ماسكەۋدەن كەلىپ, قازاقشا كىتاپ وقىعان

بۇگىنگى جاھاندانۋ داۋىرىندە ۇلكەن-كىشى «سيقىرلى ساندىققا» ءۇڭىلىپ, جەر-جاھانداعى جاڭالىقتاردى بىلۋدە. مۇنىڭ جاقسىلىعى كوپ بولعانىمەن, كەرى اسەرى ءتيىپ جاتقان تۇستار دا جوق ەمەس. ويتكەنى, بۇگىندە جۇرت كىتاپتى وتە سيرەك وقيدى. كىتاپحاناداعى وقىرمانداردىڭ تىزىمىنە كوز جىبەرسەڭ, مەكتەپ وقۋشىلارى, بالا-شاعا... بىراق, وسى ۇدەرىستى تەرىسكە شىعاراتىن جايتتىڭ دە كۋاسى بولدىق. ماسكەۋ قالاسىنىڭ تۇرعىنى نادەجدا حولوپوۆا جاز ايىندا قازتالوۆ اۋىلىندا تۇراتىن اناسى ۆاليا اپايعا قىدىرىپ كەلگەندە, ءبىرىن­شى ­باراتىن جەرى – اۋداندىق كى­تاپ­حانا ەكەن. از عانا شەگىنىس. نادەجدا حولوپوۆا قازتالوۆ اۋىلىنىڭ بايىرعى تۇرعىنى, كوپ جىل ­ۇس­تازدىق قىزمەت جا­ساعان ۆلا­دي­مير حولوپوۆتىڭ كەلىنى ەكەن. ال نادەجدانىڭ اناسى ۆاليا اپاي بۇگىندە قازتالوۆ اۋىلىندا باقۋاتتى تۇرمىس كەشۋدە. ۆاليا اپايمەن سويلەسە قالساڭىز, قازاقشاسىمەن قازاقتاردى «سۇرىندىرەدى». ال نادەجدا ءوزىنىڭ 7 جاسار قىزى ۆيكتوريامەن جاز ايىندا كەلگەندە كىتاپحانادا بولۋدى داعدىعا اينالدىرعان. ماقساتى – قازاق تىلىندەگى كىتاپتاردى قىزىنا وقىتىپ تانىستىرۋ ەكەن. ال ءوزى قازاقشا ەركىن وقىپ, ەركىن سويلەيدى. نادەجدانى اڭگىمەگە تارت­قاندا, ول: «مەن وسى اۋىلدا تۋىپ-ءوستىم. قازىر ماسكەۋ قالاسىندا تۇرامىن. جاستايىمنان قازاق ءتىلىنىڭ نارىمەن سۋسىندادىم. وتە سۇلۋ دا باي ءتىل. قازىرگى كۇندە ماسكەۋدە بۇل ءتىلدىڭ ورتاسى بولماعان سوڭ جۇبايىم كوليا ەكەۋمىز ءتىلدى ساعىنعاندا ۇيدە قازاقشا دا سويلەسىپ الامىز. ال انام ۆاليا­عا جازدا قىدىرىپ كەلگەندە قازاق تىلىندە سويلەپ, ءبىر جاساپ قالامىن. قىزىم ۆيكتوريانى اتا-اناسىنىڭ كىندىك قانى تامعان ەلدىڭ ءتىلىن, ادەت-عۇرپىن, سالت-ءداستۇرىن ءبىلسىن دەپ ادەيى كىتاپحاناعا جىل سايىن الىپ كەلەمىن. ...ايتپاقشى, جاستىق شا­عىمىز, كوليامەن العاشقى كەز­دەسۋدەگى ماحاببات تۋرالى سوزدەر قازاق تىلىندە ايتىلىپ ەدى», – دەپ ك ۇلىپ قويدى نادەجدا اپاي. مىنە, وسىنداي انا ءتىلىمىزدى قادىرلەگەن, تەك قادىرلەپ قانا قويماي, قىزىن دا ۇيرەتىپ جۇرگەن نادەجدادان ۇلگى الۋعا ابدەن بولادى. جۇلدىز اسقارقىزى. باتىس قازاقستان وبلىسى, قازتالوۆ اۋدانى.