يسپانيادا شەتەلدىكتى بۇيرەگىن ساتۋعا كۇشتەپ كوندىرگەن توپ قولعا ءتۇستى

استانا. 19 مامىر. يسپانيادا كەلىمسەكتەن ونىڭ بۇيرەگىن ساتىپ الماق بولعان 5 ادام تۇتقىندالدى. كۇدىكتىلەر بۇل ساۋدا ءۇشىن شەتەلدىككە 6 مىڭ ەۋرو تولەۋگە كەلىسكەن. بۇل تۋرالى Yahoo News-گە سىلتەمە جاساپ, lenta.ru حابارلادى. پوليتسەيلەردىڭ ايتۋىنشا, بۇيرەك – توناۋمەن اينالىساتىن جەرگىلىكتى قىلمىستىق توپتىڭ باسشىسىنا قاجەت بولعان. ول اتالعان ادام مۇشەسىن ءزار شىعارۋ جۇيەسى بۇزىلعان ۇلى ءۇشىن ساتىپ العىسى كەلگەن. «مەديتسينالىق تەكسەرىس كەزىندە كەلىمسەك بۇل كەلىسىمنەن باس تارتۋعا تىرىسادى. الايدا, قىلمىستىق توپ ونى ۇرلاپ اكەتىپ, ۇرىپ-سوققان. ءتىپتى كەلىسپەسە ولتىرۋدەن دە تايىنبايتىندارىن ەسكەرتكەن», – دەيدى يسپانيا پوليتسەيلەرى. ولار بۇل ءىستى گەرمانيا جانە بەلگيا ساقشىلارىمەن بىرلەسىپ تەرگەگەنىن ايتتى. ايتا كەتەيىك, ەۋروپالىق وداققا مۇشە ەلدەر 14 ناۋرىزدا ادام مۇشەلەرىن ساتۋعا قارسى حالىقارالىق كەلىسىمشارتقا قول قويدى. ەۋروپالىق كەڭەستىڭ مالىمدەۋىنشە, جىل سايىن وسىنداي «كاسىپتەن» ساتۋشىلار 1,2 ملرد. دوللار كولەمىندە تابىس تابادى ەكەن. ەلامان قوڭىر. دەرەك, سۋرەت: lenta.ru.