كەلەسى كەڭەس قازاقستاندا وتەدى

كەشە رەسەي فەدەراتسياسىنىڭ سانكت-پەتەربۋرگ قالاسىندا شىۇ-عا مۇشە مەملەكەتتەر قورعانىس مينيسترلەرىنىڭ كەڭەسى ءوتتى. وعان قازاق­ستان رەس­پۋبليكاسىنىڭ قورعانىس ءمينيسترى يمانعالي تاسماعامبەتوۆ قاتىس­تى, دەپ حابارلادى قر قورعانىس مينيسترلىگىنىڭ ءباسپاسوز قىزمەتى. ي.تاسماعامبەتوۆ شىۇ-عا قاتىسۋ­شى ەلدەر اراسىنداعى ءوزارا ءىس-قيمىل دەڭ­گەيى قاناعاتتانارلىق دەپ اتاپ ءوتتى. «ءبىز بۇل ۇيىمدى نىعايتۋ مەن دامىتۋعا, شىۇ ءمانى­­سىن ارتتىرۋعا نيەتتىمىز. وسىعان باي­لا­نىستى استانادا 2016 جىلدىڭ مامى­­رىندا كەلەسى كەڭەستى وتكىزۋ تۋرالى قازاق­ستاندىق باستامانىڭ قولدانىلۋىنا ۇمىتتەنەمىز». قورعانىس مينيسترلەرى كەڭەسىنىڭ قورىتىندىسى بويىنشا دەلەگاتسيا باسشىلارىمەن ۇسىنىلعان قۇجاتتارعا قول قويىلدى جانە بەكىتىلدى. سول كۇنى قازاقستاندىق دەلەگاتسيانىڭ قحر قورعانىس ءمينيسترى گەنەرال-پولكوۆنيك چان ۆانتسيۋانمەن ەكىجاقتى كەزدەسۋى ءوتتى. قىتاي حالىق رەسپۋبليكاسىمەن ىنتىماقتاستىقتى نىعايتۋ جانە كەڭەيتۋ قازاقستاننىڭ باستى ستراتەگيالىق باسىمدىقتارىنىڭ ءبىرى بولىپ تابىلادى. – 2014 جىلعى قىتاي تاراپىمەن ۇيىمداستىرىلعان وقۋ-جاتتىعۋ جوعارى دەڭگەيدى جانە اتالعان وقۋ-جاتتىعۋدىڭ ءساتتى وتكىزىلۋىن كورسەتتى. وندا ءبىزدىڭ ءبولىم­شەلەر كۇردەلى جاعدايدا ءارتۇرلى تاپسىر­مالاردى بىرلەسىپ ورىنداۋ ەلەمەنت­تەرىن پىسىقتادى. سونىمەن قاتار, اعىمداعى جىلدىڭ قىركۇيەك-قازان ايلارىن­دا ءبىزدىڭ مەملەكەتتەرىمىزدىڭ اۋماعىن­دا لاڭكەستىككە قارسى العاشقى ەكىجاقتى روتالىق-تاكتيكالىق وقۋ-جاتتىعۋ­دى وتكىزۋ قاۋىپسىزدىك قاتەر­لەرىنە بىرلەسىپ دەن قويۋ كەزىندە بولىمشەلە­رىمىزدىڭ ءوزارا ءىس-قيمىل جانە ماشىق دەڭگەيىن ارتتىرادى. ودان وزگە, وسى جىلدىڭ ماۋسىمىندا قازاقستاننىڭ اۋماعىندا وتكەن تانك بياتلونى بويىنشا الەم چەمپيوناتىنا تانك ەكيپاجدارىنىڭ بىرلەسكەن دايىندىعى دا ماڭىزدى بولىپ تابىلادى, دەدى كەزدەسۋدە قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ.