ۇلكەن التىن مەدالمەن ماراپاتتالدى

الدىڭعى كۇنى ماسكەۋدە قا­زاقستاننىڭ رەسەيدەگى ەلشىلىگىندە قازاقستان رەسپۋبليكاسىنىڭ پرەزيدەنتى ن.ءا.نازارباەۆتى الەم­دىك ەكونوميكانىڭ دامۋىنا, تاريحي ماڭىزدى باستاما­لارى مەن ينتەگراتسيالىق ۇدەرىس­تەردىڭ قالىپتاسۋى جانە ونى جە­تىلدىرۋ سالاسىنداعى جوعارى جەتىستىكتەرى, ەۋرازيا ەكو­نوميكالىق وداقتىڭ دامۋى, رەسەي فەدەراتسياسى مەن قازاقستان رەسپۋبليكاسى ارا­سىنداعى ەكونوميكالىق, عىلىمي, مادەني بايلانىستاردى نىعايتۋعا قوسقان ۇلەسى جانە بەلسەندى قوعامدىق قىزمەتى ءۇشىن ەكونوميكالىق قوعامداستىقتىڭ ۇلكەن التىن مەدالىمەن ماراپاتتاۋ ءراسىمى ءوتتى. ناگرادانى تابىس ەتكەن ەركىن ەكونوميكالىق قو­عام­داستىقتىڭ باسشىسى, اتاقتى ەكونوميست, ماسكەۋدىڭ 1991-1992 جىلدارداعى اكىمى گاۆريل پوپوۆ ءوز سوزىندە نۇر­سۇلتان نازارباەۆ رەسەي­دىڭ ەەق ۇلكەن التىن مەدا­لى­مەن ماراپاتتالعان تۇڭعىش شە­تەلدىك ازامات ەكەنىن ايتتى. – وسى ناگرادامەن مارا­پاتتاۋ تۋرالى شەشىمدى قا­بىلداعاندا, ءبىز, بىرىنشىدەن نۇرسۇلتان نازارباەۆتىڭ قازىرگى زامانعى ەكونو­مي­كا­لىق ۇدەرىستەردىڭ دامۋىنا قوسقان ۇلەسىن ەسەپكە الدىق. نۇرسۇلتان ءابىش ۇلى يندۋس­تريالدى قوعامنان يندۋس­تريالدى دامىعان قوعامعا كوشۋدىڭ پروبلەمالارىنا تەوريالىق نەگىزدەمە بەرگەن ءبىرىنشى ءىرى ساياساتكەرلەرىنىڭ قاتارىنا كىرەدى. ەكىنشىدەن, قازاقستان پرەزيدەنتى دۇنيە­جۇ­زىلىك قوعامداستىق ءبىر ايماق­تى ەمەس, كەرىسىنشە ءبىر ءبى­رى­مەن بەيبىت ءارى تىعىز باي­لا­نىستا بولعان كوپتەگەن قو­عام­داستىقتاردان قالىپ­تاسقانى ءجون دەگەن ءتۇسى­نىكتىڭ پايدا بولۋىنا ماڭىز­دى ۇلەس قوستى. قازىرگى كەزدە بارلىعىمىز ونىڭ جوباسى بويىنشا قۇرىلعان ەۋرا­زيا ەكونوميكالىق وداعىنا كۋا بولىپ وتىرمىز. ءۇشىن­شى سەبەپ, ول قازىرگى قوعام­دا بولىپ جاتقان ىشكى ۇيىم­داستىرۋ ۇدەرىستەرىمەن بايلا­نىستىلىقتا. ءتورتىن­شىدەن, رەسەي جانە قازاقستان اراسىنداعى ىنتى­ماقتاستىقتىڭ تۇراقتى دامۋىنا جانە نىعايۋىنا نۇر­سۇلتان نازارباەۆتىڭ جەكە قوسقان ەلەۋلى ۇلەسىن ەرەكشە اتاپ وتكىم كەلەدى, – دەدى رەسەي اكادەميگى. ءوز كەزەگىندە, مەدالدى قا­بىل­داعان قازاقستان رەس­پۋب­لي­كاسىنىڭ رەسەي فەدە­را­تسيا­­سىنداعى توتەنشە جانە وكى­­لەتتى ەلشىسى مارات ءتاجين گاۆ­­ريل پوپوۆقا ەل پرەزي­دەن­تى­نىڭ ەكونوميكا عىلىمىنداعى قىزمەتىنە جوعارى باعا بەرگەنى ءۇشىن العىسىن ايتتى. «بۇگىنگى ماراپات جاي قۇرمەت كورسەتۋ عانا ەمەس, بۇل نۇرسۇلتان ءابىش­ ۇلى نازارباەۆتىڭ ەۋرا­زيالىق ديالوگتىڭ نىعايۋىنا, رەسەيمەن تاتۋ كورشىلەس قاتى­ناستاردىڭ دامۋىنا قوسقان اسا زور عىلىمي جانە ءتاجى­ريبەلىك ۇلەسىن مويىنداۋ بەلگىسى بولىپ ەسەپتەلەدى», – دەدى ەلشى. «ەگەمەن-اقپارات».