باسىمدىققا يە باعىتتارعا نازار اۋدارىلدى

مەملەكەت باسشىسى نۇرسۇلتان نازارباەۆ يزرايل پرە­مەر-ءمينيسترى بينيامين نەتانياحۋمەن تەلەفون ارقىلى سويلەستى, دەپ حابارلادى پرەزيدەنتتىڭ ءباسپاسوز قىزمەتى. يزرايل پرەمەر-ءمينيسترى بارشا مۇسىلماندار ءۇشىن قا­سيەت­تى رامازان ايىنا, سونداي-اق, پرە­زيدەنتتىك سايلاۋدىڭ قورى­تىن­­دىلارى مەن ەلدىڭ دسۇ-عا كى­رۋى­نە بايلانىستى نۇرسۇل­تان نا­زارباەۆقا شىنايى قۇت­تىقتاۋىن جەتكىزدى. ب.نەتانياحۋ بۇل ماسەلە جونىندە يزرايل قا­زاقستاندى قولداعانىن اتاپ ءوتتى. مەملەكەت باسشىسى بي­نيا­­مين نەتانياحۋدى يزرايل   پرە­مەر-ءمينيسترى لاۋازىمىنا قاي­تا سايلانۋىمەن قۇتتىقتاپ, جاۋ­اپتى قىزمەتىنە تابىس تىلەدى. اڭگىمە بارىسىندا تا­راپ­­تار قا­زاقستان-يزرايل ىن­تى­­­ماق­­تاس­تىعىنىڭ باسىم­دىعى بار باعىت­­تارىن تالقىلاپ, ساۋ­دا-ەكو­­نومي­كا جانە ينۆەستي­تسيا سالا­­لارىن­داعى, سونداي-اق, حا­لىق­­ارا­لىق ۇيىم­دار اياسىن­داعى ءوزارا ءىس-قيمىل­دى جانداندىرۋ جولدارىن بەلگىلەدى. سونىمەن قاتار, تاياۋ شى­عىس­­تاعى احۋال, اتاپ ايتقاندا, يز­­رايل-پالەستينا قارىم-قاتى­ناسى ءسوز بولدى. يزرايل پرەمەر-ءمينيسترى قا­­­زاق­­ستان پرەزيدەنتىن تەل-اۆيۆ­­­كە ساپارمەن كەلۋگە شاقىر­دى. تەلەفون ارقىلى سويلەسۋگە يز­رايل جاعى باستاماشىلىق ەتتى.