زامانعا ساي ماماندار تارتىلماق

كەشە ورتالىق كوممۋنيكاتسيالار قىزمەتىندە ءبىلىم جانە عىلىم ۆيتسە-ءمينيسترى ە.يمانعاليەۆ, دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ب.نۇرىمبەتوۆ, ل.ن.گۋميلەۆ اتىنداعى ەۇۋ رەكتورى ە.سىدىقوۆتىڭ قاتىسۋىمەن «يندۋستريالاندىرۋدى كادرلارمەن قامتاماسىز ەتۋ» تاقىرىبىندا ءباسپاسوز ءماسليحاتى ءوتتى. كونفەرەنتسيا بارىسىندا ۆيتسە-مينيستر ە.يمانعاليەۆ جوعارى جانە جوعارى وقۋ ورنىنان كەيىنگى ءبىلىم سالاسىندا جو­بالاردى زامانعا ساي كادرلارمەن قامتۋ يننو­ۆاتسيالىق سيپاتتاعى ءبىلىم بەرۋ باع­دار­لامالارى ەسەبىنەن جۇرگىزىلەتىن­دىگىن ايتىپ, 2015-2017 جىلدارى ءبىلىم بەرۋ باع­دارلامالارىن ازىرلەۋگە ءار جىل سايىن­ 962,1 ملن. تەڭگە قارجى قاراستىرىل­عان­­دىعىن العا تارتىپ, رەسپۋبلي­كالىق بيۋد­­جەت ەسەبىنەن 2015 جىلى شەتەلدىك عا­لىم­­­داردى شاقىرۋعا 998,8 ملن. تەڭگە ءمول­­شە­رىندە, سونداي-اق اكادەميا­لىق ۇتقىر­لىققا 590 ملن. تەڭگە بولىنگەنىن ءمالىم ەتتى. «2015 جىلدىڭ 1 قىركۇيەگىنەن باس­تاپ وقۋ پروتسەسىنە ەنگىزىلەتىن وقۋ باع­دارلامالارىن كەلىسۋ بويىنشا جۇمىس بەرۋشىلەرمەن, كاسىپوداقتارمەن بايلانىس ارتۋدا. ون ىرىكتەلگەن كوللەدجدەردىڭ التاۋى دۇنيەجۇزىلىك بانك قارجىسى ەسەبىنەن ىسكە اسىرىلاتىن تەحنيكالىق جانە كاسىپتىك ءبىلىمدى جاڭعىرتۋ جوباسى بويىنشا گرانت الۋشىلار بولىپ تابىلادى. وسى جوبا اياسىندا كوللەدجدەر 425 ملن. تەڭگە تۇراتىن جابدىقتارمەن جاراقتالعان», – دەدى ە.يمانعاليەۆ. «نۇرلى جول» جاڭا ەكونوميكالىق ساياساتىن جانە قازاقستان رەسپۋبليكاسىن يندۋستريالىق-يننوۆاتسيالىق دامىتۋ­دىڭ 2015-2019 جىلدارعا ارنالعان مەملەكەتتىك باعدارلاماسىن ىسكە اسىرۋ ماقساتىندا بازالىق جوعارى وقۋ ورىندارىنىڭ جانە كوللەدجدەردىڭ دامۋ باعدارلاماسى ازىرلەنگەنىن دە اتاپ ءوتتى. وسى باعدارلاماعا جانە ەلىمىزدى يندۋستريالاندىرۋدىڭ ەكىنشى بەسجىل­دىعىنىڭ باسىمدىقتارىنا سايكەس 2015-2017 جىلدارى بىلىكتى كادرلار دايارلاۋ ىسكە اسادى ەكەن. مەملەكەتتىك باعدارلامانىڭ باسىم سالالارى: مەتاللۋرگيا, مۇناي-گاز حيمياسى, ەلەكتر­ەنەرگەتيكا, جەڭىل جانە تاماق ونەركاسىبى, ماشينا جاساۋ, ينفورماتسيالىق-كوممۋ­نيكاتسيالىق تەحنولوگيالار, تاعى باسقا. ال دەنساۋلىق ساقتاۋ جانە الەۋمەتتىك دامۋ مينيسترلىگىنىڭ دەرەكتەرىنە سايكەس, 2015-2019 جىلدارى ارالىعىندا جالپى سانى 257 وڭىرلىك جانە رەسپۋبليكالىق جوبالار ىسكە اسىرىلاتىن بولادى. مۇنداعى كادرلارعا دەگەن جالپى قاجەتتىلىك بۇگىنگى كۇندە 46,6 مىڭ ادامدى قۇراپ وتىر ەكەن. ماسەلەن, تەحنيكالىق جانە كاسىپتىك ءبىلىم بەرۋ سالاسىندا «كاسىپقور» حولدينگى مەن 10 كوللەدج اراسىندا دامىتۋ ءىسى بويىنشا شارتتار جاسالعان. 2017-2018 جىلداردا 10 كوللەدجگە ءارى قاراي ەنگىزۋ ءۇشىن جۇمىس بەرۋشىلەردىڭ قا­تىسۋىمەن تاعى 16 وقۋ باعدارلاماسى ءازىر­­­لەنبەك. 2015 جىلدان باستاپ 2 كوللەدج­ وسى باعدارلامالاردى وقۋ پروتسەسىنە ەنگىزەدى. 2015-2016 وقۋ جىلىنىڭ باسىنان باستاپ بازالىق جوعارى وقۋ ورىندارىندا ماگيسترانتتار جاڭا ءبىلىم بەرۋ باعدارلامالارى بويىنشا ءبىلىم الاتىن بولادى. زەرتحانالاردى قۇرۋعا 10 ملرد. تەڭگە قاراستىرىلسا, ونىڭ 3 ملرد. تەڭگەسى سوڭعى ەكى جىلدا, 4 ملرد. تەڭگە 2017 جىلى يگەرىلەتىن كورىنەدى. راۋشان تاۋىرحانقىزى, جۋرناليست.