زاڭدىلىقتى ساقتاۋ – ماڭىزى زور ءىس

ەلباسى نۇرسۇلتان نازارباەۆ باس پروكۋرور اسحات داۋىلباەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا ا.داۋىل­باەۆ مەملەكەت باسشىسىنا قۇ­قىق قورعاۋ ورگاندارىنىڭ قىزمەتى, سونداي-اق, حالىقتىڭ الەۋ­مەتتىك ءالسىز توپتارى مەن كاسىپكەرلەردى قورعاۋدى كۇشەيتۋ ءجونىن­دەگى تاپسىرمانىڭ ورىندالۋ بارىسى تۋرالى باياندادى. ەلباسى پرەزيدەنتتىك ساي­لاۋ­عا ازىرلىك پەن ونى وتكىزۋ كەزەڭىندە زاڭ­­دىلىقتىڭ ساقتالۋىن قامتا­ما­سىز ەتۋ قاجەتتىگىنە نازار اۋداردى. نۇرسۇلتان نازارباەۆ ۇلت­تىق قوردان ەكونوميكانى قولداۋعا بولىنەتىن قاراجاتتىڭ ماق­ساتتى پايدالانىلۋىن قاداعا­لاۋ­دى ودان ءارى كۇشەيتۋدىڭ ماڭىز­دىلىعىن اتاپ كورسەتتى. مەملەكەت باسشىسى بيزنەس سۋبەكتىلەرىن زاڭسىز تەكسەرۋ­لەردىڭ سانى 6 ەسە قىسقارعانىنا توقتالدى جانە كاسىپكەرلەر قۇقىعىنىڭ مۇلتىكسىز ساقتالۋىن باقىلاۋدى ودان ءارى قامتاماسىز ەتۋدى تاپسىردى. سونىمەن قاتار, قازاقستان پرەزيدەنتى ازاماتتاردىڭ ەڭبەك قۇقىعىن, اسىرەسە, ەڭبەكاقى تولەم­دەرىنە قاتىستى قۇقىقتى قور­عاۋ قاجەتتىگىن ايتتى. باس پروكۋرور رەسپۋبليكانىڭ بارلىق وڭىرىندە سوتقا دەيىنگى تەرگەۋدىڭ بىرىڭعاي رەەسترى ىسكە قوسىلىپ, جۇمىس ىستەپ جات­قانى تۋرالى باياندادى. وندا قىل­مىستىق قۇقىق بۇزۋ بەلگىلەرى بار ارەكەتتەر تۋرالى ارىزدار مەن حابارلار تىركەلەدى. ا.داۋىلباەۆ, سونداي-اق, بيۋدجەتتى تولتىرۋعا جانە پايدالانىلمايتىن جەرلەردى مەملەكەت مەنشىگىنە قايتارۋعا باعىت­تالعان شارالار تۋرالى بايانداپ, قاداعالاۋ قىزمەتىنىڭ وزگە دە وزەكتى ماسەلەلەرى تۋرالى ايتتى. كەزدەسۋ قورىتىندىسى بوي­ىنشا مەملەكەت باسشىسى ءبىر­قاتار ناقتى تاپسىرما بەردى. سۋرەتتەردى تۇسىرگەندەر س.بوندارەنكو, ب.وتارباەۆ.