجەت. قالالىق جوعارى وقۋ ورىندارى مەن كوللەدجدەردىڭ بارلىعى ءوز جۇمىسىندا الماتى قالاسىنىڭ دامۋ جوسپارىن ەسكەرۋى ءتيىس. كادرلار جەرگىلىكتى نارىق سۇرانىستارى مەن مەملەكەتتىك باعدارلامالاردى جۇزەگە اسىرۋعا سايكەس ازىرلەنۋى كەرەك», – دەپ تولىقتىردى ول ءوز ءسوزىن. كەڭەستى قورىتىندىلاعان ۆيتسە-پرەمەر باستى مىندەت مەملەكەت باسشىسىنىڭ ءبىلىم ساپاسىن ارتتىرۋ بويىنشا تاپسىرمالارىن مۇلتىكسىز ورىنداۋ بولىپ تابىلاتىنىن باسا ايتتى. ول مەملەكەتتىك ورگاندارعا مەگاپوليستىڭ ءبىلىم سالاسىن ودان ءارى دامىتۋ ءۇشىن بىرقاتار تاپسىرمالار بەردى. «الماتى قازاقستاننىڭ بار­لىق وڭىرلەرىنە ۇلگى بولۋى ءتيىس. سوندىقتان, ءبىز قالانىڭ ءبىلىم سالاسى جاقسارۋى ءۇشىن بار كۇش-جىگەرىمىزدى سالۋىمىز كەرەك», – دەپ تۇيىندەدى ءسوزىن ۆيتسە-پرەمەر. جۇمىس ساپارىنىڭ سوڭىندا بەردىبەك ساپارباەۆ الماتىنىڭ ساۋدا ورىندارىن ارالاپ, ازىق-ت ۇلىك