وقۋشىلار جوبالارى گرانتتارعا يە بولدى

الماتىدا وسى اپتادا «ەكولوگيا بويىنشا بالالار بيزنەس-جوبالارى» IX رەسپۋبليكالىق بايقاۋىنىڭ جەڭىمپازدارى انىقتالىپ, ەكولوگيا مەن قورشاعان ورتانى قورعاۋ سالاسىنداعى وقۋشىلاردىڭ ۇزدىك جۇمىستارىنىڭ جارمەڭكەلىك كورمەسى ۇيىمداستىرىلدى.

قازاقستاندا «ەكولوگيا بويىنشا بالالار بيزنەس-جوبالارى» اتتى رەسپۋبليكالىق بايقاۋ توعىز جىل قاتارىنان وتكىزىلىپ كەلەدى. بۇل بايقاۋدى «جاستار جەتىستىكتەرى» قوعامدىق قورى مەن «شەۆرون» كومپانياسى ءبىلىم جانە عىلىم مينيسترلىگىمەن بىرلەسە وتىرىپ ۇيىمداستىرادى. وسىناۋ بايقاۋ – جاس ۇرپاقتىڭ نازارىن ەكولوگيا ماسەلەلەرىنە جانە تابيعات قورلارىن ۇنەمدى پايدالانۋعا اۋدارۋدى كوزدەيدى. «شەۆرون» الەۋمەتتىك تۇر­عىدا جاۋاپكەرشىلىگى جوعارى ترانس­ۇلتتىق كومپانيا بولعاندىقتان, ءوز قىزمەتىندە تابيعاتتى قورعاۋعا باعىتتالعان كوپتەگەن جوبالاردى جۇزەگە اسىرىپ كەلەدى. ءبىز جاستارعا ەكولوگيالىق ءبىلىم بەرۋ مەن ولاردىڭ بويىنداعى ومىرلىك ماڭىزدى داعدىلارىن دامىتۋعا كوپ نازار اۋدارامىز. سوڭعى جيىرما جىل ىشىندە ەكولوگيا سالاسىنداعى كوپتەگەن جوبالار مەن شىعارماشىلىق باستامالارعا قولداۋ كورسەتتىك», دەيدى ۇكىمەتپەن جانە جۇرتشىلىقپەن بايلانىس دەپارتامەنتىنىڭ ديرەكتورى ەركىن زىكىباەۆ. بيىلعى جىلى 14 جەڭىمپاز, ولاردىڭ ىشىندە, جەكە قاتىسۋشىلار مەن مەكتەپ ۇجىمدارى, بالالار ۇيلەرىنىڭ تاربيلەنۋشىلەرى, ەلىمىزدىڭ ءتۇرلى ايماقتارىنداعى مۇمكىندىكتەرى شەكتەۋلى بالالار, جالپى سوماسى شامامەن ەكى ميلليون تەڭگەگە تەڭەلەتىن گرانتتىق قارجىلاندىرۋعا يە بولدى. سو­نىمەن قاتار, 10 جوبا ۇيىم­داس­تىرۋشىلار تاراپىنان ماقتاۋ قاعازدارىمەن ماراپاتتالادى. كوكتەمدە داستۇرگە اينالعان بيىلعى بايقاۋعا شامامەن 130 بالالار جوباسى قاتىسقان. ستاتيستيكا بويىنشا, قولداۋ كورسەتىلگەن بايقاۋ شەڭبەرىندە باستاپقىدا قارجىلاندىرىلعان جوبالاردىڭ 35 پايىزى ءوز جۇمىسىن قارجىلاندىرۋ اياقتالعاننان كەيىن دە جالعاستىرۋدا. اتالمىش بايقاۋمەن قاتار, ءبىلىم جانە عىلىم مينيسترلىگىنىڭ قولداۋىمەن ەكولوگيالىق-ەكو­نوميكالىق ءبىلىم بەرۋ جانە وقۋ­شىلاردى كاسىبي باعدارلاۋ بويىنشا وقۋ-ادىستەمەلىك قۇرال­دا­رىنىڭ ءىى رەسپۋبليكالىق سىرتتاي بايقاۋى دا وتكىزىلدى. سەبەبى, شىعارماشىلىق باستامانى بىلىكتى ۇستازداردىڭ قولداۋىنسىز دامىتۋ مۇمكىن ەمەس. جيناقتالعان ۇزدىك قازاقستاندىق پەداگوگيكالىق تاجىريبە جالپىلانىپ, الماناح رەتىندە باسپادان شىعارىلىپ, سودان كەيىن ەلىمىزدىڭ بارلىق ايماقتارىنا تاراتىلماق. ايناش ەسالي, «ەگەمەن قازاقستان». الماتى.