وتقا ورانعان ورماننىڭ ورنى تولادى

بەسقاراعاي اۋدانىندا ىلكىدە ورتەنىپ كەتكەن 130 گەكتار ورمان القابى قالپىنا كەلتىرىلمەك. 1997-2006 جىلدار ارالىعىندا ورىن العان ورتتەن زارداپ شەككەن قاراعايلى بەلدەۋلەر مەن ورمان رەسۋرستارىن قالپىنا كەلتىرۋگە باعىتتالعان ەلىمىزدەگى بىرەگەي ورمان تالىمباعى بەسقاراعاي اۋدانىندا ورنالاسقان. شۆەد تەحنولوگياسى بويىنشا ورمان اعاشتارىن وسىرەتىن تالىمباق ارقىلى كەلەسى جىلى 8,5 ملن. اعاش كوشەتى ەگىلەتىن بولادى. كانونەر اۋىلدىق وكرۋگىنە قاراستى قارامىرزا اۋىلىنىڭ جانىنداعى تالىمباق كەشەنى بۇكىل­الەمدىك دامۋ بانكىنىڭ «قازاقستان رەسپۋبليكاسىنداعى ورمان-توعايلى اۋماقتى ارتتىرۋ جانە ورماندى ساقتاۋ» جوباسى شەڭبەرىندە سالىنعان. – ەرتىس وزەنىنىڭ جاعالاۋىن­داعى 130 مىڭ گەكتاردان استام قارا­عايلى ورمان بەلدەۋى توقسا­نىنشى جىلدارى ورتەنىپ كەتكەنى بەلگىلى. وسىعان وراي, اۋداندا ورمان رەسۋرستارىن قالپىنا كەل­تىرۋ جۇمىستارى بەلسەندى ءجۇر­گىزىلۋدە. ارينە, ورماندى قىس­قا مەرزىمدە قالپىنا كەلتىرۋ وڭاي ەمەس. الايدا, بىرنەشە جىل­­داردىڭ ىشىندە اتقارىلعان ءتيىمدى ءىس-قيمىل ناتيجەسىندە ءبىز وسى بىرەگەي تالىمباقتىڭ جاس كو­شەتتەرىن وتىرعىزۋعا مۇمكىندىك الىپ وتىرمىز, – دەدى اۋدان اكىمى نۇرلان سىدىقوۆ. دۋمان اناش, «ەگەمەن قازاقستان». شىعىس قازاقستان وبلىسى, بەسقاراعاي اۋدانى.