اتىراۋدا وقۋشىلاردىڭ رەسپۋبليكالىق وليمپياداسى مارەگە جەتتى

اتىراۋ. 31 ناۋرىز. اتىراۋدا دارىندى وقۋشىلاردىڭ قوعامدىق-گۋمانيتارلىق باعىتتاعى رەسپۋبليكالىق وليمپياداسىنىڭ جەڭىمپازدارى انىقتالدى. بۇل تۋرالى egemen.kz ءتىلشىسى حابارلادى. ءبىلىم باسەكەسى ەكى تۋر بويىنشا ءوتىپ, وعان ەلىمىزدىڭ بارلىق وڭىرىنەن, نازارباەۆ زياتكەرلىك مەكتەبىنەن, و.جاۋتىكوۆ اتىنداعى رەسپۋبليكالىق فيزيكا-ماتەماتيكا مەكتەبىنەن, سونىمەن بىرگە, اباي اتىنداعى رەسپۋبليكالىق مامانداندىرىلعان مەكتەپ-ينتەرناتتارىنان 556 وقۋشى قاتىستى. ولار قازاقستان تاريحى جانە قۇقىق نەگىزدەرى, قازاق, ورىس تىلدەرى مەن ادەبيەتتەرى, نەمىس, فرانتسۋز جانە اعىلشىن تىلدەرىنەن سايىسقا ءتۇستى. ءبىلىم جانە عىلىم مينيسترلىگىنىڭ «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى شولپان قيراباەۆانىڭ ءمالىم ەتۋىنشە, بيىلعى  وليمپيادا تاپسىرمالارى كۇردەلى بولعان. «سوعان قاراماستان وقۋشىلار ءماتىن تالداپ, اۋدارما جاسادى. شىعارمالار جازدى. ءسويتىپ, ولار وزدەرىنىڭ جوعارى ءبىلىم دەڭگەيىن كورسەتتى» دەدى ش.قيراباەۆا. سونداي-اق, ول ەڭ ۇزدىك دەپ تانىلعان شىعارمالار توپتاماسى ارنايى كىتاپقا ەنگىزىلەتىنىن ايتتى. وليمپيادا قورىتىندىسى بويىنشا «اۋىل مەكتەبىنىڭ ۇزدىك وقۋشىسى-2015» اتالىمى باتىس قازاقستان وبلىسىنداعى تەرەكتى لينگۆيستيكالىق مەكتەبىنىڭ 11-سىنىپ وقۋشىسى ءا.شۋاقباەۆقا بەرىلدى. ال ونىڭ ۇستازى ۆ.توقتاروۆا  «ۇزدىك اۋىل مۇعالىمى-2015» اتاندى. سونداي-اق, اقشۇقىر مەكتەپ-ليتسەيى (ماڭعىستاۋ وبلىسى) «ۇزدىك اۋىل مەكتەبى-2015» اتالىمىمەن ماراپاتتالدى. قوستاناي وبلىسىنداعى قازاق-تۇرىك ليتسەيىنىڭ 8-سىنىپ وقۋشىسى ن.يۋرتاەۆ «ەڭ جاس قاتىسۋشى» اتاندى. وسى سايىستا №25 گيمنازياسى (الماتى) مەن «بەست» (سولتۇستىك قازاقستان وبلىسى) گيمنازياسىنا «ۇزدىك وليمپيادا مەكتەبى» اتالىمدارى تابىس ەتىلدى. سونىمەن بىرگە, وڭتۇستىك قازاقستان جانە سولتۇستىك قازاقستان وبلىستارىنىڭ كوماندالارى ۇزدىك ۇشتىكتى تۇيىندەدى. ال باتىس قازاقستان, پاۆلودار جانە قاراعاندى وبلىستارىنىڭ ءبىلىمدى ورەندەرى جۇلدەلى ەكىنشى ورىننان كورىندى. اتىراۋ, قوستاناي, شىعىس قازاقستان وبلىستارى مەن الماتى جانە استانا قالالارىنان باق سىناعان دارىندى وقۋشىلار «ۇزدىك وليمپيادالىق كوماندا» اتالىمدارىنىڭ يەگەرلەرى اتاندى. جولداسبەك شوپەعۇل. دەرەك, سۋرەت: egemen.kz.