ورال. 18 مامىر. باتىس قازاقستان وبلىسىنىڭ ورتالىعى – ورال قالاسىندا الاش قايراتكەرى, ويشىل, اقىن, اعارتۋشى عۇمار قاراشتىڭ تۋعانىنا 140 جىل تولۋىنا وراي «عۇمار قاراش – تاريحي تۇلعا» اتتى عىلىمي-پراكتيكالىق كونفەرەنتسيا ءوتتى. بۇل تۋرالى egemen.kz ءتىلشىسى حابارلادى.
ءىس-شارا بارىسىندا اعارتۋشىنىڭ ولەڭدەرىنە فيلوسوفيالىق تالداۋلار جاسالىپ, شىعارمالارىنىڭ ءالى كۇنگە وزەكتىلىگىن جويماعانى تۋرالى ايتىلدى. سونداي-اق, عۇمار قاراشتىڭ ءومىرى مەن قوعامدىق جانە ساياسي قىزمەتى جايىندا باياندامالار جاسالدى.
سونىمەن قاتار, باسقوسۋدا فيلوسوفيا عىلىمدارىنىڭ دوكتورى تىلەكجان رىسقاليەۆ, جۋرناليست قازبەك قۇتتىمۇرات ۇلى, «جايىق پرەسس» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى جانتاس سافۋللين جانە تاعى باسقا قاتىسۋشىلار ءسوز الىپ, تۇلعانىڭ ەل تاريحىنداعى ورنى ايرىقشا ەكەنىن ايتتى.
وبلىستىق مادەنيەت باسقارماسى باسشىسىنىڭ ورىنباسارى ءابىل جولامانوۆ كونفەرەنتسيانىڭ ماقساتى – ويشىلدىڭ مۇرالارىن كەيىنگى ۇرپاققا ناسيحاتتاۋ, سول ارقىلى جاس بۋىندى وتانسۇيگىشتىككە تاربيەلەۋ, ۇلت قۇندىلىعىن جاڭعىرتۋ ەكەنىن تىلگە تيەك ەتتى.
شارا اياسىندا عۇمار قاراشتىڭ ءومىرى مەن شىعارماشىلىعى تۋرالى دەرەكتەردى قامتيتىن «جويىلماسا يگى ەدى, ارتتا قالعان ءىزىمىز» اتتى كىتاپ كورمەسى ۇيىمداستىرىلدى.
تەمىر قۇسايىن.
دەرەك, سۋرەت: egemen.kz.
